Ind vs Eng 1st T20 LIVE Score : पाहा पहिल्या टी20 सामन्यातील सर्व लाईव्ह अपडेट्स एका क्लिकवर
India vs England 1st T20 Score Live Updates भारत आणि इंग्लंड या दोन्ही संघांमध्ये शुक्रवारपासून पाच सामन्यांच्या टी20 क्रिकेट मालिकेची सुरुवात होत आहे. मालिकेतील सर्व, पाचही सामने अहमदाबादमधील नरेंद्र मोदी स्टेडियममध्ये खेळवले जाणार आहेत.
124 धावांचा पाठलाग करत मैदानात उतरलेल्या इंग्लंडच्या संघानं यजमान संघावर 8 गडी राखत विजय मिळवला
वॉशिंग्टन सुंदरच्या चेंडूवर जेसन रॉय एलबीडबब्ल्यू. एका धावेनं हुकलं अर्धशतक
अक्षर पटेलच्या षटकात 13 धावा आल्या. इंग्लंडने पाच षटकांत 42 धावा केल्या आहेत. जेसन रॉय 24 धावांवर खेळत आहे तर बटलर 18 धावांवर पोहोचला आहे. इंग्लंडला आता 15 षटकांत विजयासाठी 83 धावांची गरज आहे आणि त्यांच्या हातात 10 विकेट आहेत.
20 षटकांमध्ये भारतीय क्रिकेट संघाकडून 124 धावा. 7 गडी गमावत इंग्लंडच्या संघापुढे भारताकडून 125 धावांचं आव्हान
जॉर्डनच्या चेंडूवर सीमारेषेपाशीच्या खेळाडूच्या हाती झेल देत श्रेयस अय्यर 67 धावांवर बाद. भारताचे 7 खेळाडू माघारी
पांड्या माघारी गेल्यानंतर शार्दुल ठाकूर खेळपट्टीवर दाखल झाला. पण, पहिल्याच चेंडूवर जोरदार फटका मारण्याची चूक करत त्यानं हा डाव गमावला. ठाकूरच्या जाण्यानं भारताचे 6 गडी तंबूत परत
हार्दीक पांड्या चुकीचा फटका मारुन झेलबाद झाल्यामुळं आता भारतीय फलंदाजीची फळी अडचणीत आल्याचं पाहायला मिळत आहे.
एकिकडे भारतीय फलंदाजीचा डाव सुरुवातीच्या काळातच कोलमडताना दिसत असतानाच दुसरीकडे श्रेयस अय्यरनं अर्धशतकी खेळी पूर्ण केली. हार्दीक पांड्यानं दुसऱ्या बाजुनं त्याला पाठिंबा दिला.
भारतीय संघातील चौथा गडी बाद. 21 धावांवर ऋषभ पंत झेलबाद
सातव्या षटकापर्यंत भारताची धावसंख्या 3 गडी बाद, 24 धावा
भारतीय संघाची सुरुवात अपेक्षेप्रमाणं झाली नसून पहिल्याच षटकापासून सामन्यावर इंग्लंडच्या संघाचं वर्चस्व पाहायला मिळत आहे. सुरुवातीच्याच काही मिनिटांमध्ये शिखर धवनच्या रुपात भारतानं तिसरा गडीही गमावला
सुरुवातीच्याच षटकांमध्ये विराट कोहली आणि के.एल. राहुल या दोघांनाही माघारी परतावं लागलं. ज्यानंतर आता ऋषभ पंत आणि शिखर धवन यांच्यावर भारतीय संघाच्या फलंदाजीची धुरा आहे.
कर्णधार विराट कोहली अगदी स्वस्तातच तंबूत परतल्यामुळं भारतीय संघाला दुसरा धक्का मिळाला आहे. आदिल रशिदच्या चेंडूवर विराट कोहली झेलबाद.
जोफ्रा आर्चरच्या चेंडूवर पहिल्याच षटकात के.एल.राहुल त्रिफळाचीत. भारताला पहिला धक्का
शिखर धवन आणि के.एल. राहुल खेळपट्टीवर दाखल. रोहित शर्माला वगळण्यात आल्यामुळं धवनला संघात स्थान
संघ व्यवस्थापनाने रोहित शर्मा याला पहिल्या दोन टी20 सामन्यांतून वगळण्याचा निर्णय घेतल्याचं म्हटलं जात आहे. अखेरच्या काही क्षणांमध्ये हा निर्णय घेण्यात आल्याची माहिती समोर येत आहे.
India Playing 11: शिखर धवन, केएल राहुल, विराट कोहली (कर्णधार), श्रेयस अय्यर, ऋषभ पंत (यष्टीरक्षक), हार्दिक पांड्या, वॉशिंगटन सुंदर, युजवेंद्र चहल, भुवनेश्वर कुमार, शार्दुल ठाकुर आणि अक्षर पटेल.
England Playing 11: जेसन रॉय, जोस बटलर (यष्टीरक्षक), डेविड मलान, जॉनी बेयरस्टो, इयॉन मॉर्गन (कर्णधार), बेन स्टोक्स, मार्क वुड, सैम करन, क्रिस जॉर्डन, जोफ्रा आर्चर, आदिल रशीद.
इंग्लंडनं नाणेफेक जिंकत प्रथम गोलंदाजीचा निर्णय घेतला आहे. भारतीय संघातील सलामीवर फलंदाजीसाठी काही क्षणांत खेळपट्टीवर येणार
पार्श्वभूमी
India vs England 1st T20 Score Live Updates भारत आणि इंग्लंड या दोन्ही संघांमध्ये शुक्रवारपासून पाच सामन्यांच्या टी20 क्रिकेट मालिकेची सुरुवात होत आहे. मालिकेतील सर्व, पाचही सामने अहमदाबादमधील नरेंद्र मोदी स्टेडियममध्ये खेळवले जाणार आहेत. गुजरात क्रिकेट बोर्डानं 50 टक्के क्रीडारसिकांच्या उपस्थिती सामन्याचं आयोजन केलं आहे.
कसोटी मालिकेमध्ये पाहुण्या इंग्लंडच्या संघाचा दारुण पराभव केल्यामुळं भारतीय क्रिकेटपटूंचा आत्मविश्वास सहाजिकच द्विगुणित झाला आहे. तर, भारतीय संघानं दिलेली मात पाहता आता टी20 सामन्यांमध्ये यजमानांना नमवण्याच्याच हेतूनं इंग्लंडचा संघ मैदानात उतरणार आहे.
Ind vs Eng | टी20 क्रिकेट संघात अश्विनला स्थान नाहीच? विराटच्या उत्तरानं वेधलं लक्ष
कर्णधार विराट कोहलीनं दिलेल्या माहितीनुसार रोहित शर्मा आणि के.एल. राहुल ही सलामीची जोडी भारतीय फलंदाजीच्या फळीचं नेतृत्त्वं करेल. टी20 मालिकेसाठी संघात ऋषभ पंतचंही स्थान निश्चित असल्याचं म्हटलं जात आहे. तर, चौथ्या क्रमांकासाठी सूर्यकुमार यादव किंवा श्रेयस अय्यर यांच्यापैकी कोणा एकाला संधी देण्यात येणार आहे.
इंग्लंडच्या वतीनं जेसन रॉय आणि जॉनी बेयरस्टो ही जोडी सलामीच्या फलंदाजीसाठी मैदानात येईल. तर, जोस बटलर आणि बेन स्टोक्स हे फिनिशरच्या भूमिकेत दिसतील. त्यामुळं टी20 मालिका अटीतटीची होणार यात शंका नाही.
- - - - - - - - - Advertisement - - - - - - - - -