IND vs SA 1st Test Score Live: सेंच्युरियनच्या मैदानात भारताने रचला इतिहास, 113 धावांनी विजय मिळवत मालिकेत घेतली आघाडी

IND vs SA 1st Test Score Live : भारताच्या दक्षिण आफ्रिका दौऱ्यातील पहिल्या कसोटी सामन्याला आजपासून सुरुवात झाली आहे. पाहा सामन्यातील महत्वाचे अपडेट्स

पार्श्वभूमी

India vs South Africa 1st Test: भारताच्या दक्षिण आफ्रिका दौऱ्याची आजपासून सुरुवात होणार आहे. भारत आणि दक्षिण आफ्रिका दरम्यान कसोटी मालिकेला सुरुवात होणार आहे. कसोटी मालिकेतील पहिला सामना हा 'बॉक्सिंग डे' कसोटी सामना म्हणून ओळखला जाणार आहे. सेंच्युरियनवर हा सामना होणार आहे. मागील 29 वर्षांमध्ये दक्षिण आफ्रिकेच्या भूमीवर टीम इंडियाला कसोटी मालिका जिंकता आली नाही. त्यामुळे या दौऱ्यात विराट कोहलीच्या नेतृत्वात टीम इंडिया इतिहास रचणार का, याकडे सगळ्यांचे लक्ष लागले आहे.टीम इंडिया कोणाला देणार संधी?पहिल्या कसोटीसाठी अंतिम संघ निवड करताना कर्णधार विराट कोहलीची डोकेदुखी वाढण्याची शक्यता आहे. खेळपट्टी पाहून टीम इंडिया पाच गोलंदाजांसह मैदानात उतरू शकते. यामध्ये चार जलदगती आणि एक फिरकीपटू असण्याची दाट शक्यता आहे.टीम इंडियाकडून के.एल. राहुल आणि मयांक अग्रवाल सलामीची जोडी म्हणून येऊ शकतात. त्यांच्यानंतर कर्णधार विराट कोहली आणि चेतेश्वर पुजारा असतील. पाचव्या क्रमांकासाठी कोणाला संधी मिळणार यावर अनेक चर्चा सुरू आहेत. अजिंक्य रहाणे, श्रेयस अय्यर आणि हनुमा विहारी पाचव्या क्रमांकासाठी दावेदार आहेत. यष्टिरक्षक म्हणून ऋषभ पंतची निवड निश्चित असल्याचे मानले जात आहे. त्यानंतर फिरकीपटू आर. अश्विन याला संधी मिळू शकते. अश्विनवर अष्टपैलू खेळाडूची जबाबदारी असणार आहे. त्याशिवाय, जसप्रीत बुमराह, मोहम्मद शमी, शार्दुल ठाकूर आणि मोहम्मद सिराज यांना टीम इंडियात संधी मिळू शकते.  खेळपट्टी कशी असणार?सामन्याच्या पहिल्या दोन दिवसात खेळपट्टी गोलंदाजासाठी अनुकूल असण्याची शक्यता आहे. तिसऱ्या दिवसानंतर फलंदाजी करणे सोपं होईल असे म्हटले जात आहे. खेळपट्टीकडून वेगवान गोलंदाजांना चांगली मदत होईल. फिरकीपटूंना सामन्याच्या चौथ्या आणि पाचव्या दिवशी खेळपट्टीकडून मदत मिळण्याची शक्यता आहे.हवामानाचा अंदाज कसोटी सामन्याच्या पहिल्या दिवशी पावसाचा अंदाज व्यक्त करण्यात आला आहे. पहिल्या दिवशी पाऊस होण्याची शक्यता 60 टक्के आहे.   

30/12/2021 16:22:32

भारताचा 113 धावांनी विजय

अखेरचा गडी आश्विनने बाद केला असून भार 113 धावांनी विजयी झाला आहे.

30/12/2021 16:21:58

रबाडा बाद, भारताला विजयासाठी 1 विकेट बाकी

आश्विनने नववा गडी बाद केला असून आता विजयासाठी भारताला केवळ एक विकेट बाकी आहे.

