डेव्हिड वॉर्नर आणि स्टीव्ह स्मिथ यांच्यावर बारा महिन्यांची बंदी घालून क्रिकेट ऑस्ट्रेलियाने योग्य निर्णय घेतला आहे. मात्र स्मिथ आता कधीही राष्ट्रीय संघाचं नेतृत्त्व करु शकेल, असं वाटत नाही, असं चॅपल यांचं म्हणणं आहे.
''मी त्या दोघांना (स्मिथ आणि वॉर्नर) कधीही ऑस्ट्रेलियाचा कर्णधार म्हणून पाहू शकत नाही. कर्णधार म्हणून राहण्यासाठी सर्वात महत्त्वाचा म्हणजे आपल्या सहकाऱ्यांकडून सन्मान मिळवणं असतं,'' असंही चॅपल म्हणाले.
''केपटाऊन कसोटीत जो मूर्खपणा केला, ते पाहून असं मला नाही वाटत, की ते दोघे पुन्हा राष्ट्रीय संघात तोच सन्मान मिळवू शकतील. त्यामुळे ऑस्ट्रेलिया संघाचं नेतृत्त्व करण्याचं विसरुन जावं,'' असंही चॅपल यांनी सांगितलं.
दक्षिण आफ्रिकेविरुद्धच्या तिसऱ्या कसोटीत बॉल टॅम्परिंग करताना आढळल्यामुळे ऑस्ट्रेलियाचे कर्णधार आणि उपकर्णधार स्टीव्ह स्मिथ आणि वॉर्नर यांच्यावर बारा महिन्यांची बंदी घालण्यात आली. याशिवाय या दोन्ही खेळाडूंना यंदाच्या आयपीएलमध्येही खेळता येणार नाही.
संबंधित बातमी :