"अश्विनसारख्या खेळाडूंबद्दल मला सन्मान आहे.
तो फलंदाजांचा विचार करतो,
त्यामुळे मी त्याबद्दलची रणनीती ठरवली आहे",
असं वॉर्नर म्हणाला.
भारत आणि ऑस्ट्रेलिया यांच्यातील कसोटी मालिकेला 23 फेब्रुवारीपासून सुरुवात होत आहे. ऑस्ट्रेलिया संघ भारतात दाखल झाला आहे.
यावेळी वॉर्नर म्हणाला, "अश्विनची जी क्षमता, ताकद आहे, ती लक्षात ठेवून मला फलंदाजी करायची आहे. त्याने त्याची तयारी केली असेल, माझीही रणनीती ठरली आहे. आम्हा दोघांमध्ये चांगलं द्वंद्व रंगेल"
भारताविरुद्धची मालिका आणि कर्णधार विराट कोहलीचा संदर्भ आला नाही असं होणार नाही. वॉर्नरने कर्णधार कोहलीचं कौतुक केलं.
वॉर्नर म्हणाला, "कोहली सध्या तुफान फॉर्मात आहे. तो एक उत्तम खेळाडू आहे. तो क्रिकेटच्या सर्व प्रकारात पारंगत आहे. संपूर्ण देशाच्या अपेक्षा तो पूर्णत्वाकडे नेत आहे. विराट हा पट्टीचा खेळाडू असून तो तोडीस तोड उत्तर देतो. ज्यो रुट, स्टीव्ह स्मिथ, फॅब ड्युप्लेसीस आणि विराट कोहली हे असे खेळाडू आहेत, ज्यांच्यावर जबाबदारी आल्यावर त्यांचा खेळ आणखी बहरतो. मोठ्या खेळी करणाऱ्यांमध्ये विराट हे एक उत्तम उदाहरण आहे".