India Squad Vs Afghanistan ODI Series : देशात सध्या आयपीएलची धामधुम शिगेला पोहोचली आहे. अशातच एक महत्वाची बातमी समोर आली आहे. बीसीसीआयने अफगाणिस्तानविरुद्धच्या एकदिवसीय आणि कसोटी मालिकेसाठी 15 सदस्यीय भारतीय संघाची घोषणा केली आहे. शुभमन गिलला कर्णधार म्हणून नियुक्त करण्यात आले आहे. ऋषभ पंतकडून उपकर्णधारपद काढून घेण्यात आले असून, केएल राहुलला नवीन उपकर्णधार म्हणून नियुक्त करण्यात आले आहे.
विराट कोहली आणि रोहित शर्मा या दोघांचा समावेश
विराट कोहली आणि रोहित शर्मा या दोघांचा समावेश करण्यात आला आहे. या दोघांना संधी दिली जाणार नसल्याची चर्चा पाहायला मिळत होती. रोहित आणि विराटच्या जागी युवा खेळाडूंना संधी मिळणार असल्याचं म्हटलं जात होतं. मात्र दोघांना संधी देण्यात आली आहे. मात्र रोहित खेळणार की नाही? हे त्याच्या फिटनेसवर अवलंबून असेल, असं बीसीसीआयने स्पष्ट केलं आहे. त्यामुळे रोहित मालिकेआधी फिट होती की नाही? हे पाहणं महत्त्वाचं ठरणार आहे
संघात तीन नवीन खेळाडूंचा समावेश
रवींद्र जडेजाला विश्रांती देण्यात आली असून, संघात तीन नवीन खेळाडूंचा समावेश करण्यात आला आहे. हे तीन नवीन खेळाडू गुरनूर ब्रार, हर्ष दुबे आणि मानव सुथार आहेत. भारत-अफगाणिस्तान कसोटी सामना 6 जूनपासून न्यू चंदीगड येथे खेळला जाईल. बीसीसीआयने अफगाणिस्तानविरुद्धच्या एकदिवसीय सामन्यासाठीही संघाची घोषणा केली आहे.
श्रेयस अय्यरकडे उपकर्णधारपदाची पदाची जबाबदारी
स्पिन बॉलर मानव सुतार आणि वेगवान गोलंदाज गुरनूर ब्रार या दोघांना पहिल्यांदाच कसोटी संघात घेण्यात आले आहे. तर प्रिन्स यादव याला वनडे संघामध्ये स्थान मिळाले असून तर श्रेयस अय्यरकडे उपकर्णधारपदाची पदाची जबाबदारी दिली आहे. रोहित शर्मा आणि हार्दिक पांड्या यांच्या फिटनेसबाबत अजूनही संभ्रम असल्याने त्यांच्या समावेशाबाबत अजूनही शंका आहे. यंदाच्या हंगामामध्ये आपल्या बॉलिंगने सर्वांना प्रभावित केलेल्या प्रिन्स यादव याची वन डे टीममध्ये निवड झाली आहे. प्रिन्सने आयपीएलमध्ये 12 सामन्यांमध्ये 16 विकेट आपल्या नावावर केल्या आहेत. त्यासोबतच पॉवर प्ले, मिडल ओव्हर्स आणि डेथ ओव्हर्समध्ये त्याने चांगली कामगिरी केली आहे.
वन डे साठी भारतीय संघ :
शुभमन गिल (कर्णधार), रोहित शर्मा, विराट कोहली, एस. अय्यर, केएल राहुल, अर्शदीप सिंग, इशान किशन, हार्दिक पांड्या, नीतीश कुमार रेड्डी, वॉशिंग्टन सुंदर, कुलदीप यादव, पी. कृष्णा, प्रिन्स यादव, जी. ब्रार , हर्ष दुबे.
अफगाणिस्तानविरुद्धच्या मालिकेत वन-डे सामने 14, 17 आणि 20 जून रोजी अनुक्रमे धरमशाला, लखनौ आणि चेन्नई येथे होणार आहेत. संघात काही नवीन चेहऱ्यांना संधी मिळाली असून अंतिम 11 मध्ये कोणाला संधी मिळते आणि त्याचं ते सोनं करण्यात यशस्वी ठरतात की नाही हे पाहणं महत्त्वाचं ठरणार आहे.