IND vs ENG 2nd Test 4th Day : आकाश अन् सिराजचे धक्के सुरुच, इंग्लंड तीन विकेट गेल्यानं अडचणीत, भारताचा कसोटी विजय 7 पावलांवर

IND vs ENG 2nd Test 4th Day : भारत आणि इंग्लंड यांच्यातील बर्मिंघम येथील एजबेस्टन कसोटीच्या चौथ्या दिवशी केएल राहुल आणि करुण नायर मैदानावर उतरेल.

पार्श्वभूमी

IND  vs ENG 2nd Test 4th Day : भारत आणि इंग्लंड यांच्यातील बर्मिंघम येथील एजबेस्टन कसोटीच्या चौथ्या दिवशी केएल राहुल आणि करुण नायर मैदानावर उतरतील. भारताकडे पहिल्या डावातील 180 धावांची आघाडी आणि दुसऱ्या डावातील 64 धावांच्या जोरावर 244 धावांची आघाडी आहे. भारतानं तिसऱ्या दिवशी दुसऱ्या डावात यशस्वी जयस्वालची विकेट गमावली आहे. भारताच्या फलंदाजांना आज मोठी धावसंख्या उभारुन इंग्लंडला अडचणीत आणण्याची संधी आहे. दुसऱ्या कसोटीत विजय मिळवण्याचा भारताचा प्रयत्न असेल. 

05/07/2025 23:15:02

चौथ्या दिवसाचा खेळ संपला, इंग्लंडच्या दुसऱ्या कसोटीच्या दुसऱ्या डावात 3 बाद 72 धावा, घ्या काय घडलं?

बर्मिंघम : भारत आणि इंग्लंड यांच्यातील दुसऱ्या कसोटीच्या चौथ्या दिवसावर भारताचं वर्चस्व राहिल्याचं दिसून आलं. केएल राहुल, रिषभ पंत, रवींद्र जडेजा यांची अर्धशतकं आणि कॅप्टन शुभमन गिलच्या 161 धावा या जोरावर भारतानं दुसऱ्या डावात 427 धावा केल्यानंतर डाव घोषित केला. भारतानं इंग्लंडला विजयासाठी 608 धावांचं आव्हान ठेवलं आहे. चौथ्या दिवसाच्या तिसऱ्या सत्रात भारतानं इंग्लंडला तीन धक्के दिले. आकाशदीपनं 2 विकेट घेतल्या. तर, मोहम्मद सिराजनं 1 विकेट घेतल्या.  भारताला बर्मिंघम कसोटी जिंकायची असेल तर इंग्लंडच्या राहिलेल्या 7 विकेट काढणं आवश्यक आहे.   

शुभमन गिलचं शतक

शुभमन गिलनं पहिल्या डावात द्विशतक करत 269 धावा केल्या होत्या. तर, दुसऱ्या डावात शुभमन गिलनं 161 धावा केल्या. गिलनं केएल राहुल, रिषभ पंत, रवींद्र जडेजा यांच्यासोबत भागीदारी करत संघाला मोठी धावसंख्या उभारुन दिली.  

केएल राहुल, रिषभ पंत, रवींद्र जडेजाचं अर्धशतक

भारतीय संघ आज फलंदाजीसाठी मैदानात उतरला तेव्हा करुण नायर आणि केएल राहुल मैदानात आले. करुण नायर आज देखील चांगली सुरुवात करुन 28 धावांवर बाद झाला. यानंतर शुभमन गिल मैदानात आला. दुसरीकडे केएल राहुलनं सलामीला येत संयमी खेळी करत 55 धावा केल्या. यानंतर फलंदाजीला आलेल्या उपकॅप्टन रिषभ पंतनं 65 धावांची आक्रमक खेळी केली. यामध्ये शुभमन गिलनं तीन षटकार मारले. यानंतर भारताचा कॅप्टन शुभमन गिलनं शतक पूर्ण केलं. रवींद्र जडेजा देखील 69 धावांवर  नाबाद राहिला. 

भारताचा कॅप्टन शुभमन गिलनं 6 बाद 427 झाल्या असताना डाव जाहीर केला. यामुळं पहिल्या डावातील 180 मिळून इंग्लंडला विजयासाठी 608 धावांचं आव्हान ठेवलं. 

