भारताची विजयी सुरुवात! कटक टी-20 मध्ये दक्षिण आफ्रिकेचा पराभव, मालिकेत 1-0 आघाडी

09/12/2025 22:12:54

Ind vs Sa 1st T20 : भारताची विजयी सुरुवात! कटक टी-20 मध्ये दक्षिण आफ्रिकेचा पराभव, मालिकेत 1-0 आघाडी

भारत आणि दक्षिण आफ्रिका यांच्यातील पाच सामन्यांच्या टी-20 मालिकेला धमाकेदार सुरुवात झाली.

पहिल्या सामन्यात टीम इंडियाने दक्षिण आफ्रिकेवर दणदणीत विजय मिळवला.

या विजयासह भारताने मालिकेत 1-0 अशी आघाडी घेतली आहे.

भारताकडून हार्दिक पांड्याने जबरदस्त अर्धशतक ठोकले.

ज्यामुळे पहिल्यांदा फलंदाजी करताना भारताने 20 षटकांत 175 धावा केल्या.

प्रत्युत्तर, दक्षिण आफ्रिकेचा संघ 12.3 षटकात 74 धावांतच गारद झाला.

पहिल्या टी-20 सामन्यात दक्षिण आफ्रिकेचा 101 धावांनी पराभव केला.

09/12/2025 20:53:01

Ind vs Sa 1st T20 Live Score : टॉप ऑर्डर ढेपाळली! पण हार्दिक पांड्याने एकहाती वाचवली भारताची शान, द. आफ्रिकेसमोर 176 धावांचे लक्ष्य

कटक येथे खेळल्या जात असलेल्या भारत विरुद्ध दक्षिण आफ्रिका या पहिल्या टी20 सामन्यात भारतीय फलंदाजीची सुरुवात निराशाजनक झाली.

अभिषेक शर्मा, शुभमन गिल आणि कर्णधार सूर्यकुमार यादव हे तिघेही स्वस्तात तंबूला परतले, ज्यामुळे भारतीय टॉप ऑर्डर ढेपाळली.

पण अशा कठीण परिस्थितीत हार्दिक पांड्याने जबाबदारी स्वीकारत एकहाती लढत भारताचा डाव सावरला.

सुरुवातीपासून दबावाखाली असतानाही त्याने तडाखेबाज अर्धशतक झळकावले. चौकार आणि षटकारांची आतषबाजी करत त्याने भारतीय डावाला गती मिळवून दिली.

हार्दिक पांड्याच्या या खेळीच्या जोरावर भारताने 176 धावांचे लढाऊ लक्ष्य दक्षिण आफ्रिकेसमोर ठेवले आहे.

हार्दिकने केवळ 28 चेंडूंमध्ये सहा चौकार आणि चार षटकारांच्या मदतीने नाबाद 59 धावा ठोकल्या.

हार्दिक पांड्याशिवाय भारताच्या इतर फलंदाजांकडून मोठी खेळी पाहायला मिळाली नाही.

तिलक वर्मा 26, अक्षर पटेल 23, अभिषेक शर्मा 17, तर कर्णधार सूर्यकुमार यादव याने 12 धावा केल्या.

शिवम दुबे आणि जितेश शर्माने प्रत्येकी 10 धावा केल्या. जितेश शेवटपर्यंत नाबाद राहिला.

दक्षिण आफ्रिकेकडून लुंगी एनगिडीने तीन विकेट्स घेतल्या.

तर लुथो सिपाम्ला याने दोन विकेट घेतल्या, तर डोनोवान फरेराच्या खात्यात एक बळी जमा झाला.

09/12/2025 19:56:31

Ind vs Sa 1st T20 Live Score : 10 षटकांनंतर टीम इंडियाची धावसंख्या किती?

10 षटकांनंतर भारताची धावसंख्या 3 बाद 71 आहे.

तिलक वर्मा 23 धावांवर खेळत आहे, त्याने दोन चौकार आणि एक षटकार मारला आहे.

अक्षर पटेल आठ चेंडूत 10 धावांवर खेळत आहे.

या दोघांनी 21 चेंडूत 23 धावांची भागीदारी केली आहे.

09/12/2025 19:55:21

Ind vs Sa 1st T20 Live Score : टीम इंडियाला मोठा धक्का! अभिषेक शर्मा OUT

भारताला तिसरा धक्का बसला.

अभिषेक शर्मा आऊट झाला आहे.

मार्को जॅन्सेनने अभिषेकला 12 चेंडूत 17 धावा काढून आऊट केले.

ज्यामध्ये दोन चौकार आणि एका षटकाराचा समावेश होता.

09/12/2025 19:24:54

Ind vs Sa 1st T20 Live Score : टीम इंडिया संकटात! 2 षटकात कर्णधार अन् उपकर्णधार दोघेही पॅव्हेलियनमध्ये, किती धावा केल्या?

लुंगी एनगिडीने भारताला दुसरा धक्का दिला आहे.

उपकर्णधार गिल आणि कर्णधार सूर्यकुमार यादवला त्याने बाद केले.

सूर्यकुमार यादवने 11 चेंडूत 12 धावा केल्या, त्यात एक चौकार आणि एक षटकार मारला.

त्याआधी गिलने फक्त चार धावा केल्या आणि पॅव्हेलियनमध्ये परतला.

अभिषेक क्रीजवर आहे.

