T20 World Cup 2024 Ind vs Pak: टी-20 विश्वचषकात (T20 World Cup 2024) 19 वा सामना भारत आणि पाकिस्तान (India vs Pakistan) यांच्यात होणार आहे. न्यूयॉर्कमधील नासाऊ काउंटी आंतरराष्ट्रीय क्रिकेट स्टेडियमवर भारतीय वेळेनुसार रात्री 8 वाजता हा सामना सुरू होईल. या सामन्यात विराट कोहलीची (Virat Kohli) फटकेबाजी पाहायला मिळेल.
T20 विश्वचषक 2024 मध्ये भारत आणि पाकिस्तान यांच्यात खेळल्या जाणाऱ्या सामन्यात काही खेळाडूंकडे सर्व क्रिकेटप्रेमींचे विशेष लक्ष असेल. यामध्ये विराट कोहली, रोहित शर्मा आणि पाकिस्तानचा वेगवान गोलंदाज मोहम्मद यांचा समावेश आहे. मात्र, अमेरिकेविरुद्धच्या सामन्यात मोहम्मद आमिर चांगल्या फॉर्ममध्ये दिसला नाही. परंतु आमिरने यापूर्वी अनेकदा विराट कोहली आणि रोहित शर्माला अडचणीत आणले आहे.
रोहित शर्माविरुद्ध मोहम्मद आमिरचा विक्रम-
आंतरराष्ट्रीय टी-20 मध्ये आमिरविरुद्ध रोहित शर्माची आकडेवारी चांगली नाही. आमिरने या फॉरमॅटमध्ये आतापर्यंत भारतीय कर्णधाराला 7 चेंडू टाकले आहेत, ज्यामध्ये त्याने फक्त 1 धावा काढल्या आहेत आणि 2 वेळा त्याने विकेट गमावली आहे. आमिरच्या 7 पैकी 6 चेंडूत रोहित शर्माला एकही धाव करता आली नाही.
विराट कोहलीविरुद्ध मोहम्मद आमिरचा विक्रम-
मोहम्मद आमिरने टी-20 आंतरराष्ट्रीय सामन्यात विराट कोहलीला 19 चेंडू टाकले आहेत. आमिरने विराट कोहलीला टी-20 क्रिकेटमध्ये एकदाही बाद केलेले नाही. कोहलीने आमिरविरुद्ध 19 चेंडूत 84.2 च्या स्ट्राईक रेटने 16 धावा केल्या आहेत.
आज कोणाला मिळणार संधी?
पाकिस्तानला पहिल्या सामन्यात पराभवाचा सामना करायला लागला होता. तर भारताने आयर्लंडविरुद्ध विजयी सुरुवात केली आहे. भारताविरुद्धचा सामन्यात विजय मिळवणं पाकिस्तानसाठी महत्वाचं असणार आहे. भारताकडून आयर्लंडविरुद्धच्या सामन्यात रोहित शर्मा आणि विराट कोहलीने सलामीवीरची भूमिका बजावली होती. त्यामुळे आज पाकिस्तानविरुद्ध रोहित शर्मासोबत विराट कोहली सलामीला येणार की यशस्वी जैस्वाल हे पाहणं महत्वाचं असणार आहे. तसेच आयर्लंविरुद्ध संजू सॅमसनला संधी देण्यात आली नव्हती. त्यामुळे आज अक्षर पटेलच्या जागी संजू सॅमसनला संधी मिळण्याची शक्यता आहे.
भारतीय संघाची संभाव्य प्लेइंग इलेव्हन-
भारत: रोहित शर्मा (कर्णधार), यशस्वी जैस्वाल, विराट कोहली, ऋषभ पंत, सूर्यकुमार यादव, शिवम दुबे, हार्दिक पंड्या, रवींद्र जडेजा, कुलदीप यादव, जसप्रीत बुमराह आणि अर्शदीप सिंग.
पाकिस्तान संघाची संभाव्य प्लेइंग इलेव्हन-
पाकिस्तानः बाबर आझम (कर्णधार), मोहम्मद रिझवान (यष्टीरक्षक), उस्मान खान, फखर जमान, शादाब खान, इमाद वसीम, इफ्तिखार अहमद, शाहीन शाह आफ्रिदी, मोहम्मद अमीर, हरिस रौफ आणि नसीम शाह.