अर्जेंटिनाविरुद्धच्या सामन्यात हरमनप्रीत सिंह आणि मनदीप सिंहने प्रत्येकी एक एक गोल नोंदवला. हरमनप्रीतने 17 व्या मिनिटाला मिळालेल्या पहिल्याच पेनल्टी कॉर्नरचे रूपांतर गोलमध्ये करत सामन्यात भारताला 1-0 ने आघाडी मिळवून दिली. नंतर 28 व्या मिनिटाला मनदीपने गोल करत अर्जेंटिनाच्या अडचणीत भर टाकली. अर्जेंटिनाला केवळ एकच गोल करता आला आणि भारताने 2-1 ने हा सामना जिंकला.
भारताचा अनुभवी दिग्गज खेळाडू सरदार सिंहचा हा 300 वा आंतरराष्ट्रीय हॉकी सामना होता.
दरम्यान, याआधी झालेल्या चॅम्पियन्स ट्रॉफीतील पहिल्या सामन्यात भारताने पाकिस्तानला 4-0 ने लोळवलं होतं.