Ind vs UAE Update : आधी कुलदीपचा विकेट्चा 'चौकार', नंतर अभिषेकचा तडाखा! टीम इंडियाने 27 चेंडूत सामना जिंकला, युएईचा 9 विकेट्सने पराभव

Asia Cup 2025 Ind vs UAE Update : टी-20 आशिया कप 2025 मध्ये भारत आणि यूएई यांच्यात सामना खेळला गेला.

पार्श्वभूमी

India vs UAE Asia Cup 2025 Live Score Update : आज टी-20 आशिया कप 2025 मध्ये भारत आणि यूएई यांच्यात सामना रंगणार आहे. गट अ मधील हा सामना दुबई आंतरराष्ट्रीय क्रिकेट स्टेडियमवर होणार असून भारतीय वेळेनुसार रात्री आठ वाजता पहिली चेंडू टाकला जाईल. सूर्यकुमार यादवच्या नेतृत्वाखालील भारतीय संघाच्या धडाकेबाज सुरुवातीवर सर्वांचे लक्ष असेल. आशिया कपचे विद्यमान विजेतेपद भारताकडे असून, आजवरची सर्वाधिक आठ जेतेपदेही भारतानेच जिंकली आहेत. त्यामुळे भारत ह्या स्पर्धेत पुन्हा एकदा दावेदार म्हणून मैदानात उतरणार आहे.भारताने टी-20 आंतरराष्ट्रीय क्रिकेटमध्ये यूएईविरुद्ध केवळ एकच सामना खेळला आहे. 2016 मधील आशिया कपमध्ये झालेल्या त्या सामन्यात भारताने 9 गडी राखून सहज विजय मिळवला होता. या सामन्यातील एक मोठा प्रश्न म्हणजे शुभमन गिलच्या पुनरागमनानंतर संजू सॅमसनला अंतिम अकरामध्ये स्थान मिळणार की नाही. विकेटकीपर म्हणून संजू आज खेळणार का, याकडे साऱ्यांचे लक्ष लागले आहे.यूएईविरुद्धचा आजचा सामना 14 सप्टेंबरला पाकिस्तानविरुद्ध होणाऱ्या हाय-व्होल्टेज लढतीपूर्वी भारतासाठी सरावाची संधी ठरेल. आजच्या सामन्यातून संघ व्यवस्थापनाला आगामी सामन्यांसाठी कोणता संयोजन योग्य ठरेल याचा अंदाज घेता येईल.

10/09/2025 22:06:38

Ind vs UAE Live Score Update : आधी कुलदीपचा विकेट्चा 'चौकार', नंतर अभिषेकचा तडाखा! टीम इंडियाने 27 चेंडूत सामना जिंकला, युएईचा 9 विकेट्सने पराभव

भारताने आशिया कप 2025 मध्ये विजयाने सुरुवात केली आहे. सूर्यकुमार यादवच्या नेतृत्वाखालील टीम इंडियाने संयुक्त अरब अमिराती (यूएई) ला नऊ विकेट्सने पराभूत केले आणि चालू स्पर्धेत आपल्या मोहिमेची सुरुवात विजयाने केली. नाणेफेक गमावून प्रथम फलंदाजी केल्यानंतर, यूएई संघ 13.1 षटकांत केवळ 57 धावा करू शकला. प्रत्युत्तरात, भारतीय संघाने 4.3 षटकांत म्हणजेच फक्त 27 चेंडूंत एक विकेट गमावून 60 धावा करून सामना जिंकला. भारताकडून अभिषेक शर्माने 16 चेंडूंत 30 धावा केल्या. त्याच वेळी, शुभमन गिल (20) आणि सूर्यकुमार यादव (7) नाबाद राहिले. यूएईकडून जुनैद सिद्दीकीने एक विकेट घेतली. त्याआधी, भारतीय संघाकडून कुलदीप यादवने चार आणि शिवम दुबेने तीन विकेट घेतल्या. याशिवाय जसप्रीत बुमराह, अक्षर पटेल आणि वरुण चक्रवर्ती यांनी प्रत्येकी एक विकेट घेतली.

Continues below advertisement

10/09/2025 21:19:19

Ind vs UAE Live Score Update : दुबईमध्ये टीम इंडियाच्या गोलंदाजांचा कहर, भारताने युएईला 57 धावांत गुंडाळले, कुलदीप यादवचा विकेट्चा 'चौकार'

आशिया कप 2025 मध्ये आज टीम इंडिया पहिल्यांदाच यूएईचा सामना करत आहे.नाणेफेक जिंकल्यानंतर भारताने प्रथम गोलंदाजी करण्याचा निर्णय घेतला. प्रथम फलंदाजी करणाऱ्या यूएई संघाचा संघ फक्त 57 धावांवर गारद झाला. कुलदीप यादवने 4 आणि शिवम दुबेने 3 विकेट घेतल्या. सूर्याने संजू सॅम्सला प्लेइंग इलेव्हनमध्ये संधी दिली आहे. तिलक वर्मा देखील संघात आहे. पण जितेश आणि रिंकूला संधी मिळालेली नाही.

10/09/2025 21:10:15

शिवम दुबेचा कहर, घेतली दुसरी विकेट

यूएईचा आठवा विकेट पडला. शिवम दुबे यांना दुसरे यश मिळाले. दुबेने ध्रुव पराशरला 7 चेंडूत 1 धाव देऊन पायचीत केले.

Continues below advertisement

10/09/2025 21:08:25

Ind vs UAE Live Score Update : अक्षर पटेलने घेतली पहिली विकेट

यूएईचा सातवा विकेट पडला आहे. आजच्या सामन्यात अक्षर पटेलला पहिले यश मिळाले. सिमरनजीत सिंग 5 चेंडूत 1 धाव करून बाद झाला.