30/12/2021 16:17:21

दक्षिण आफ्रिकेचा आठवा गडी बाद

दक्षिण आफ्रिकेचा आठवा गडीही तंबूत परतला आहे. मोहम्मद शमीने मार्को जेन्सनला बाद केलं असून भारताला विजयासाठी केवळ 2 विकेट्सची गरज आहे.

30/12/2021 15:14:52

सेंच्युरियन कसोटीवर भारताची पकड, विजयासाठी तीन विकेटची गरज

पहिल्या कसोटी सामन्यावर भारताने पकड मिळवली आहे. विजयासाठी भारतीय संघाला अवघ्या तीन विकेटची गरज आहे. पाचव्या दिवशी भारतीय गोलंदाजांनी तीन विकेट घेत सामन्यावर पकड मजबूत केली आहे. चौथ्या डावांत दक्षिण आफ्रिका संघाने सात गड्यांच्या मोबदल्यात  164 धावा केल्या आहेत.  विजयासाठी दक्षिण आफ्रिका संघाला 305 धावांचे आव्हान देण्यात आलं आहे. 

29/12/2021 21:43:52

चौथ्या दिवशीचा खेळ समाप्त, दिवसअखेर दक्षिण आफ्रिका 94/4

चौथ्या दिवशीचा खेळ संपला असून दिवस संपताना दक्षिण आफ्रिकेने 94 धावांच्या बदल्यात 4 गडी गमावले आहेत. आफ्रिकेला विजयासाठी 211 धावांची गरज आहे.

29/12/2021 21:42:35

चौथ्या दिवशीचा खेळ समाप्त, दिवसअखेर दक्षिण आफ्रिका 94/4

चौथ्या दिवशीचा खेळ संपला असून दिवस संपताना दक्षिण आफ्रिकेने 94 धावांच्या बदल्यात 4 गडी गमावले आहेत. आफ्रिकेला विजयासाठी 211 धावांची गरज आहे.

29/12/2021 21:19:19

आफ्रिकेचा तिसरा गडी तंबूत परत, बुमराहची कमाल

बराच काळ क्रिजवर टीकलेल्या दक्षिण आफ्रिकेच्या डस्सेन याने 65 चेंडूत 11 धावा केल्यानंतर जसप्रीत बुमराहने त्याला बाद करत तंबूत धाडलं आहे.

29/12/2021 19:32:26

सिराजने टीपला दुसरा बळी, पीटरसन 17 धावा करुन बाद

भारताने दक्षिण आफ्रिकेचा दुसरा गडी बाद केला आहे. किगन पीटरसन 17 धावा करुन तंबूत परतला आहे. सिराजच्या चेंडूवर पंतने झेल घेतला आहे.

29/12/2021 18:46:13

तिसरं सेशन संपलं, भारत मजबूत स्थितीत, दक्षिण आफ्रिका 22/1

चौथ्या दिवशीच्या खेळावर भारताने मजबूत पकड पकडली आहे. त्यामुळे तिसऱ्या सेशनच्या अखेरीस आफ्रिकेचा संघ 22 धावांवर एक बाद आहे. आफ्रिकेना विजयासाठी 283 धावांची गरज आहे.

29/12/2021 18:11:37

मोहम्मद शमीचा दक्षिण आफ्रिकेला झटका, एक वर एक बाद

भारताने उत्तम गोलंदाजीने सामन्यातील अखेरच्या डावाची सुरुवात केली आहे. शमीने आफ्रिकेचा सलामीवीर मार्करमला एका रनावर बाद केलं आहे.

29/12/2021 17:51:53

भारताचा दुसरा डाव आटोला, दक्षिण आफ्रिकेसमोर 305 धावांचं आव्हान

भारताचा अखेरचा गडी मोहम्मद सिराज तंबूत परतला आहे. भारताने दुसऱ्या डावात 174 धावा केल्या आहेत. त्यामुळे दक्षिण आफ्रिकेसमोर 305 धावांचं आव्हान आहे.

29/12/2021 17:47:32

भारताचा नववा गडी तंबूत परत

मोहम्मद शमी 1 धाव करुन तंबूत परतला आहे. आता भारताची शेवटची विकेट बाकी आहे.

