SAUR vs MAH, Vijay Hazare Trophy 2022: विजय हजारे ट्रॉफीच्या अंतिम सामन्यात महाराष्ट्राचा पाच विकेट्सनं पराभव
Vijay Hazare Trophy Final Live: महाराष्ट्र आणि सौराष्ट्र यांच्यात आज (2 डिसेंबर 2022) विजय हजारे ट्रॉफी 2022 स्पर्धेतील विजेतेपदाचा सामना रंगणार आहे.
महाराष्ट्रानं दिलेल्या लक्ष्याचा पाठलाग करण्यासाठी मैदानात उतरलेल्या सौराष्ट्राची सुरुवात चांगली झाली. सलामीवीर हार्विक देसाई आणि शेल्डन जॅक्सन संयमी खेळी करत संघाचा डाव पुढं घेऊन जात आहेत.
Vijay Hazare Trophy 2022 Final: कर्णधार ऋतुराज गायकवाडच्या (Ruturaj Gaikwad) शतकी खेळीच्या कामगिरीच्या जोरावर महाराष्ट्राच्या संघानं सौराष्ट्रासमोर (Maharashtra vs Saurashtra) 249 धावांचं लक्ष्य ठेवलंय. नाणेफेक गमावून प्रथम फलंदाजी करण्यासाठी मैदानात उतरलेला महाराष्ट्राचा संघ संघर्ष करताना दिसला. मात्र, ऋतुराज गायकवाडनं एकाकी झुंज देत 131 चेंडूत 108 धावांची खेळी केली. ऋतुराज व्यतिरिक्त महाराष्ट्राच्या इतर कोणत्याही फलंदाजाला काही खास कामगिरी करता आली नाही. दरम्यान, सौराष्ट्राच्या संघानं गोलंदाजी हीच त्यांची खरी ताकद असल्याचं दाखवून दिलं. त्यांनी या सामन्यात अत्यंत किफायती गोलंदाजी केली.
सौराष्ट्रविरुद्ध महाराष्ट्राचा संघ संघर्ष करत असताना कर्णधार ऋतुराज गायकवाडनं एकाकी झुंज दिली. पण महाराष्ट्राच्या डावातील 43 व्या षटकातील अखेरचा चेंडूवर रन आऊट झाला. ऋतुराजनं 131 चेंडूत 108 धावांची महत्वपूर्ण खेळी केली.
सौराष्ट्रविरुद्ध फायनल सामन्यात महाराष्ट्राचा कर्णधार ऋतुराज गायकवाड शतक झळकावलं आहे.
सौराष्ट्राविरुद्ध सामन्यात महाराष्ट्राचे फलंदाज संघर्ष करताना दिसले. मात्र, महाराष्ट्राचा कर्णधार ऋतुराज गायकवाडची एकाकी झुंज सुरूच आहे. तो 117 चेंडूत 80 धावांवर खेळत आहे.
Vijay Hazare Trophy Final Live: सत्यजीतच्या रुपात महाराष्ट्राच्या संघाला दुसरा धक्का बसलाय. महाराष्ट्राच्या डावातील 24.4 व्या षटकात सौराष्ट्राचा गोलंदाज पार्थ भूतनं सत्यजीतला झेलबाद करून मैदानाबाहेरचा रस्ता दाखवलाय.
Vijay Hazare Trophy Final Live: नाणेफेक जिंकून प्रथम गोलंदाजीचा निर्णय घेणाऱ्या सौराष्ट्राची सुरुवात चांगली झाली. महाराष्ट्राच्या डावातील पाचव्या षटकात पवन शाह रन आऊट झाला. ज्यामुळं महाराष्ट्राचा संघ बॅकफूटवर गेला. त्यानंतर ऋतुराज आणि सत्यजीतनं संयमी खेळी करत संघाची धावसंख्या 50 पार नेली आहे.
Vijay Hazare Trophy Final Live: प्रथम फलंदाजी करण्यासाठी मैदानात आलेल्या महाराष्ट्राच्या संघाला पाचव्या षटकात पवन शाहच्या रुपात पहिला झटका बसला. त्यानंतर कर्णधार ऋतुराज गायकवाड आणि सत्यजीतनं संयमी खेळी दाखवत संघाचा डाव सावरला.
पवन शाहच्या रुपात महाराष्ट्राला पहिला धक्का लागलाय. त्यानं 13 चेंडूत चार धावा केल्या.
