IND vs NZ 1st ODI Live Streaming : भारतीय क्रिकेट संघ (Team India) आजपासून न्यूझीलंड संघाविरुद्ध एकदिवसीय मालिकाIND vs NZ ODI Series) खेळणार आहे. आज भारत विरुद्ध न्यूझीलंड (India vs New Zealand) पहिला एकदिवसीय सामना खेळवला जाणार आहे. भारताने नुकताच श्रीलंका संघाला व्हाईट वॉश दिला. तब्बल 317 धावांच्या फरकाने मात देत अखेरचा सामना जिंकला अशाप्रकारे भारत दमदार फॉर्मात असल्याने आजही अशीच दमदार कामगिरी करतो का? हे पाहावं लागेल. तर आजच्या या सामन्याची माहिती जाणून घेऊ...
कधी होणार सामना?
भारत विरुद्ध न्यूझीलंड हा पहिला एकदिवसीय (India vs New Zealand 1st ODI) आज अर्थात 17 जानेवारी रोजी होणार आहे. भारतीय वेळेनुसार दुपारी 2 वाजता सामना खेळवला जाईल. त्यापूर्वी अर्धातास आधी नाणेफेक होणार आहे.
कुठे आहे सामना?
भारत विरुद्ध न्यूझीलंड पहिला एकदिवसीय सामना हैदराबादच्या राजीव गांधी इंटरनॅशनल क्रिकेट स्टेडियमवर (Rajiv Gandhi International Stadium) खेळवला जाणार आहे.
कुठे पाहता येणार सामना?
भारत विरुद्ध न्यूझीलंड एकदिवसीय सामन्याचं लाईव्ह टेलिकास्ट स्टार स्पोर्ट्स नेटवर्कच्या विविध चॅनलवर होईल. तसेच हॉटस्टार अॅपद्वारे या सामन्याचं लाईव्ह स्ट्रिमिंग पाहता येऊ शकतं. याशिवाय https://marathi.abplive.com//amp येथेही तुम्हाला सामन्याचे अपडेट्स पाहता येतील.
भारताचा एकदिवसीय संघ:
रोहित शर्मा (कर्णधार), शुभमन गिल, ईशान किशन, विराट कोहली, श्रेयस अय्यर, सूर्यकुमार यादव, केएस भरत (विकेटकिपर), हार्दिक पांड्या (उप कर्णधार)वॉशिंगट सुंदर, शाहबाज अहमद, शार्दुल ठाकूर, कुलदीप यादव, मोहम्मद सिराद, उमरान मलिक
न्यूझीलंडचा एकदिवसीय संघ:
फिन ऍलन, डेव्हॉन कॉनवे, हेन्री निकोल्स, डॅरिल मिशेल, टॉम लॅथम (विकेटकिपर/कर्णधार), मायकेल ब्रेसवेल, ग्लेन फिलिप्स, मिशेल सँटनर, ईश सोधी, लॉकी फर्ग्युसन, ब्लेअर टिकनर, जेकब डफी, डग ब्रेसवेल, मार्क चॅपमन, हेन्री शिपले
भारत आणि न्यूझीलंड या दोन्ही संघांमध्ये आतापर्यंत एकूण 113 एकदिवसीय सामने खेळले गेले आहेत. यामध्ये भारतीय संघाने 55 सामने जिंकले आहेत, तर न्यूझीलंडने 50 सामने जिंकले आहेत. याशिवाय 7 सामन्यांमध्ये कोणताही निकाल लागला नाही आणि एक सामना बरोबरीत सुटला.
हे देखील वाचा-