CWG 2022 Day 6 Live Updates: क्रिकेट, हॉकी, बॅडमिंटन, टेनिसपासून सर्वकाही; कॉमनवेल्थ स्पर्धेतील प्रत्येक अपडेट एका क्लिकवर

बर्मिंगहॅम येथे सुरु असलेल्या राष्ट्रकुल क्रीडा स्पर्धेच्या सहाव्या दिवशी भारताला आणखी पदक मिळण्याची शक्यता आहे.

पार्श्वभूमी

Commonwealth Games 2022 Day 6 Live Updates: बर्मिंगहॅम येथे सुरु असलेल्या  राष्ट्रकुल क्रीडा स्पर्धेच्या सहाव्या दिवशी भारताला आणखी पदक मिळण्याची शक्यता आहे. वर्ल्ड चॅम्पियन भारतीय बॉक्सर लोव्हलिना बोरगोहेन आपली लढत जिंकून पदक मिळवण्याची आशा आहे. फ्लायवेट स्पर्धेच्या उपांत्यपूर्व फेरीत निकहत झरीनचा सामना उत्तर आयर्लंडच्या निकोला क्लाइडशी होईल, तर महिलांच्या लाइट मिडलवेट स्पर्धेत लोव्हलिना बोर्गोहेनचा सामना वेल्सच्या रोझी एक्लेसशी होईल. दोन्ही महिला बॉक्सर आपापल्या लढती जिंकून राष्ट्रकुल स्पर्धेतील पहिले पदक जिंकण्याचा सर्वतोपरी प्रयत्न करतील. तसेच त्यांचे सहकारी खेळाडू नितू, मोहम्मद हुसामुद्दीन आणि आशिष कुमार हे वेगवेगळ्या वजन गटांच्या उपांत्यपूर्व फेरीत पदक जिंकण्यासाठी सर्वतोपरी प्रयत्न करतील.आजचा दिवस सौरव घोषालसाठी संस्मरणीय ठरण्याची शक्यताआजचा दिवस भारताचा अनुभवी स्क्वॉशपटू सौरव घोषालसाठी खूप संस्मरणीय ठरू शकतो. पुरुष एकेरीत जोएल माकिनविरुद्ध तो कांस्यपदकासाठी दावेदारी करेल. जर सौरव जिंकण्यात यशस्वी ठरला, तर त्याचं हे पहिले राष्ट्रकुल स्पर्धेतील पहिले पदक असेल.अॅथलीट मनप्रीत कौरच्या कामगिरीवर सर्वांचं लक्षअॅथलेटिक्समध्ये भारतीय अॅथलीट मनप्रीत कौरवर महिलांच्या गोळा फेक स्पर्धेत पदकावर लक्ष असेल, तर तेजस्वीन शंकरलाही पुरुषांच्या उंच उडीत पदक जिंकून बर्मिंगहॅममध्ये देशाचा तिरंगा फडकावण्याचा प्रयत्न असेल.भारतीय महिला क्रिकेट संघाचा सामना आज बार्बाडोसशीभारतीय महिला हॉकी संघ कॅनडाविरुद्ध विजय मिळवून उपांत्य फेरीतील आपले स्थान निश्चित करू शकतो. तर, भारतीय महिला क्रिकेट संघ अव्वल चारमध्ये स्थान मिळवण्याच्या उद्देशानं बार्बाडोसविरुद्ध मैदानात उतरणार आहे.हे देखील वाचा- CWG 2022: भारताच्या पदकसंख्येत आणखी भर; पाचव्या दिवशी कोणकोणत्या खेळाडूंनी मारलं मैदान, पाहा संपूर्ण यादीCWG 2022 Day 6 Schedule: भारतीय बॉक्सरसह सौरव घोषाल पदक जिंकण्यासाठी सज्ज, पाहा आजचं संपूर्ण वेळापत्रकCM Eknath Shinde : योग्य संधी मिळाल्यास स्थानिक मैदानावरुनही जागतिक दर्जाचे खेळाडू निर्माण होतील : मुख्यमंत्री

04/08/2022 01:03:36

Gurdeep Singh, CWG 2022: गुरदीप सिंहनं वेटलिफ्टिंगमध्ये रौप्यपदक जिंकलं

Commonwealth Games 2022: कॉमनवेल्थ वेटलिफ्टिंग स्पर्धेच्या 109 किलोग्राम वजनी गटात भारताचा गुरूदीप सिंहनं कांस्यपदक जिंकलाय. दरम्यान, त्यानं स्नॅचमध्ये 167 किलो आणि क्लीन अँड जर्कमध्ये 223 किलोग्राम असं एकूण 390 किलो वजन उचलून बर्मिंगहॅममध्ये भारताचा तिरंगा फडकावलाय. या स्पर्धेत भारतानं आतापर्यंत 17 पदकांवर झडप घातलीय. ज्यात पाच सुवर्ण, सहा रौप्य आणि सहा कांस्यपदक जिंकलंय. विशेष म्हणजे, भारतानं सर्वाधिक पदकं वेटलिफ्टिंग स्पर्धेत जिंकली आहेत.

 

03/08/2022 23:58:20

भारताचं आणखी एक पदक निश्चित, बॉक्सर निकहत झरीन उपांत्य फेरीत

वर्ल्ड चॅम्पियन बॉक्सर निकहत झरीननं राष्ट्रकुल स्पर्धेत स्वत:चं आणि भारताचं पदक निश्चित केलंय. तिनं 48-50 किलो गटात उपांत्य फेरी गाठलीय. निकहतनं वेल्सच्या हेलन जोन्सचा पराभव केला. तिनं हा सामना 5-0 असा जिंकला.