10/09/2025 20:57:24

Ind vs UAE Live Score Update : शिवम दुबेने पहिल्याच षटकात घेतली विकेट, युएईला धक्क्यावर धक्के

शिवम दुबेने त्याच्या पहिल्याच षटकातील तिसऱ्या चेंडूवरच एक विकेट घेतली. युएईने 51 धावांवर 6 विकेट गमावल्या आहेत. 7 चेंडूत 2 धावा करून आसिफ खान बाद झाला.

10/09/2025 20:54:19

Ind vs UAE Live Score Update : दुबईमध्ये टीम इंडियाच्या गोलंदाजांचा कहर, कुलदीप यादवने एका षटकात घेतल्या 3 विकेट्स अन्...

नववे षटक टाकण्यासाठी आलेल्या कुलदीप यादवने युएईला तीन धक्के दिले. त्याने आधी राहुल चोप्राला तर त्यानंतर त्याने कर्णधार मोहम्मद वसीमला आउट केले, जो 22 चेंडूत 19 धावा काढून परतला. या षटकाच्या शेवटच्या चेंडूवर हर्षित कौशिकला आऊट केले. तो फक्त दोन धावा करू शकला. युएईने 50 धावांवर पाच विकेट गमावल्या.

10/09/2025 20:31:10

Ind vs UAE Live Score Update : 6 षटकांचा खेळ संपल्यानंतर किती आहे धावसंख्या?

सहाव्या षटकात युएईच्या फलंदाजांनी 12 धावा केल्या. पॉवर प्ले संपल्यानंतर युएईचा स्कोअर 2 विकेटच्या मोबदल्यात 41 धावा झाला.

10/09/2025 20:30:25

Ind vs UAE Live Score Update : दुबईत बुमराह-वरुणचा कहर, युएईला धक्क्यावर धक्के

29 धावांवर युएईला दुसरा धक्का बसला. वरुण चक्रवर्तीने मोहम्मद जोहेबला झेलबाद केले. तो पाच चेंडूत फक्त दोन धावा काढू शकला. आता राहुल चोप्रा क्रीजवर आला आहे.

10/09/2025 20:25:12

Ind vs UAE Live Score Update : जसप्रीत बुमराहचा कहर! 26 धावांवर यूएईला पहिला धक्का

यूएईला 26 धावांवर पहिला धक्का बसला. जसप्रीत बुमराहने अलिशान शफारूला आऊट केले. 17 चेंडूत तीन चौकार आणि एका षटकारासह 22 धावा काढल्यानंतर तो बाद झाला. आता मोहम्मद झोहेब मोहम्मद वसीमला साथ देण्यासाठी आला आहे.

10/09/2025 19:45:45

Ind vs UAE Live Score Update : टीम इंडियाची प्लेइंग-11

अभिषेक शर्मा, शुभमन गिल, सूर्यकुमार यादव (कर्णधार), तिलक वर्मा, संजू सॅमसन (यष्टीरक्षक), शिवम दुबे, हार्दिक पांड्या, अक्षर पटेल, कुलदीप यादव, जसप्रीत बुमराह, वरुण चक्रवर्ती.

10/09/2025 19:45:02

संयुक्त अरब अमिराती प्लेइंग-11

मुहम्मद वसीम (कर्णधार), अलिशान शराफू, मुहम्मद जोहैब, राहुल चोप्रा (यष्टीरक्षक), आसिफ खान, हर्षित कौशिक, हैदर अली, ध्रुव पराशर, मुहम्मद रोहिद खान, जुनैद सिद्दीकी, सिमरनजीत सिंग.

10/09/2025 19:37:26

Ind vs UAE Live Score Update : यूएईविरुद्ध टीम इंडियाने जिंकली नाणेफेक!

भारताने युएईविरुद्ध नाणेफेक जिंकून प्रथम गोलंदाजी करण्याचा निर्णय घेतला.

10/09/2025 16:39:18

Ind vs UAE Live Score Update : आतापर्यंत भारताने युएईमध्ये खेळले 10 टी-20 सामने

भारताने आतापर्यंत संयुक्त अरब अमिराती (यूएई) मध्ये खेळलेल्या 10 पैकी सहा टी-20 सामने जिंकले आहेत. भारताने हा विजय पाकिस्तान, अफगाणिस्तान (2), हाँगकाँग, नामिबिया आणि स्कॉटलंडविरुद्ध मिळवला.

10/09/2025 16:38:58

Ind vs UAE Live Score Update : आशिया कप 2025 साठी टीम इंडियाचा संघ

सूर्यकुमार यादव (कर्णधार), अभिषेक शर्मा, शुभमन गिल, तिलक वर्मा, हार्दिक पंड्या, जितेश शर्मा (यष्टीरक्षक), अक्षर पटेल, हर्षित राणा, कुलदीप यादव, जसप्रीत बुमराह, वरुण चक्रवर्ती, संजू सॅमसन, रिंकू सिंग, शिवम दुबे, अर्शदीप सिंग.

10/09/2025 16:38:39

Ind vs UAE Live Score Update : आशिया कप 2025 साठी यूएई संघ

मोहम्मद वसीम (कर्णधार), अलिशान शराफू, राहुल चोप्रा (यष्टीरक्षक), आसिफ खान, मुहम्मद जोहैब, हर्षित कौशिक, मुहम्मद फारूख, मुहम्मद जवादुल्ला, सगीर खान, हैदर अली, जुनैद सिद्दीकी, मुहम्मद रोहिद खान, आर्यांश शर्मा, ध्रुव पराशर, मतिउल्ला खान, एथन डिसोझा, सिमरनजीत सिंग.