LLC 2022, Manipal Tigers vs Bhilwara Kings : लीजेंड्स लीग क्रिकेट (Legends League Cricket) स्पर्धेच्या दुसऱ्या हंगामातील सामने अगदी धमाल होताना दिसत आहेत. आजही रविवारी (18 सप्टेंबर) भिलवाडा किंग्स आणि मणिपाल टायगर्स हे संघ आमने सामने असणार आहेत. त्यात शनिवारी झालेल्या सामन्यात गुजरात जायंट्सकडून केविन ओब्रायनने दमदार शतक ठोकत इंडिया कॅपिटल्सला तीन विकेट्सनी मात दिली. आज आमने-सामने येणाऱ्या संघातही दिग्गज खेळाडू मैदानात येणार आहेत. यावेळी भिलवाडा किंग्सचा कर्णधार इरफान पठाण तर मणिपाल टायगर्सचं नेतृत्त्व हरभजन सिंह करणार आहे.
कधी, कुठं पाहायचा सामना?
लीजेंड्स लीग क्रिकेटचे आजचा सामना (18 सप्टेंबर) संध्याकाळी 7.30 वाजता लखनौच्या इकाना क्रिकेट स्टेडियमवर खेळवला जाणार आहे. यापूर्वी अर्धातास आधी नाणेफेक होईल. या सामन्याचं लाईव्ह टेलिकास्ट स्टार स्पोर्ट्स नेटवर्कच्या विविध चॅनलवर होईल. तसेच डिज्नी+ हॉटस्टार अॅपद्वारे या सामन्याचं लाईव्ह स्ट्रिमिंग पाहता येऊ शकतं.
कसे आहे दोन्ही संघ?
मणिपाल टायगर्स: हरभजन सिंह (कर्णधार), रोमेश कालुवितार्णा, लांस क्लूजनर, रियान साइडबॉटम, ब्रेट ली, रतिंदर सोढी, मोहम्मद कैफ, रिकार्डो पॉवेल, शिवकांत शुक्ला, दिलहारा फर्नांडो, स्वप्निल असनोदकर, इमरान ताहिर, डेरेन सॅमी, विक्रम सिंह, क्रिस मोफू, कोरी अँडरसन, परविंदर अवाना.
5 ऑक्टोबरला रंगणार फायनल
लीजेंड्स लीग क्रिकेट स्पर्धेच्या दुसऱ्या सीजनमध्ये 4 संघानी सहभाग घेतला आहे. इंडिया कॅपिटल्स, गुजरात जायंट्स, भिलवाडा किंग्स आणि मणिपाल टायगर्स अशी या संघाची नावं आहेत. ग्रुप स्टेजमध्ये हे चारही संघ प्रत्येकी 6-6 सामने खेळतील. म्हणजेच प्रत्येक दोन संघांमध्ये दोन सामने खेळवले जातील. लीगचा अंतिम सामना 5 ऑक्टोबर रोजी रंगणार आहे.
हे देखील वाचा-