IND VS SA 2nd Test Day 3 Stumps : तिसऱ्या दिवशी दक्षिण आफ्रिकेच्या नावावर, मार्को जानसेनचा विकेट्सचा 'षटकार', भारतासमोर 'क्लीन स्वीप'चा धोका

IND VS SA 2nd Test Day 3 Update Marathi News : भारत विरुद्ध दक्षिण आफ्रिका यांच्यातील दोन सामन्यांच्या कसोटी मालिकेतील दुसरा आणि शेवटचा कसोटी सामना गुवाहाटी येथे खेळला जात आहे.

पार्श्वभूमी

India vs South Africa 2nd Test Day 3 Update : भारत आणि दक्षिण आफ्रिका यांच्यातील दोन सामन्यांच्या कसोटी मालिकेतील दुसरा सामना गुवाहाटी येथील बरसापारा क्रिकेट स्टेडियमवर खेळला जात आहे. या सामन्याचे पहिले दोन दिवस दक्षिण आफ्रिकेच्या नावावर राहिले. त्यांनी पहिल्या डावात 151.1 षटके फलंदाजी केली आणि 489 धावा केल्या. दरम्यान, दुसऱ्या दिवसाच्या खेळाच्या अखेरीस टीम इंडियाने एकही विकेट न गमावता 9 धावा जोडल्या. त्यामुळे, सामन्याचा तिसरा दिवस महत्त्वाचा असेल. सध्या 480 धावांनी मागे असलेल्या भारतीय फलंदाजांकडून जोरदार प्रतिआक्रमण अपेक्षित आहे.

24/11/2025 16:12:07

IND VS SA 2nd Test Day 3 Stumps : तिसऱ्या दिवशी दक्षिण आफ्रिकेच्या नावावर, मार्को जानसेनचा विकेट्सचा 'षटकार', भारतासमोर 'क्लीन स्वीप'चा धोका

तिसऱ्या दिवसाचा खेळ संपला आहे.

दक्षिण आफ्रिकेने त्यांच्या दुसऱ्या डावात एकही विकेट न गमावता 26 धावा केल्या आहेत.

रिकेल्टन 13 आणि मार्कराम 12 धावांवर नाबाद आहेत.

पहिल्या डावाच्या आधारे दक्षिण आफ्रिकेकडे 288 धावांची आघाडी होती. परिणामी, पाहुण्या संघाची एकूण आघाडी 314 धावांवर पोहोचली आहे.

दक्षिण आफ्रिकेने नाणेफेक जिंकून प्रथम फलंदाजी करताना त्यांच्या पहिल्या डावात 489 धावा केल्या. प्रत्युत्तर भारताचा पहिला डाव 201 धावांवर संपला.

मार्को जॅन्सनने सहा बळी घेतले, तर सायमन हार्मरने तीन बळी घेतले.

Continues below advertisement

24/11/2025 15:23:04

IND VS SA 2nd Test Day 3 Live Score : भारताचा डाव 201 धावांवर संपला, दक्षिण आफ्रिका पुन्हा फलंदाजी करणार, मार्को जानसेनचा विकेट्सचा 'षटकार'

भारतीय संघ पहिल्या डावात 201 धावांवर गारद झाला.

संघाची फलंदाजी निराशाजनक होती आणि त्यांना फॉलो-ऑन टाळता आला नाही. त्यांना 289 धावा करायच्या होत्या, पण ते साध्य झाले नाही. पण, दक्षिण आफ्रिकेचा कर्णधार टेम्बा बावुमाने फॉलो-ऑन लागू न करण्याचा निर्णय घेतला. याचा अर्थ भारतीय संघ पुन्हा गोलंदाजी करेल.

भारताकडून यशस्वी जैस्वालने सर्वाधिक 58 धावा केल्या, तर सुंदरने 48 धावा केल्या. इतर फलंदाज कामगिरी करू शकले नाहीत.

केएल राहुलने 22, साई सुदर्शनने 15, कर्णधार ऋषभ पंतने सात, रवींद्र जडेजा सहा आणि नितीश रेड्डी यांनी 10 धावा केल्या. ध्रुव जुरेलला खातेही उघडता आले नाही.

95 धावांवर 1 विकेट वरून टीम इंडियाने 122 धावांपर्यंत पोहोचण्यापूर्वी 7 विकेट गमावल्या.