पार्श्वभूमी
SAUR vs MAH, Vijay Hazare Trophy 2022 Final LIVE UPDATES: महाराष्ट्र आणि सौराष्ट्र यांच्यात आज (2 डिसेंबर 2022) विजय हजारे ट्रॉफी 2022 स्पर्धेतील विजेतेपदाचा सामना रंगणार आहे. अहमदाबादच्या नरेंद्र मोदी स्टेडियमवर अंतिम सामन्याचा थरार पाहायला मिळणार आहे. पहिल्यांदाच महाराष्ट्राचा संघानं विजय हजारे ट्रॉफीच्या फायनलमध्ये धडक दिली आहे. तर, सौराष्ट्राचा संघ दुसऱ्यांना ट्रॉफीवर नाव कोरण्यासाठी सज्ज झालाय. या स्पर्धेत सौराष्ट्राच्या गोलंदाजांचा दबदबा पाहायला मिळालाय. तर, महाराष्ट्राच्या फलंदाजांनी विरोधी संघातील गोलंदाजांच्या डोळ्यात पाणी आणलंय.
ऋतुराज गायकवाडची जबरदस्त फलंदाजी
कर्णधार ऋतुराज गायकवाडवर महाराष्ट्राची फलंदाजी अवलंबून आहे. तो सध्या जबरदस्त फॉर्ममध्ये आहे. त्यानं स्वबळावर महाराष्ट्राला फायनलमध्ये पोहचलं आहे. गायकवाडनं या स्पर्धेत चार सामन्यांत 552 धावा केल्या आहेत. यादरम्यान त्यानं क्वार्टर फायनलमध्ये उत्तर प्रदेशविरुद्ध नाबाद 220 धावांची विक्रमी खेळी केली. त्या डावात त्यानं एका षटकात सात षटकारही मारले. त्याच्याशिवाय महाराष्ट्राचा आणखी एक फलंदाज अंकित बावणेनं आठ डावांत 572 धावा केल्या आहेत.
जयदेव उनादकटची दमदार गोलंदाजी
सौराष्ट्राची गोलंदाजी कर्णधार जयदेव उनादकटच्या खांद्यावर असेल. या स्पर्धेत त्यानं 18 विकेट्स घेतल्या आहेत. यादरम्यान त्यानं सेमी फायनलमध्ये कर्नाटकविरुद्ध 26 धावांत चार आणि हिमाचलविरुद्धच्या गट सामन्यात 23 धावांत पाच विकेट्स घेतल्या आहेत.
सौराष्ट्राचा चेतेश्वर पुजारा, साकारिया सामन्याला मुकणार
सौराष्ट्रचा अनुभवी फलंदाज चेतेश्वर पुजारा या सामन्यात खेळू शकणार नाही. तो सध्या बांगलादेशमध्ये भारत अ संघासोबत कसोटी मालिकेची तयारी करत आहे. याशिवाय सौराष्ट्राचा डावखुरा वेगवान गोलंदाज चेतन साकारियाही या सामन्यासाठी उपलब्ध होणार नाही. तामिळनाडूविरुद्धच्या उपांत्यपूर्व फेरीत त्याच्या बोटाला दुखापत झाली होती.
राहुल त्रिपाठी महाराष्ट्राकडून खेळू शकणार नाही
राहुल त्रिपाठी महाराष्ट्राकडून खेळू शकणार नाही. बांगलादेशविरुद्ध येत्या 4 डिसेंबरपासून सुरू होणाऱ्या तीन सामन्यांच्या एकदिवसीय मालिकेसाठी त्याचा भारतीय संघात समावेश करण्यात आला आहे.
महाराष्ट्राची प्लेईंग इलेव्हन:
ऋतुराज गायकवाड (कर्णधार), सत्यजीत बच्छाव, अंकित बावणे, अजीम काझी, राजवर्धन हंगरगेकर, शमशुजामा काझी, सौरभ नवले (विकेटकिपर), मनोज इंगळे, मुकेश चौधरी, पवन शहा, नौशाद शेख
सौराष्ट्राची प्लेईंग इलेव्हन:
हार्विक देसाई (विकेटकिपर), शेल्डन जॅक्सन, जय गोहिल, समर्थ व्यास, प्रेरक मंकड, अर्पित वसावडा, चिराग जानी, धर्मेंद्रसिंह जडेजा, जयदेव उनाडकट (कर्णधार), कुशांग पटेल, पार्थ भुत
हे देखील वाचा-
- - - - - - - - - Advertisement - - - - - - - - -