29/12/2021 17:40:06

166 धावांवर भारताचे 8 गडी बाद

भारताच्या कोणत्यात फलंजाजाला टिकून खेळता आलेली नाही. त्यामुळे 166 धावांवर भारताचे 8 गडी तंबूत परतले आहेत. 

29/12/2021 17:04:07

रहाणे 20 धावा करुन बाद

भारतीय संघाचा आणखी एक अनुभवी फलंदाज अवघ्या 20 धावा करुन बाद झाला आहे. अजिंक्य रहाणेला आजही कमाल करता आलेली नाही. भारताचे 6 गडी तंबूत परतले आहेत.

29/12/2021 16:37:19

चेतेश्वर पुजारा बाद, निम्मा भारतीय संघ तंबूत परत

भारताचा अनुभवी फलंदाज चेतेश्वर पुजाराही 16 धावा करुन बाद झाला आहे. त्यामुळे 109 धावांवर भारताचे 5 गडी तंबूत परतले आहेत. भारताकडे सध्या 239 धावांची आघाडी आहे.

29/12/2021 16:13:34

भारताला मोठा झटका, कर्णधार कोहली बाद

आज काहीसा लयीत दिसणारा कर्णधार कोहली 18 धावा करुन बाद झाला आहे. या खेळीत त्याने 4 चौकार लगावले असून मार्को जेन्सनच्या चेंडूवर डिकॉकने त्याचा झेल घेतला आहे.

29/12/2021 15:52:15

चौथ्या दिवशीचा खेळ सुरु, लंच-ब्रेकपूर्वी भारत 79/3

चौथ्या दिवशीचा खेळ सुरु झाल्यानंतर भारताचे केएल राहुल आणि शार्दूल ठाकूर बाद झाले आहेत. पण सध्या कोहली आणि पुजार क्रिजवर असून लंच-ब्रेकपूर्वी भारताचा स्कोर 79 वर 3 बाद असा आहे.

28/12/2021 21:38:08

तिसऱ्या दिवशीचा खेळ आटोपला, दिवसअखेर भारत 16/1

तिसऱ्या दिवशीचा खेळ अखेर आटोपला आहे. आधी 327 धावांवर सर्वबाद झाल्यानंतर भारताने आफ्रिका संघाला 197 धावांवर सर्वबाद केलं. पण दुसऱ्या डावाची सुरुवात करताच भारताचा सलामीवीर मयांक अगरवाल बाद झाल्याने भारताची अवस्था दिवसअखेर 16 वर एक बाद अशी असून भारताकडे 146 धावांची आघाडी आहे.

28/12/2021 21:16:05

भारताचे सलामीवीर मैदानात

भारतीय संघाकडे 130 धावांची आघाडी असताना दुसऱ्या डावालाही सुरुवात झाली आहे. भारताकडून सलामीवीर केएल राहुल आणि मयांक अगरवाल मैदानात आले आहेत.

28/12/2021 20:55:18

दक्षिण आफ्रिका सर्वबाद, भारताकडे 130 धावांची आघाडी

दक्षिण आफ्रिकेच्या सर्व संघाला भारताने 197 धावांवर सर्वबाद केलं आहे. ज्यामुळे भारताकडे 130 धावांची आघाडी मिळवली आहे.

28/12/2021 19:44:09

टेम्बा बावुआ आऊट, दक्षिण आफ्रिकेला सातवा धक्का

पहिल्या कसोटी पहिल्या डावात दक्षिण आफ्रिकेचा संघ डगमताना दिसलाय. टेम्बा बावुआ बाद झाल्यानं दक्षिण आफ्रिकेला सातवा धक्का बसलाय. 

 

28/12/2021 19:38:52

दक्षिण आफ्रिकेला सहावा झटका, शामीच्या गोलंदाजीवर Wiaan Mulder बाद

Wiaan Mulder रुपात दक्षिण आफ्रिकेच्या संघाला सहावा झटका लागलाय. मोहम्मद शामीच्या गोलंदाजीवर Wiaan Mulder झेल बाद झालाय. 