त्यानंतर सुंदरने कुलदीप यादवसोबत 72 धावांची भागीदारी केली. सुंदर बाद झाल्याने संघ 201 धावांवरच बाद झाला. कुलदीप 19 धावांवर आणि बुमराह 5 धावांवर बाद झाला.

दक्षिण आफ्रिकेकडून जॅन्सेनने 6, तर सायमन हार्मरने 3 विकेट घेतल्या. केशव महाराजने एक विकेट घेतली.

24/11/2025 13:46:35

IND VS SA 2nd Test Day 3 Live Score : लंच ब्रेक! भारतासमोर फॉलोऑनचा धोका

तिसऱ्या दिवशी लंचच्या वेळी भारताने पहिल्या डावात सात बाद 174 धावा केल्या होत्या.

कुलदीप यादव 14 धावांवर नाबाद आहे, तर वॉशिंग्टन सुंदर 33 धावांवर नाबाद आहे.

या दोघांनी आता 52 धावांची नाबाद भागीदारी केली आहे. भारत अजूनही दक्षिण आफ्रिकेपेक्षा 315 धावांनी पिछाडीवर आहे.

फॉलोऑन टाळण्यासाठी त्यांना अजूनही 116 धावांची आवश्यकता आहे.

Continues below advertisement

24/11/2025 11:56:16

IND VS SA 2nd Test Day 3 Live Score : भारतासमोर फॉलोऑनचा धोका! 119 धावांवर सहावा धक्का, कर्णधार पंतनंतर रेड्डी OUT

टीम इंडियाला 119 धावांवर सहावा धक्का बसला आहे.

मार्को जानसेनने नितीश रेड्डीला फक्त 10 धावांवर आऊट केले, त्याआधी त्याने कर्णधार ऋषभ पंतला 7 धावांवर बाद केले.

फॉलोऑन टाळण्यासाठी भारताला आणखी 170 धावांची आवश्यकता आहे.

 भारताचा स्कोअर एकेकाळी 1 बाद 95 होता. त्यानंतर, आता 6 बाद 119 असा आहे. त्यांनी 24 धावांत आणखी 5 बळी गमावले.

यापूर्वी, केएल राहुल 22 धावांवर, यशस्वी जैस्वाल 58 धावांवर, साई सुदर्शन 15 धावांवर आणि ध्रुव जुरेल 0 धावांवर बाद झाले.  

24/11/2025 11:13:27

IND VS SA 2nd Test Day 3 Live Score : टीम इंडिया संकटात! 2 तासात भारताने चार टॉप-ऑर्डर फलंदाज गमावले

दोन दिवस फलंदाजीवर वर्चस्व गाजवल्यानंतर, दक्षिण आफ्रिकेचे गोलंदाज आता कहर करत आहेत.

त्यांच्या खेळामुळे असे दिसते की भारत नव्हे तर दक्षिण आफ्रिका घरच्या मैदानावर खेळत आहे.

दोन तासांत, भारताने चार टॉप-ऑर्डर फलंदाज गमावले आहेत.

तिसऱ्या दिवशी भारताने खेळ सुरू केला तेव्हा एकही विकेट न गमावता नऊ धावा होत्या आणि आता चहापानाच्या वेळेपर्यंत भारताचा स्कोअर चार विकेटवर 102 धावा आहे. भारत अजूनही दक्षिण आफ्रिकेपेक्षा 387 धावांनी पिछाडीवर आहे. कर्णधार पंत आणि जडेजा सध्या नाबाद आहेत. फॉलोऑन टाळण्यासाठी भारताला 290 धावा करायच्या आहेत.

भारताचा स्कोअर एकेकाळी एक बाद 95 होता आणि भारताने फक्त 7 धावांत आणखी तीन विकेट गमावल्या. आज भारताला पहिला धक्का केएल राहुलच्या रूपात बसला. तो 22 धावांवर बाद झाला. त्यानंतर यशस्वीने त्याच्या कसोटी कारकिर्दीतील 13 वे अर्धशतक पूर्ण केले, त्याने 58 धावा केल्या. साई सुदर्शन आणि ध्रुव जुरेल संधीचा फायदा उठवू शकले नाहीत. सुदर्शन 57 धावांवर बाद झाला आणि जुरेलही शुन्यावर बाद झाला. दक्षिण आफ्रिकेकडून सायमन हार्मरने दोन विकेट घेतल्या, तर केशव महाराजने एक विकेट घेतली. जानसेनने एक विकेट घेतली.

24/11/2025 11:06:22

IND VS SA 2nd Test Day 3 Live Score : भारताचा टॉप ऑर्डर पुन्हा एकदा कोसळला! राहुल, जैस्वाल, सुदर्शन अन् जुरेल OUT!

