India vs Sri Lanka 3rd T20 : भारत आणि श्रीलंका यांच्यातील तीन टी-20 (India vs Sri Lanka T20 Series) मालिकेतील तिसरा आणि अखेरचा सामना आज (7 जानेवारी) खेळवला जाणार आहे. दोन्ही संघांमधील हा सामना राजकोटच्या सौराष्ट्र क्रिकेट स्टेडियमवर (Saurashtra Cricket Stadium) होणार आहे. मालिकेतील पहिला सामना भारताने जिंकला तर दुसरा सामना श्रीलंका संघाने जिंकला आहे. यामुळे आजचा सामना जिंकणारा संघ मालिकाही जिंकणार आहे. त्यामुळे आजचा सामना निर्णायक असल्याने या महत्वाच्या सामन्यात पाऊस व्यत्यय आणणार का? हे जाणून घेण्यासाठी सामना होणाऱ्या ठिकाणचं हवामान जाणून घेऊ...


हवामानाची स्थिती 


आजच्या सामन्यात पाऊस किंवा इतर कोणत्याही प्रकारे हवामान सामन्यात अडथळा आण्याची शक्यता फारच कमी आहे. Weather.com नुसार, आज राजकोटचे तापमान दिवसभरात 32 अंशांपर्यंत पोहोचेल. त्याच वेळी, रात्री ते 17 अंशांपर्यंत खाली जाईल. आकाश निरभ्र होईल. पावसाची शक्यता दिवसा फक्त 2 टक्के राहील, तर रात्री 1 टक्के कमी होईल. दिवसा आर्द्रता 46 टक्के राहील आणि रात्री 57 टक्के राहील. याशिवाय ताशी 10-15 किमी वेगाने वारे वाहतील. हा अहवाल पाहता निर्णायक सामन्यात हवामानाचा कोणताही अडथळा निर्माण होणार नाही, असे दिसून येत आहे.


कधी, कुठे पाहाल सामना?


भारत विरुद्ध श्रीलंका तिसरा टी20 सामना भारतीय वेळेनुसार 7 वाजता खेळवला जाणार आहे. या सामन्याचं लाईव्ह टेलिकास्ट स्टार स्पोर्ट्स नेटवर्कच्या विविध चॅनलवर होईल. तसेच हॉटस्टार अॅपद्वारे या सामन्याचं लाईव्ह स्ट्रिमिंग पाहता येऊ शकतं. याशिवाय https://marathi.abplive.com//amp येथेही तुम्हाला सामन्याचे अपडेट्स पाहता येतील.


कसे आहेत दोन्ही संघ?


भारताचा टी20 संघ:


हार्दिक पांड्या (कर्णधार), सूर्यकुमार यादव (उपकर्णधार), ईशान किशन (विकेटकिपर), ऋतुराज गायकवाड, शुभमन दिल, दीपक हुडा, राहुल त्रिपाठी, संजू सॅमसन (दुखापतग्रस्त), वॉशिंगटन सुंदर, युजवेंद्र चहल, अक्षर पटेल, अर्शदीप सिंह, हर्षल पटेल, उमरान मलिक, शिवम मावी, मुकेश कुमार 


श्रीलंका टी20 संघ:


दासुन शनाका (कर्णधार), पथुम निसांका, अविष्का फर्नांडो, चरिथ असालंका, धनंजया डी सिल्वा, वानिंदू हसरंगा, चमिका करुणारत्ने, सदीरा समरविक्रमा, कुसल मेंडिस, भानुका राजपक्षे, अशेन बंडारा, महेश थेक्सान, प्रमोदनाथ वेल, डुक्कर राजपक्षे, दासुन बंधारा, डुक्कर, राजकुमार राजकुमार, डुक्कर, दुग्धशैली. मदुशन, लाहिरू कुमारा, नुवान तुषारा


हे देखील वाचा-