FIFA 2022 : BTS गायक Jungkook फिफा विश्वचषकात करणार परफॉर्म

FIFA Opening Ceremony : K-pop बँड BTS मधील सिंगर जंगकूक ( Jungkook ) फिफा विश्वचषक 2022 मध्ये परफॉर्मन्स करणार आहे.

FIFA World Cup 2022 : फिफा विश्वचषक 2022 ची ( FIFA World Cup 2022 ) तयारी जोरात सुरू आहे. 20 नोव्हेंबरपासून विश्वचषकाला सुरुवात होणार आहे. फिफा वर्ल्ड कप उद्घाटन समारंभात अनेक दिग्गज कलाकार हजेरी लावणार आहेत. कोरियन बँड ( K-pop Band  ) बीटीएस ( BTS) मधील सदस्य जंगकूक ( Jungkook )  देखील उद्घाटन समारंभात ( FIFA Opening Ceremony ) परफॉर्म करणार आहे. याबाबत बीटीएसने त्यांच्या अधिकृत सोशल मीडिया अकाऊंटवरून एक निवेदन जारी केले आहे. त्यामुळे फिफाच्या उद्घाटन सोहळ्यासाठी फुटबॉलप्रेमी आणि बीटीएस चाहत्यांचा उत्साह आणखीनच वाढणार आहे.

केपॉप (K-Pop) बँड बीटीएस फिफामध्ये परफॉर्म करू शकतो अशी चर्चा बर्‍याच दिवसांपासून होती. मात्र यासंबंधीची अधिकृत माहिती समोर आली नव्हती. पण आता बीटीएसने अधिकृत निवेदन जारी करत जंगकूक फिफामध्ये परफॉर्म करणार असल्याचं सांगितलं आहे. बीटीएस सदस्य जंगकूक फिफामध्येही आपल्या गायकी आणि सादरीकरणाची जादू पसरवणार आहे. 20 नोव्हेंबर रोजी रात्री 8.30 वाजल्यापासून भारतीय प्रेक्षकांना फिफा विश्वचषक उद्घाटन सोहळा पाहता येणार आहे.

 

BTS सदस्य जंगकूक फिफा विश्वचषकासाठीच्या खास फरफॉर्मन्ससाठी कतार येथे पोहोचला आहे. जंगकूकचे अनेक फोटो आणि व्हिडीओ समोर आले आहेत. या फोटोंमध्ये जंगकूकचा स्टायलिश अंदाज पाहायला मिळत आहे. याशिवाय जंगकूक सध्या कतारमध्ये फिरण्याचा आनंद घेताना दिसत आहे. 

नोरा फतेही आणि शकीराचीही हजेरी 

ग्रॅमी पुरस्कार नामांकित बीटीएस सिंगर जंगकूकचे ( BTS Jungkook ) जगभरात असंख्य चाहते आहेत. जंगकूकचा आवाज चाहत्यांना त्याच्याकडे आकर्षित करतो. त्यामुळे जंगकूकचा फिफा उद्घाटन समारंभातील सहभाग आणखीनच खास आहे. याशिवाय, फिफा ओपनिंग सेरेमनीला शकीरा, नोरा फतेही आणि दुआ लिपा देखील परफॉर्म करणार आहेत. 

कोण आहेत BTS?

BTS हा एक दक्षिण कोरियाई (Republic of Korea) म्युझिकल बॉय बँड ग्रुप (Kpop Boy Band) आहे. बीटीएस (BTS) म्हणजेच बांगतान बॉईज् (Bangtan Sonyeondan or Beyond the Scene) हा दक्षिण कोरियातील सुप्रसिद्ध बँड आहे. या बँडने कोरियन संगीत आणि कोरियन पॉप (K Pop) संस्कृतीला जागतिक स्तरावर पोहोचवलं आहे. या बँडमध्ये सात सदस्य आहेत. त्यांची नावं किम सोकजिन (Jin Aka Kim Seok-Jin), मिन युंगी (Suga Aka Min Yoongi), जंग होसोक (J Hope Aka Jung Ho-seok), किम नामजून (RM Aka Kim Nam-Joon), पार्क जीमिन (Jimin Aka Park Jimin), किम तेह्युंग (V - Kim Tae-Hyung), आणि जीओन जंगकूक (Jungkook Aka Jeon Jung-kook) अशी आहेत..