IND and PAK in WTC Points Table : वर्ल्ड टेस्ट चॅम्पियनशिप 2023-2025 चा प्रवास सुरू झाला आहे. यामधील 2023 मध्ये होणारे सर्व कसोटी सामनेही संपले आहेत. या वर्षातील दोन मोठे आणि शेवटचे बॉक्सिंग डे कसोटी सामने भारत-दक्षिण आफ्रिका आणि पाकिस्तान-ऑस्ट्रेलिया यांच्यात खेळले गेले. सेंच्युरियनमध्ये यजमान दक्षिण आफ्रिकेने भारताचा एक डाव आणि 32 धावांनी पराभव केला, तर मेलबर्नमध्ये यजमान संघ ऑस्ट्रेलियाने पाकिस्तानचा 79 धावांनी पराभव केला. तथापि, वर्ल्ड टेस्ट चॅम्पियनशिप 2023-2025 च्या गुणतालिकेत पाकिस्तानचा संघ क्रमांक-2 आणि भारताचा संघ पाचव्या क्रमांकावर आहे. त्याचबरोबर संथगतीने षटके टाकल्याने सामना मानधनातून 10 टक्के दंड करण्यात आला आहे.
दक्षिण आफ्रिका नंबर-1 वर
दक्षिण आफ्रिकेचा संघ नंबर-1 वर आणि ऑस्ट्रेलियाचा संघ नंबर-6 वर आहे. या यादीत श्रीलंकेचा संघ तळाशी आहे. ऑस्ट्रेलियाविरुद्ध सलग दोन कसोटी सामने गमावल्यानंतरही पाकिस्तानचा संघ WTC गुणतालिकेत क्रमांक 2 वर कसा असा प्रश्न पडला असेल, तर गणित समजून घेऊ...
पाकिस्तानने या सायकलमध्ये आतापर्यंत फक्त 4 सामने खेळले आहेत, ज्यामध्ये त्यांनी 2 सामने जिंकले आहेत आणि 2 सामने गमावले आहेत. अशाप्रकारे, पाकिस्तान संघाची विजयाची टक्केवारी 61.11 आहे आणि ते पॉइंट टेबलमध्ये नंबर-2 वर आहेत.
टीम इंडिया वाईट परिस्थितीत
त्याचवेळी, भारतीय संघाने या जागतिक कसोटी चॅम्पियनशिप सायकलमध्ये आतापर्यंत एकूण 3 सामने खेळले आहेत. या तीन सामन्यांमध्ये टीम इंडियाने एक जिंकला आहे, एक हरला आहे आणि एक सामना अनिर्णित राहिला आहे. अशाप्रकारे, या गुणतालिकेत भारताची विजयाची टक्केवारी 44.44 गुणांची आहे आणि ते क्रमांक-5 वर आहेत.
भारतीय संघाच्या अगदी खाली, ऑस्ट्रेलियाचा संघ 6 व्या क्रमांकावर आहे, कारण त्यांच्या संघाने आतापर्यंत एकूण 7 सामन्यांपैकी 4 जिंकले आहेत, 2 गमावले आहेत आणि एक सामना अनिर्णित राहिला आहे. अशा प्रकारे ऑस्ट्रेलियाची विजयाची टक्केवारी 41.67 इतकी आहे. याशिवाय, दक्षिण आफ्रिकेच्या संघाची विजयाची टक्केवारी अजूनही 100 आहे, कारण त्यांच्या संघाने आतापर्यंत फक्त एकच सामना खेळला आहे आणि तो भारताचा पराभव करून जिंकला आहे. पॉइंट टेबलच्या तळाशी श्रीलंका संघ आहे, ज्याने या चक्रात 2 सामने खेळले आहेत आणि दोन्ही गमावले आहेत, त्यामुळे त्यांची विजयाची टक्केवारी 0 आहे.
जागतिक कसोटी चॅम्पियनशिप 2023-25 गुणतालिका
- दक्षिण आफ्रिका
- पाकिस्तान
- न्यूझीलंड
- बांगलादेश
- भारत
- ऑस्ट्रेलिया
- वेस्ट इंडिज
- इंग्लंड
- श्रीलंका
इतर महत्वाच्या बातम्या