दुसऱ्या दिवसाचा खेळ थांबला, त्या वेळी मॅथ्यू वेड 25, तर मिचेल स्टार्क 14 धावांवर खेळत होता. भारताच्या चारही गोलंदाजांनी दुसऱ्या दिवशी टिच्चून मारा केला. त्यामुळं ऑस्ट्रेलियाला दिवसभराच्या खेळात सहा विकेट्स गमावून केवळ 197 धावाच जमवल्या. त्यात मॅट रेनशॉ आणि शॉन मार्शच्या झुंजार अर्धशतकांचा मोलाचा वाटा होता.
रेनशॉनं 196 चेंडूंत पाच चौकार आणि एका षटकारासह 60 धावांची, तर शॉन मार्शनं 197 चेंडूंत चार चौकारांसह 66 धावांची खेळी उभारली.