Ind vs Sa 2nd Test Day 2 Stumps : दुसरा दिवस दक्षिण आफ्रिकेच्या नावावर...; मुथुसामी अन् जानसेनने टीम इंडियाला रडवलं, कुलदीप अन् सिराजला धू-धू धुतले

Ind vs Sa 2nd Test Day 2 Live Scorecard Update Marathi : भारत आणि दक्षिण आफ्रिका यांच्यातील दोन सामन्यांच्या कसोटी मालिकेतील दुसरा सामना गुवाहाटीच्या बरसापारा क्रिकेट स्टेडियमवर रंगला आहे.

पार्श्वभूमी

India vs South Africa 2nd Test Day 2 Live  Score Update : भारत आणि दक्षिण आफ्रिका यांच्यातील दोन सामन्यांच्या कसोटी मालिकेतील दुसरा सामना गुवाहाटीच्या बरसापारा क्रिकेट स्टेडियमवर रंगला आहे. मालिकेतील हा सामना दोन्ही संघांसाठी अतिशय महत्त्वाचा मानला जात आहे. पहिल्या दिवशी दोन्ही बाजूंनी तगडी झुंज पाहायला मिळाली. पहिले दोन सत्रे दक्षिण आफ्रिकेच्या नावावर गेली, परंतु तिसऱ्या सत्रात टीम इंडियाने दमदार पुनरागमन करत सामना पुन्हा रंगवला. त्यामुळे दुसरा दिवस प्रचंड रोमहर्षक ठरणार आहे.पहिल्या दिवशी काय घडलं?भारतीय संघ या मैदानावर पहिल्यांदाच कसोटी सामना खेळत आहे. पहिल्या दिवशी नाणेफेक जिंकून दक्षिण आफ्रिकेने प्रथम फलंदाजी स्वीकारली. दिवस अखेर सहा गडी गमावून 247 धावा केल्या. ट्रिस्टन स्टब्सने 49 धावा तर कर्णधार बावुमाने 41 धावांची उपयुक्त खेळी केली. सेनुरन मुथुसामी 25 आणि काइल वेरेने 1 धावांवर नाबाद आहेत. भारताकडून गोलंदाजांनी उत्कृष्ट कामगिरी केली. कुलदीप यादवने 3 विकेट्स घेतल्या. तर जसप्रीत बुमराह, मोहम्मद सिराज आणि रवींद्र जडेजा यांनी प्रत्येकी एक विकेट घेत आपली छाप पाडली.

23/11/2025 16:39:27

Ind vs Sa 2nd Test Day 2 Live Score : दुसऱ्या कसोटी सामन्याचा दुसरा दिवस संपला!

भारत आणि दक्षिण आफ्रिका यांच्यातील दुसऱ्या कसोटी सामन्याचा दुसरा दिवस संपला आहे. हा संपूर्ण दिवस दक्षिण आफ्रिकेच्या नावावर राहिला.

विशेषतः मुथुसामीने अप्रतिम खेळ करत भारतीय गोलंदाजांना चांगलंच हैराण केलं.

दक्षिण आफ्रिकेची पहिली खेळी 489 धावांवर संपल्यानंतर भारताने सावध सुरुवात केली.

स्टंप्सच्या वेळी भारताने पहिल्या डावात बिनबाद 9 धावा केल्या होत्या.

सध्या ते दक्षिण आफ्रिकेपेक्षा तब्बल 480 धावांनी पिछाडीवर आहेत.

यशस्वी जैस्वाल 7 आणि केएल राहुल 2 धावांवर नाबाद आहेत.

फिकट प्रकाशामुळे थोडासा अडथळा निर्माण झाला असला तरी दोन्ही सलामीवीरांनी संयमी खेळ करत कोणतीही विकेट न गमावता भारतीय डाव सावरला.

Continues below advertisement

23/11/2025 12:59:47

Ind vs Sa 2nd Test Day 2 Live Score : दक्षिण आफ्रिकेने पहिल्या डावात 400 धावांचा टप्पा गाठला

दक्षिण आफ्रिकेने पहिल्या डावात 400 धावांचा टप्पा गाठला आहे.

त्यांच्या हातात अजूनही तीन विकेट शिल्लक आहेत.

सेनुरन मुथुसामी 86 धावांसह आणि मार्को जानसेन 48 धावांसह खेळत आहे.

23/11/2025 11:36:28

Ind vs Sa 2nd Test Day 2 Live Score : दक्षिण आफ्रिकेने टीम इंडियाला रडवलं, पहिल्या सत्रात मिळाली नाही एक पण विकेट

भारत आणि दक्षिण आफ्रिका यांच्यातील दुसऱ्या कसोटी सामन्याच्या दुसऱ्या दिवसाचे पहिले सत्र संपले आहे.

पहिल्या सत्रात पूर्णपणे दक्षिण आफ्रिकेचे वर्चस्व होते आणि भारतीय गोलंदाजांना एकही यश मिळवता आले नाही.

मुथुस्वामी आणि व्हेरेन यांनी दक्षिण आफ्रिकेसाठी सातव्या विकेटसाठी शानदार भागीदारी केली.

ज्यामुळे चहापानाच्या ब्रेकपर्यंत पहिल्या डावात सहा बाद 316 धावा झाल्या.

मुथुस्वामी सध्या 56 धावांसह आणि व्हेरेन 38 धावांसह खेळत आहेत.

Continues below advertisement

23/11/2025 10:50:39

Ind vs Sa 2nd Test Day 2 Live Score : सकाळच्या सत्रात विकेट्ससाठी दक्षिण आफ्रिकेने टीम इंडियाला रडवलं, धावसंख्या 300 धावा पार, जाणून घ्या अपडेट्स

दुसऱ्या दिवशी सकाळच्या सत्रात दक्षिण आफ्रिकेने विकेट्ससाठी टीम इंडियाला रडवलं आहे.

दक्षिण आफ्रिकेची धावसंख्या 300 धावा पार झाली अजून मुथुस्वामी आणि व्हेरेन यांनी सातव्या विकेटसाठी 60 पेक्षा जास्त धावा जोडल्या आहेत. 

दक्षिण आफ्रिकेने पहिल्या डावात 6 बाद 300 धावा केल्या आहेत.

23/11/2025 09:12:33

Ind vs Sa 2nd Test Day 2 Live Score : पहिल्या दिवशी काय काय घडलं?

भारत आणि दक्षिण आफ्रिका यांच्यातील दुसऱ्या कसोटी सामन्याचा पहिला दिवस संपला. 

खेळ थांबला तेव्हा दक्षिण आफ्रिकेने पहिल्या डावात 6 बाद 247 धावा केल्या होत्या. 

सेनुरन मुथुस्वामी 25 धावा आणि काइल व्हेरेन 1 धावा घेऊन खेळत होते.

23/11/2025 09:11:26

Ind vs Sa 2nd Test Day 2 Live Score : दुसऱ्या दिवसाचा खेळ सुरू

गुवाहाटी कसोटीच्या दुसऱ्या दिवसाचा खेळ सुरू झाला आहे. सेनुरन मुथुसामी आणि काइल व्हेरेन क्रीजवर आहेत.

23/11/2025 09:08:40

Ind vs Sa 2nd Test Day 2 Live Score : पहिल्या सत्रात पावसामुळे येणार व्यत्यय?

अ‍ॅक्युवेदरने सकाळी 10 : 30 वाजण्याच्या सुमारास पाऊस पडण्याची शक्यता वर्तवली आहे. पण सामना सुरू झाला आहेत आणि सूर्य चांगलाच चमकत आहे.