अझहरवर बीसीसीआयने घातलेली आजीवन बंदी उठवण्यात आली आहे की नाही, याविषयीचं स्पष्टीकरण त्याला देता आलं नाही. म्हणूनच त्याचा अर्ज रद्द झाल्याची माहिती सूत्रांनी दिली आहे.
2000 सालच्या मॅच फिक्सिंग प्रकरणी बीसीसीआयने अझरुद्दीनवर आजीवन बंदी घातली होती. 2012 साली आंध्र प्रदेशच्या उच्च न्यायालयाने बंदी उठवण्याचा आदेश दिला, पण बीसीसीआयने तशी अधिकृत घोषणा केलेली नाही.
लोढा समितीच्या शिफारशींनुसार अर्शद अयुब यांनी हैदराबाद क्रिकेट असोसिएशनच्या अध्यक्षपदाचा राजीनामा दिला होता. पण एचसीएच्या अझरुद्दीनने नियमांनुसार कार्यकारिणीत याआधी कुठलंच पद सांभाळलेलं नाही. त्यामुळे त्याला ही निवडणूक लढवता येणार नाही.