28/12/2021 18:45:33

चहापाणापूर्वी डिकॉकची मोठी विकेट टीम इंडियाच्या खिशात

दक्षिण आफ्रिकेचा डाव सांभाळणाऱ्या डिकॉकला शार्दूल ठाकूरने बाद केलं आहे. आता सामन्यात टी ब्रेक झाला असून आफ्रिकेने 109 धावांवर 5 गडी गमावले आहेत.

28/12/2021 18:23:44

कर्णधार बावुमासह डिकॉकने सांभाळला आफ्रिकेचा डाव

पटापट 4 गडी बाद झाल्यानंतर दक्षिण आफ्रिकेचा कर्णधार बावुमा आणि डिकॉक यांनी डाव सांभाळला आहे. 100 धावांचा टप्पा पार करण्यात आफ्रिकेला यश आलं आहे.

28/12/2021 16:52:16

भारताची कसून गोलंदाजी 32 धावांत आफ्रिकेचे 4 गडी तंबूत

भारतीय गोलंदाजांनी लंच ब्रेकनंतर उत्कृष्ट गोलंदाजी करण्यास सुरुवात केली आहे. अवघ्या 11 धावांमध्ये आफ्रिकेचे 3 गडी तंबूत परतले आहेत. शमीने दोन तर सिराजने एक विकेट घेतली आहे. सध्या 32 धावांवर 4 बाद अशी अवस्था आहे.

28/12/2021 16:06:50

लंच ब्रेकपूर्वी दक्षिण आफ्रिका 21 वर एक बाद

तिसऱ्या दिवशीचा खेळ सुरु झाल्यानंतर गोलंदाजांची चांगली कामगिरी दिसून येत आहे. भारताचे 7 विकेट पटापट गेल्यानंतर दक्षिण आफ्रिकेचाही सलामीवीर लगेच तंबूत परतला आहे. त्यामुळे लंच ब्रेकपूर्वी दक्षिण आफ्रिकेची अवस्था 21 वर एक बाद अशी आहे.

28/12/2021 15:09:31

पहिल्याच षटकात दक्षिण आफ्रिकेला झटका

भारताने गोलंदाजीची सुरुवात दमदार केली असून पहिल्याच षटकात बुमराहने आफ्रिकेचा सलामीवीर डिन एल्गरला तंबूत धाडलं आहे.

28/12/2021 15:00:30

तिसऱ्या दिवशी भारताची 327 धावांपर्यंत मजल

पावसाच्या व्यत्ययामुळे दुसऱ्या दिवशीचा खेळ रद्द झाला. पण तिसऱ्या दिवशी खेळाला सुरुवात होऊन भारताने 327 धावांपर्यंत मजल मारण्यात यश मिळवलं आहे. यावेळी केएलराहुलचं शतक, मयांकचं अर्धशतक आणि रहाणेच्या 48 धावांनी महत्त्वाचं योगदान दिलं.

27/12/2021 18:38:45

दुसऱ्या दिवशीचा खेळ रद्द

भारत- दक्षिण आफ्रिका यांच्यात सेंच्युरियनमध्ये (Centurion) सुरु असलेल्या पहिल्या कसोटी सामन्यातील दुसऱ्या दिवसाचा खेळ पावसामुळं रद्द करण्यात आलाय. सेंच्युरियनमध्ये काल (रविवारी, 26 डिसेंबर) रात्रभर पाऊस सुरू होता. त्यानंतर पाऊस थांबल्याची माहिती समोर आली होती. भारतीय वेळेनुसार दुपारी 3 वाजता पंच परिस्थितीची पाहणी करून खेळ सुरू करण्याबाबत निर्णय घेणार होते. मात्र, पुन्हा एकदा पाऊस सुरू झाल्यानं अखेर दुसऱ्या दिवसाचा खेळ रद्द करण्यात आलाय. 

27/12/2021 17:13:19

मैदानावरील कव्हर्स अजूनही जैसे थे

दुसरा कसोटी सामना असणाऱ्या सेन्चुरियन मैदानात अजूनही रिमझीम पाऊस सुरु असल्याने खेळ सुरु होत नाहीये. मैदानात अजूनही कव्हर्स टाकले असून खेळ कधी सुरु होईल यावर काहीच सांगता येणार नाही. 

