Urvashi Rautela Phone : बॉलिवूडची सुंदर अभिनेत्री उर्वशी रौतेला (Urvashi Rautela) हिला चोराने मेल केलाय. भारत आणि पाकिस्तान यांच्यातील सामना पाहण्यासाठी उर्वसी अहमदाबाद येथे गेली होती. त्यावेळी तिचा 24 कॅरेट सोन्याने मढवलेला आयफोन चोरीला गेला होता. त्यानंतर पोलिसांमध्ये तिने तक्रार दाखल केली होती. पण आता चोराने समोरुन मेल केला आहे. याबाबत उर्वशीने इन्स्टाग्रामवर स्टेट्स टाकून माहिती दिली. 


उर्वशी रौतेला (Urvashi Rautela) हिने गमावलेल्या फोनची माहिती सोशल मीडियाच्या माध्यमातून दिली होती. आता उर्वशीला फोन चोरी कऱणाऱ्याने मेल करत मागणी केली आहे. डिमांड पूर्ण केली तरच फोन परत करेन, असे चोराने मेलमध्ये म्हटले आहे. 


उर्वशी रौतेला हिला Groww Traders नावाने मेल आला आहे. त्याचा स्क्रीनशॉट उर्वशीने सोशल मीडियावर पोस्ट केला आहे. मेलमध्ये असे म्हटलेय की, तुमचा फोन माझ्याजवळ आहे. तुम्हाला फोन परत हवा असेल तर माझी मदत करावी लागेल. माझ्या भावाला कॅन्सर आहे, त्याचा उपचार करा. असा मेल चोराने केला आहे. चोराच्या या मेलला उर्वशीने थम्स-अप असा रिप्लाय दिलाय. 



उर्वशीने चोराच्या मेलबाबत पोलिसांना सांगितले की नाही.. याबाबत अद्याप कोणताही माहिती नाही. पण सोशल मीडियावर तिने स्क्रीनशॉट शेअर केल्यानंतर चाहत्यांनी तिला पोलिसात जाण्याचा सल्ला दिला. आयपी अॅड्रेसच्या मदतीने पोलिस चोराला पकडू शकतात, असे नेटकऱ्यांनी उर्वशीला सांगितले.



उर्वशी रौतेला भारत आणि पाकिस्तान यांच्यातील सामन्याचा आनंद घेण्यासाठी नरेंद्र मोदी स्टेडियममध्ये पोहोचली होती. त्यानंतर यावेळी अभिनेत्रीचा 24 कॅरेट सोन्याच्या आयफोनवर चोरट्यांनी डल्ला मारला. उर्वशीने ट्विटरवर ही माहिती दिली. ज्यामध्ये त्याने अहमदाबाद पोलिसांना टॅग केले आणि लिहिले की, “नरेंद्र मोदी स्टेडियममध्ये माझा 24 कॅरेटचा आयफोन हरवला आहे. कृपया, कोणाला ते सापडल्यास, कृपया ताबडतोब संपर्क साधा.” तिनं इन्स्टाग्राम अकाऊंटवरही पोस्ट देखील शेअर केली.


उर्वशीचे चित्रपट
उर्वशीने 2013 मध्ये आलेल्या 'सिंग साब द ग्रेट' चित्रपटातून बॉलिवूडमध्ये पदार्पण केले. त्यानंतर तिनं ''सनम रे', 'ग्रेट गँड मस्ती', 'हेट स्टेरी 4' आणि 'पागलपंती' अशा अनेक चित्रपटांमध्ये काम केलं. उर्वशीच्या आगामी चित्रपटांची प्रेक्षक उत्सुकतेने वाट बघत असतात.  उर्वशी ही सोशल मीडियावर अॅक्टिव असते. तिच्या आगामी चित्रपटांची माहिती ती सोशल मीडियावर माध्यमातून देते. तिला इन्स्टाग्रामवर 67.1 मिलियन फॉलोवर्स आहेत. वॉलटेर वीरय्या या चित्रपटातील  बॉस पार्टी या आयटम साँगमधील उर्वशीच्या डान्सला प्रेक्षकांची पसंती मिळाली होती.