09/12/2025 19:14:47

Ind vs Sa 1st T20 Live Score : भारतीय डावाची खराब सुरुवात! गिल 4 धावांवर माघारी, पहिल्या षटकात नेमकं काय घडलं? अभिषेक अन् सूर्याची जबाबदारी वाढली

लुंगी एनगिडीने शुभमन गिलला बाद करून भारताला पहिला धक्का दिला.

गिल दुखापतीतून पुनरागमन करत होता, पण तो प्रभाव पाडू शकला नाही.

त्याने नक्की एक चौकार मारला, पण चार धावा केल्या आणि पॅव्हेलियनमध्ये परतला.

ज्यामुळे अभिषेक अन् सूर्याची जबाबदारी वाढली आहे.

09/12/2025 18:40:52

Ind vs Sa 1st T20 Live Score : दक्षिण आफ्रिका संघाची प्लेइंग-11

क्विंटन डी कॉक (डब्ल्यू), एडन मार्कराम (क), ट्रिस्टन स्टब्स, डेवाल्ड ब्रेविस, डेव्हिड मिलर, डोनोव्हन फरेरा, मार्को जॅनसेन, केशव महाराज, लुथो सिपामला, लुंगी एनगिडी, एनरिक नॉर्टजे

09/12/2025 18:39:11

Ind vs Sa 1st T20 Live Score : टीम इंडिया संघाची Playing XI

अभिषेक शर्मा, शुभमन गिल, सूर्यकुमार यादव (कर्णधार), तिलक वर्मा, हार्दिक पांड्या, शिवम दुबे, जितेश शर्मा (यष्टीरक्षक), अक्षर पटेल, जसप्रीत बुमराह, वरुण चक्रवर्ती, अर्शदीप सिंग.

09/12/2025 18:36:15

Ind vs Sa 1st T20 Live Score : कर्णधार सूर्याचा मोठा निर्णय, टीम इंडियातून 4 खेळाडू बाहेर, जाणून घ्या Playing XI

कर्णधार सूर्यकुमार यादवने नाणेफेकीदरम्यान सांगितले की, संजू सॅमसन, वॉशिंग्टन सुंदर, हर्षित राणा आणि कुलदीप यादव या सामन्यात खेळत नाहीत. म्हणजे हे चार खेळाडू बाहेर आहेत.

09/12/2025 18:33:23

Ind vs Sa 1st T20 Live Score : पहिल्या टी-20 सामन्यात दक्षिण आफ्रिकेने जिंकली नाणेफेक

दक्षिण आफ्रिकेने भारताविरुद्ध नाणेफेक जिंकून प्रथम गोलंदाजी करण्याचा निर्णय घेतला.

09/12/2025 11:31:20

Ind vs Sa 1st T20 Live Score : पहिला टी20 सामना फ्रीमध्ये कसा अन् कुठे पाहता येईल?

टीव्हीवर मोफत पाहण्यासाठी तुमच्याकडे DD Free Dish असणे आवश्यक आहे.

DD Sports या चॅनेलवर भारताचे सर्व सामने मोफत प्रसारित केले जातात.

सामन्याचे लाईव्ह अपडेट्स, स्कोअर आणि ताज्या घडामोडींसाठी तुम्ही https://marathi.abplive.com/sports च्या क्रिकेट सेक्शनला भेट देऊ शकता.

09/12/2025 11:29:59

Ind vs Sa 1st T20 Live Score : ऑनलाइन लाईव्ह स्ट्रिमिंग कुठे पाहता येईल?

सामन्याची लाईव्ह स्ट्रिमिंग JioCinema/Hotstar अ‍ॅपवर पाहता येईल.

हॉटस्टारच्या वेबसाइटवर लॉग इन करूनही तुम्ही सामना पाहू शकता.

इथेही हिंदी, इंग्रजीसह अनेक भाषांमध्ये कमेंट्री मिळेल.

09/12/2025 11:29:37

Ind vs Sa 1st T20 Live Score : टीव्हीवर लाईव्ह सामना कसा पाहाल?

भारत विरुद्ध दक्षिण आफ्रिका पहिला T20 सामना तुम्ही स्टार स्पोर्ट्स नेटवर्कवर लाईव्ह पाहू शकता.

येथे तुम्हाला विविध भाषांमध्ये कमेंट्रीची सुविधा उपलब्ध असेल.

09/12/2025 11:29:12

Ind vs Sa 1st T20 Live Score : सामना किती वाजता सुरू होईल?

सामना सुरू होण्याची वेळ : सायंकाळी 7 वाजता

टॉसची वेळ: सायंकाळी 6.30 वाजता

09/12/2025 11:28:52

Ind vs Sa 1st T20 Live Score : सामना कुठे होणार?

पहिला टी20 सामना कटकच्या बाराबती स्टेडियममध्ये रंगणार आहे.

09/12/2025 11:28:33

Ind vs Sa 1st T20 Live Score : पहिला टी20 सामना कधी खेळला जाणार?

भारत विरुद्ध दक्षिण आफ्रिका टी20 मालिकेतील पहिला सामना मंगळवार, 9 डिसेंबर रोजी खेळला जाणार आहे.

Ind vs Sa 1st T20 : भारताची विजयी सुरुवात! कटक टी-20 मध्ये दक्षिण आफ्रिकेचा पराभव, मालिकेत 1-0 आघाडी

पार्श्वभूमी