हसीननं आज (सोमवार) आणखी एक खळबळजनक आरोप केला आहे. 'शमी जेव्हा दक्षिण आफ्रिकेच्या दौऱ्यावर गेला होता तेव्हा तिथं देखील एका महिलेसोबत त्याचं अफेअर सुरु होतं.' दरम्यान हे तिचे हे आरोप नेमके किती खरे आहेत हे पोलिसांच्या चौकशीनंतरच समजू शकणार आहे.
दरम्यान, याआधीही हसीननं मोहम्मद शमीवर अनेक गंभीर आरोप केले आहेत. तिने त्याच्यावर मॅच फिक्सिंगचेही आरोप केले होते.
शमीचा मॅच फिक्सिंगमध्ये हात? पत्नी हसीन जहाँच्या आरोपांनी खळबळ
“शमीने पाकिस्तानातील एका तरुणीकडून पैसे घेतले, जे इंग्लंडहून पाठवण्यात आले होते. ते पैसे का पाठवण्यात आले होते? बीसीसीआयने बुक केलेल्या हॉटेलमध्ये एखादी अनोळखी तरुणी कशी पोहोचते?”, असे गंभीर प्रश्न हसीनने उपस्थित केले आहेत.
“पाकिस्तानातील कराचीमध्ये राहणाऱ्या त्या तरुणीला शमी बोलवतो. तिच्यासाठी खास रुम बुक करतो. तिच्यासोबत त्याचे संबंध आहेत. तिच्यामार्फत इंग्लंडमधील कुणीतरी मोहम्मद भाईने पैसे पाठवल्याचे तो सांगतो. मात्र ते पैसे कसले आहेत, का दिले, याची माहिती त्याने मला अद्याप कधीच सांगितले नाही.”, असेही हसनीने एबीपी न्यूज नेटवर्कशी बोलताना सांगितले.
“अल्ला करो नि असे होऊ नये, पण तो काहीतरी फ्रॉड करु शकतो, तो देशासोबतही गद्दारी करु शकतो. माझ्याकडे पुरावे आहेत. तुम्हीही दुबईत त्या हॉटेलमध्ये जाऊन पाहू शकता की, त्याने सिंगल अॅडल्टच्या नावे बुकिंग केली होती की नाही. कोणत्या गोष्टीचे शमीने पैसे घेतले? शमीसोबत मी बोलले, त्यावेळेचं माझ्याकडे रेकॉर्डिंग आहे, ज्यात त्याने पैसे घेतल्याचे मान्य केले आहे.”, असे हसीनने सांगितले.
संबंधित बातम्या :
फोन हरवल्यापासून शमी चांगलं वागायला लागला : हसीन जहा