Ind vs Ire 1st T20 Live Update : भारताचा 148 वर 'ऑल आऊट': आयर्लंडचा 34 धावांनी विजयी, टीम इंडियाच्या फलंदाजांनी नांग्या टाकल्या

India vs Ireland 1st T20 Live Cricket Scorecard In Marathi : भारत आणि आयर्लंड यांच्यातील पहिला सामना शुक्रवार रोजी बेलफास्ट येथील सिव्हिल सर्व्हिस क्रिकेट क्लबमध्ये खेळवला जाणार आहे.

किरण महानवरLast Updated: 26 Jun 2026 09:44 PM

पार्श्वभूमी

India vs Ireland 1st T20 Live Cricket Scorecard In Marathi : भारत आणि आयर्लंड यांच्यातील 2 सामन्यांच्या टी-20 मालिकेतील पहिला सामना शुक्रवार (26 जून) रोजी बेलफास्ट येथील सिव्हिल सर्व्हिस क्रिकेट क्लबमध्ये खेळवला जाणार आहे. या मालिकेच्या निमित्ताने भारतीय क्रिकेटमध्ये एका नव्या अध्यायाची सुरुवात होत आहे. मार्च 2026 मध्ये टी-20 विश्वचषकाचे यशस्वीपणे जेतेपद राखल्यानंतर भारतीय संघ पहिल्यांदाच आंतरराष्ट्रीय टी-20 मालिका खेळण्यासाठी मैदानात उतरणार आहे. सूर्यकुमार यादवच्या जागी आता श्रेयस अय्यर पूर्णवेळ कर्णधार म्हणून त्याची पहिली मालिका खेळणार आहे. घरच्या मैदानावर खेळणारा आयर्लंडचा संघही त्यांचा नवा कर्णधार लॉर्कन टकर याच्या नेतृत्वाखाली मैदानात उतरेल.वैभव सूर्यवंशी पदार्पण करणार का?या संपूर्ण मालिकेत क्रिकेट जगताचे लक्ष अवघ्या 15 वर्षांच्या वैभव सूर्यवंशी याच्यावर खिळलेले आहे. इतक्या लहान वयात त्याची भारतीय संघात निवड होणे हीच एक मोठी गोष्ट आहे. आता त्याला पहिल्या सामन्यात Playing XIमध्ये स्थान मिळून पदार्पणाची संधी मिळते की नाही, याबद्दल उत्सुकता वाढली आहे.सचिन तेंडुलकरचा महाविक्रम मोडीत निघणारजर वैभव सूर्यवंशीला या सामन्यात खेळण्याची संधी मिळाली, तर तो भारताकडून आंतरराष्ट्रीय क्रिकेट खेळणारा सर्वात तरुण खेळाडू बनेल. असे करून तो थेट 'मास्टर ब्लास्टर' सचिन तेंडुलकरचा 36 वर्षे जुना विक्रम मोडेल. सचिनने 1989 मध्ये वयाच्या 16 व्या वर्षी पाकिस्तानविरुद्ध पदार्पण केले होते, तर वैभवचे वय सध्या अवघे 15 वर्षे आहे.

26/06/2026 21:44:30

Ind vs Ire 1st T20 Live Update : भारताचा 148 वर 'ऑल आऊट': आयर्लंडचा 34 धावांनी विजयी, टीम इंडियाच्या फलंदाजांनी नांग्या टाकल्या

आयर्लंडने भारताचा 34 धावांनी पराभव केला.

शुक्रवारी बेलफास्ट येथे खेळल्या गेलेल्या पहिल्या सामन्यात प्रथम फलंदाजी करताना आयर्लंडने 182 धावा केल्या.

प्रत्युत्तरात, भारतीय संघ 18.5 षटकांत फक्त 148 धावाच करू शकला आणि सर्वबाद झाला.

या विजयासह आयर्लंडने दोन सामन्यांच्या टी-20 मालिकेत 1-0 अशी आघाडी घेतली.

26/06/2026 19:54:02

Ind vs Ire 1st T20 Live Update : 30 धावांवर 3 विकेट्स ते थेट 182 चा धावांचा डोंगर! आयर्लंडचा पलटवार, भारतासमोर मोठे आव्हान, हर्षित राणाचा कहर

भारतीय क्रिकेट संघाच्या आयर्लंड दौऱ्यातील पहिल्या टी-20 सामन्यात यजमान आयर्लंडने भारताविरुद्ध प्रथम फलंदाजी करताना निर्धारित 20 षटकांत 9 गड्यांच्या मोबदल्यात 182 धावांचा आव्हानात्मक धावसंख्या उभारली आहे.

बेलफास्टच्या सिव्हिल सर्व्हिस क्रिकेट क्लब मैदानावर खेळवल्या जात असलेल्या या सामन्यात भारतीय कर्णधाराने नाणेफेक जिंकून प्रथम गोलंदाजी करण्याचा निर्णय घेतला होता.

प्रथम फलंदाजीसाठी उतरलेल्या आयर्लंडची सुरुवात अत्यंत खराब झाली.

भारताच्या भेदक गोलंदाजीसमोर त्यांचे पहिले तीन फलंदाज अवघ्या 30 धावांत पॅव्हेलियनमध्ये परतले.

सलामीवीर रॉस अडेअर (12) आणि टिम टेक्टर (17) यांना हर्षित राणाने बाद केले, तर हॅरी टेक्टरला अर्शदीप सिंगने शून्यावर बाद करत मोठा धक्का दिला.

पॉवरप्लेच्या 6 षटकांत आयर्लंडला केवळ 36 धावा करता आल्या.

यानंतर कर्णधार लॉर्कन टकर आणि बेंजामिन कॅलिट्झ (15) यांनी डाव सावरण्याचा प्रयत्न केला. पण खरा डाव फिरवला तो टकर आणि गॅरेथ डेलेनी यांच्यातील महत्त्वपूर्ण भागीदारीने.

कर्णधार लॉर्कन टकरने 36 चेंडूंत 5 चौकार आणि 2 षटकारांच्या मदतीने 50 धावांची उत्कृष्ट अर्धशतकी खेळी केली.

त्याला गॅरेथ डेलेनीने मोलाची साथ दिली. डेलेनीने अवघ्या 49 धावांची खेळी केली. या दोघांनी 64 धावांची भागीदारी करत आयर्लंडला सुस्थितीत आणले.

शेवटच्या षटकांमध्ये जॉर्ज डॉकरेलने झटपट 19 धावा जोडून संघाला 180 च्या पार पोहोचवण्यात मदत केली.

भारताकडून युवा वेगवान गोलंदाज हर्षित राणा सर्वात यशस्वी ठरला. त्याने 3 महत्त्वाचे बळी घेतले. अर्शदीप सिंगने 4 षटकांत 28 धावा देऊन 2 गडी बाद केले, तर फिरकीपटू अक्षर पटेलने अखेरच्या षटकांमध्ये अचूक मारा 2 बळी टिपले. शिवम दुबेला 1 बळी मिळाला.