27/12/2021 14:58:41

पावसामुळं दुसऱ्या दिवसाच्या खेळाची सुरुवात लांबली

भारत आणि दक्षिण आफ्रिका यांच्यातील पहिल्या कसोटी सामन्याला रविवारपासून सुरुवात झालीय. आज या कसोटी सामन्याचा दुसरा दिवस आहे. परंतु, पावसामुळे दुसऱ्या दिवसाच्या खेळाची सुरुवात लांबली आहे. आता साधारण 3-3.15 वाजता पंच मैदानाची आणि खेळपट्टीची पाहणी करणार आहेत. उपहाराची वेळ सुद्धा बदलून अर्धा तास आधी स्थानिक वेळेनुसार 11.30 केली आहे (भारतीय वेळेनुसार 3 वाजता) म्हणजे आता पाऊस पडला नाही तरी सामना सुरु व्हायला पावणे चार वाजतील.

26/12/2021 20:56:02

पहिल्या दिवशीचा खेळ संपला, दिवसअखेर भारत 272/3

पहिल्या दिवशी भारतीय खेळाडूंनी विश्वासात्मक फलंदाजीचं दर्शन घडवलं आहे. दिवसअखेर भारताने 3 गडी गमावत 272 धावा केल्या आहेत. केएल राहुलने शतक झळकावलं असून तो 122 धावांवर खेळत असून रहाणे 40 धावांवर खेळत आहे.

26/12/2021 20:18:11

केएल राहुलचं झझांवाती शतक

भारताने आज फलंदाजी करताना उत्तम प्रदर्शन केलं आहे. त्यात आता सलामीवीर आणि उपकर्णधार केएल राहुलने शतक पूर्ण केलं आहे. त्याच्यासोबत अजिंक्य रहाणे क्रिजवर आहे.

26/12/2021 17:24:29

भारताला लागोपाठ दोन झटके, पुजारा शू्न्यावर बाद

उत्कृष्ट सुरुवात केलेल्या भारतीय संघाला 40 व्या ओव्हरमध्ये लुंगी इंगिडीने लागोपाठ दोन झटके दिले. आधी मयांक 60 धावांवर बाद होताच पुढील चेंडूवर पुजारा शून्यावर बाद झाला आहे.

26/12/2021 16:25:51

मयांक अगरवालचं अर्धशतक

भारताने पहिल्य़ा कसोटीची सुरुवात उत्तम केली आहे. केएल राहुल आणि मयांक अगरवालने चांगली सुरुवात केली असून मयांकने नुकतंच त्याचं अर्धशतक पूर्ण केलं आहे.

26/12/2021 15:00:12

टीम इंडियाची सावध सुरुवात, 20 षटकांनंतर भारताच्या बिनबाद 59 धावा

टीम इंडियाची सावध सुरुवात, 20 षटकांनंतर भारताच्या बिनबाद 59 धावा

26/12/2021 13:52:20

सामन्याच्या पहिल्या दोन दिवसात खेळपट्टी गोलंदाजासाठी अनुकूल

सामन्याच्या पहिल्या दोन दिवसात खेळपट्टी गोलंदाजासाठी अनुकूल असण्याची शक्यता आहे. तिसऱ्या दिवसानंतर फलंदाजी करणे सोपं होईल असे म्हटले जात आहे. खेळपट्टीकडून वेगवान गोलंदाजांना चांगली मदत होईल. फिरकीपटूंना सामन्याच्या चौथ्या आणि पाचव्या दिवशी खेळपट्टीकडून मदत मिळण्याची शक्यता आहे.

26/12/2021 13:50:20

टीम इंडियानं नाणेफेक जिंकून प्रथम फलंदाजीचा निर्णय घेतला

टीम इंडियानं नाणेफेक जिंकून प्रथम फलंदाजीचा निर्णय घेतला आहे. केएल राहुल आणि मयांक अग्रवाल मैदानात