केएल राहुल, यशस्वी जैस्वाल, साई सुदर्शन आणि ध्रुव जुरेल हे सर्व खेळाडू आऊट झाले आहेत.

भारताचा टॉप ऑर्डर पुन्हा एकदा कोसळला. केशव महाराजांनी केएल राहुलला बाद केले.

सायमन हार्मरने यशस्वी जैस्वाल आणि साई सुदर्शनला बाद केले.

तर जुरेलला मार्को जानसेनने बाद केले.

24/11/2025 11:03:46

IND VS SA 2nd Test Day 3 Live Score : 100 धावा पूर्ण करण्यापूर्वीच टीम इंडियाला तिसरा धक्का!

100 धावा पूर्ण करण्यापूर्वीच टीम इंडियाने तिसरी विकेट गमावली आहे.

साई सुदर्शन फक्त 15 धावा करून पॅव्हेलियनमध्ये परतला आहे.

कर्णधार ऋषभ पंत आता क्रीजवर आहे.

24/11/2025 10:53:06

IND VS SA 2nd Test Day 3 Live Score : मोठा धक्का! राहुलनंतर यशस्वी जैस्वालने सोडली संघाची साथ

भारताला 95 धावांवर दुसरा धक्का बसला.

यशस्वी जैस्वालला सायमन हार्मरने झेलबाद केले.

तो 97 चेंडूत 7 चौकार आणि 1 षटकारासह 58 धावा काढून बाद झाला.

साई सुदर्शन आणि ध्रुव जुरेल सध्या क्रीजवर आहेत.

भारत अजूनही दक्षिण आफ्रिकेपेक्षा 390+ धावांनी पिछाडीवर आहे.

24/11/2025 10:48:39

IND VS SA 2nd Test Day 3 Live Score : यशस्वीचे अर्धशतक, भारत अजूनही दक्षिण आफ्रिकेपेक्षा 390+ धावांनी पिछाडीवर

यशस्वीने त्याचे 13 वे कसोटी अर्धशतक झळकावले.

भारताने एका विकेटच्या मोबदल्यात 90 पेक्षा जास्त धावा केल्या आहेत.

साई सुदर्शन सध्या यशस्वीसह क्रीजवर आहे.

भारत अजूनही दक्षिण आफ्रिकेपेक्षा 390+ धावांनी पिछाडीवर आहे.

24/11/2025 10:47:40

IND VS SA 2nd Test Day 3 Live Score : भारताचा पहिला धक्का! केएल राहुल OUT, केल्या फक्त इतक्या धावा

भारताला 65 धावांवर पहिला धक्का बसला.

केएल राहुल केशव महाराजच्या चेंडूवर मार्करामने झेलबाद झाला.

तो फक्त 22 धावा करू शकला.

भारत अजूनही दक्षिण आफ्रिकेपेक्षा 424 धावांनी पिछाडीवर आहे.

24/11/2025 09:16:42

IND VS SA 2nd Test Day 3 Live Score : तिसऱ्या दिवसाचा खेळ सुरू

तिसऱ्या दिवसाचा खेळ सुरू झाला आहे.

केएल राहुल आणि यशस्वी जैस्वाल क्रीजवर आहेत.

दोघांकडूनही मोठ्या खेळीची अपेक्षा आहे.

24/11/2025 08:34:28

IND VS SA 2nd Test Day 3 Live Score : दक्षिण आफ्रिकेने भारतीय गोलंदाजांना रडवलं, मुथुस्वामीने ठोकल्या 109 धावा

सामन्याच्या पहिल्या दिवशी, दक्षिण आफ्रिकेने नाणेफेक जिंकून भारताविरुद्ध प्रथम फलंदाजी करताना, खेळ थांबला तेव्हा सहा बाद 247 धावा केल्या. दुसऱ्या दिवशी, दक्षिण आफ्रिकेने सहा बादवर खेळ सुरू केला आणि सेनुरन मुथुस्वामी आणि काइल व्हेरेन यांच्या जोडीने भारतीय गोलंदाजांना रडवलं. काइल व्हेरेन अर्धशतक हुकले असले तरी, मुथुस्वामीने 109 धावा केल्या. त्यानंतर मार्को यान्सनने 93 धावा फटकावत दक्षिण आफ्रिकेच्या संघाला या मोठ्या धावसंख्येपर्यंत पोहोचवले.