Ind vs Eng T20 LIVE Score | टी20 मालिकेत इंग्लंडची सरशी

दुसऱ्या सामन्यात मात्र भारतीय खेळाडूंनी उत्तम कामगिरी करत सामना खिशात टाकला. परिणामी आता, बरोबरीत असणाऱ्या या मालिकेत कोण सरशी मिळवणार हे पाहणं औत्सुक्याचं ठरणार आहे.

एबीपी माझा वेब टीम Last Updated: 16 Mar 2021 06:17 PM

पार्श्वभूमी

IND Vs ENG 3rd T20 कसोटी सामन्यामध्ये भारतीय संघाकडून मात मिळाल्यानंतर टी20 क्रिकेट सामन्यांच्या मालिकेची सुरुवात इंग्लंडनं दणक्यात केली. भारतीय संघाला पराभवाचा दणका देत या संघानं टी20 सामन्यांच्या मालिकेत सरशी मिळवली. पण, त्यानंतर पार पडलेल्या दुसऱ्या सामन्यात मात्र भारतीय खेळाडूंनी उत्तम कामगिरी करत सामना खिशात टाकला. परिणामी आता, बरोबरीत असणाऱ्या या मालिकेत कोण सरशी मिळवणार हे पाहणं औत्सुक्याचं ठरणार आहे. सध्याच्या घडीला भारतीय संघाच्या फलंदाजीची फळी पाहता रोहित शर्माला या सामन्यात स्थान मिळावं अशी क्रीडारसिकांची मागणी आणखी तीव्र होत आहे. त्यामुळं त्याला संधी मिळाल्यास भारतीय फलंदाजीला मोठा आधार मिळेल ही बाब नाकारता येत नाही. अर्धशतकी खेळीनंतर विराट इशानला म्हणाला, 'ओए... चारो तरफ बॅट दिखा'दरम्यान, कोरोनाच्या पार्श्वभूमीवर भारत आणि इंग्लंड संघांमधील उर्वरित तिन्ही टी 20 सामने आता प्रेक्षकांविना खेळवण्यात येणार असल्याची माहिती गुजरात क्रिकेट असोसिएशननं दिली आहे. कोरोनाचा वाढता प्रादुर्भाव लक्षात घेऊन गुजरात क्रिकेट असोसिएशननं हा निर्णय घेतला आहे. महाराष्ट्रातही कोरोनाचं संकट पाहता, एकदिवसीय मालिकाही प्रेक्षकांविनाच खेळवण्यात येणार आहे.

16/03/2021 22:36:57

T20 Updates इंग्लंडनं जिंकला सामना...

भारत विरुद्ध इंग्लंड या दोन्ही संघांमध्ये खेळला गेलेला तिसरा टी20 सामना इंग्लंडनं खिशात टाकला. 8 गडी राखत इंग्लंडनं हा सामना जिंकला.