03/08/2022 22:38:21

Commonweath Games 2022: हरदीप कुमार, आर्यन कश्यप उपांत्य फेरी गाठण्यात अपयशी

जागतिक अंडर-20 ऍथलेटिक्स चॅम्पियनशिपची उपांत्य फेरी गाठण्यात हरदीप कुमार, आर्यन कश्यप अपयशी ठरले. 400 मीटर अडथळा शर्यतीतील उपांत्यपूर्व स्पर्धेत दोघांनी अनुक्रमे  52.91 आणि 54.13 सेकंद वेळ नोंदवली.

 

03/08/2022 22:12:32

CWG 2022: बार्बाडोसचा टॉस जिंकला, भारताला प्रथम फलंदाजीचं आमंत्रण

कॉमनवेल्थ क्रिकेट स्पर्धेत आज भारतीय महिला क्रिकेट संघ बार्बाडोसशी (India Women vs Barbados Women) भिडणार आहे. या सामन्यात नाणेफेक जिंकून बार्बाडोसनं प्रथम गोलंदाजी करण्याचा निर्णय घेतलाय. दोन्ही संघानं आपपल्या गटातील एक-एक सामना गमावलाय. या गटात समावेश करण्यात आलेल्या ऑस्ट्रेलिया क्रिकेट महिला संघानं उपांत्य फेरीचं तिकीट निश्चित केलंय. तर, भारताविरुद्ध पराभवानंतर पाकिस्तानचं या स्पर्धेतील आव्हान संपुष्टात आलंय. यामुळं आजच्या सामन्यात विजय मिळवून उपांत्य फेरीतील स्थान पक्क करण्यासाठी दोन्ही संघ मैदानात उतरणार आहेत. 

03/08/2022 19:04:44

CWG 2022: भारतीय पुरुष संघाचा कॅनडाशी सामना सुरू

भारतीय महिला हॉकी संघानं उपांत्य फेरी गाठली आहे. सविता पुनियाच्या नेतृत्वाखाली भारतीय महिला संघानं कॅनडावर 3-3 अशी मात केली. आता उपांत्य फेरीत भारतीय महिला हॉकी संघाचा सामना ऑस्ट्रेलियाशी होणार आहे. सध्या भारतीय पुरुष संघाचा सामना कॅनडाशी सुरु आहे.  

03/08/2022 18:13:54

CWG 2022: बॉक्सिंग फेदरवेट प्रकारात हुसम उद्दीन मोहम्मद उपांत्य फेरीत

Commonweath Games 2022:  बॉक्सिंग फेदरवेट प्रकारात भारताचा बॉक्सर  हुसम उद्दीन मोहम्मदनं उपांत्य फेरी गाठली आहे.  कॉमनवेल्थ स्पर्धेत तो भारतासाठी पदक जिंकू शकतो, अशी अपेक्षाही केली जात आहे. 

03/08/2022 17:31:02

Commonweath Games 2022: भारतीय महिला हॉकी संघाचा कॅनाडावर विजय

बर्मिंगहॅम राष्ट्रकुल स्पर्धेत भारतीय महिला हॉकी संघानं कॅनाडाचा पराभव करत उपांत्य फेरीत स्थान मिळवलंय. 

03/08/2022 16:41:58

CWG 2022 Day 6 Live Updates: ज्युदोमध्ये तुलिका माननं उपांत्य फेरी गाठली

भारताच्या तुलिका माननं ज्युदोमध्ये उपांत्य फेरी गाठली आहे. तिनं 78 किलो वजनी गटात मॉरिशसच्या ट्रेसी डरहोनचा पराभव केला. उपांत्य फेरीत तिचा सामना न्यूझीलंडच्या सिडनी अँड्र्यूजशी होणार आहे.

03/08/2022 15:23:59

CWG 2022 Day 6 Live Updates: ज्युदो स्पर्धेत दीपक देसवालचा पराभव

दीपक देसवालला पुरुषांच्या 100 किलो वजनी गटातील उपांत्यपूर्व फेरीत इंग्लंडच्या हॅरी लव्हेल-हेविटकडून हार पत्करावा लागलाय.

03/08/2022 12:26:34

CWG 2022 Day 6 Live Updates: भारतीय महिला क्रिकेट संघाचा सामना आज बार्बाडोसशी

भारतीय महिला हॉकी संघ कॅनडाविरुद्ध विजय मिळवून उपांत्य फेरीतील आपले स्थान निश्चित करू शकतो. तर, भारतीय महिला क्रिकेट संघ अव्वल चारमध्ये स्थान मिळवण्याच्या उद्देशानं बार्बाडोसविरुद्ध मैदानात उतरणार आहे.

03/08/2022 12:26:07

CWG 2022 Day 6 Live Updates: अॅथलीट मनप्रीत कौरच्या कामगिरीवर सर्वांचं लक्ष

अॅथलेटिक्समध्ये भारतीय अॅथलीट मनप्रीत कौरवर महिलांच्या गोळा फेक स्पर्धेत पदकावर लक्ष असेल, तर तेजस्वीन शंकरलाही पुरुषांच्या उंच उडीत पदक जिंकून बर्मिंगहॅममध्ये देशाचा तिरंगा फडकावण्याचा प्रयत्न असेल.

03/08/2022 12:25:39

CWG 2022 Day 6 Live Updates: आजचा दिवस सौरव घोषालसाठी संस्मरणीय ठरण्याची शक्यता

आजचा दिवस भारताचा अनुभवी स्क्वॉशपटू सौरव घोषालसाठी खूप संस्मरणीय ठरू शकतो. पुरुष एकेरीत जोएल माकिनविरुद्ध तो कांस्यपदकासाठी दावेदारी करेल. जर सौरव जिंकण्यात यशस्वी ठरला, तर त्याचं हे पहिले राष्ट्रकुल स्पर्धेतील पहिले पदक असेल.