सिराज आणि आकाशदीपचे इंग्लंडला धक्के

भारतानं 427 धावांवर डाव घोषित केल्यानं इंग्लंडलाला विजयासाठी 608 धावा करणं आवश्यक आहे. मात्र भारताचा वेगवान गोलंदाज मोहम्मद सिराज यानं दुसऱ्या कसोटीत इंग्लंडच्या सलामीवीराला बाद केलं. सिराजनं क्रॉलीला बाद केलं. यानंतरआकाशदीपनं बेन डकेट आणि जो रुटला बाद केलं. बेन डकेट 25  धावांवर बाज झाला. तर जो रुट 6 धावांवर बाद झाला. आता भारताला विजय मिळवायचा असेल तर  7 विकेट घेणं आवश्यक आहे. इंग्लंड सध्या 3 बाद 72 धावांवर खेळत आहे.

05/07/2025 22:42:19

आकाशदीपची अफलातून कामगिरी, जो रुट 6 धावांवर बाद

भारताचा वेगवान गोलंदाज जो रुट यानं इंग्लंडला तिसरा धक्का दिला आहे. जो रुट 6 धावांवर बाद झाला. तर, आकाशदीपला दुसऱ्या डावातील दुसरी विकेट मिळाली.

05/07/2025 22:09:30

इंग्लंडचे सलामीवीर तंबूत परतले, आकाशदीप- सिराजचा धमाका

सिराजनं क्रॉलीला शुन्यावर बाद केल्यानंतर आकाशदीपनं आक्रमक खेळी करणाऱ्या बेन डकेटला 25 धावांवर बाद केलं आहे.

05/07/2025 21:59:58

इंग्लंडला पहिला धक्का, क्रॉली खातं न उघडता बाद, सिराजचा धमाका सुरुच

इंग्लंडला भारताचा वेगवान गोलंदाज मोहम्मद सिराजनं धक्का दिला आहे. सिराजनं  क्रॉलीला बाद करत भारताला पहिलं यश मिळवून दिलं आहे. 

05/07/2025 21:37:14

भारताचा दुसरा डाव 6 बाद 427 धावांवर जाहीर

भारताचा कॅप्टन शुभमन गिल यानं दुसऱ्या डावात 161 धावा केल्या. तर, रिषभ पंत, केएल राहुल आणि रवींद्र जडेजा यांच्या अर्धशतकाच्या जोरावर भारतानं दुसऱ्या डावात 6 बाद 427 धावांवर संघ जाहीर केला. पहिल्या डावातील 180 धावांची आघाडी मिळून भारतानं इंग्लंडपुढं विजयासाठी 608 धावांचं आव्हान ठेवलं आहे. 

05/07/2025 21:22:30

शुभमन गिल 161 धावांवर बाद, भारत डाव कधी घोषित करणार याकडे लक्ष

शुभमन गिलनं पहिल्या डावात 269 धावा केल्या तर दुसऱ्या डावात 161 धावा केल्या आहेत. भारताकडे पहिल्या डावातील 180 धावांची आघाडी आणि दुसऱ्या डावातील 411 धावा मिळून 591 धावांची आघाडी आहे. भारत डाव कधी घोषित करणार याकडे सर्वांचं लक्ष लागलं आहे.

05/07/2025 21:09:19

शुभमन गिलच्या एकाच मॅचमध्ये 400 धावा, जागतिक कसोटी क्रिकेटमध्ये पाचवा खेळाडू ठरला

शुभमन गिलच्या एकाच मॅचमध्ये 400 धावा पूर्ण झाल्या आहेत. जागतिक कसोटी क्रिकेटमध्ये अशी कामगिरी करणारा पाचवा खेळाडू ठरला आहे.    

05/07/2025 20:42:21

शुभमन गिल आणि रवींद्र जडेजानं गिअर बदलला, भारताकडे 500 धावांची आघाडी

भारत आणि इंग्लंड यांच्यातील दुसऱ्या कसोटीच्या चौथ्या  दिवशी तिसऱ्या कसोटीत भारतानं 500 पेक्षा जास्त धावांची आघाडी मिळवली आहे. भारतानं 4 बाद 328 धावा केल्या आहेत. तिसऱ्या सत्रात शुभमन गिल आणि रवींद्र जडेजानं फटकेबाजी सुरु केली आहे. 

05/07/2025 20:10:59

Shubman Gill : शुभमन गिलचा धमाका, इंग्लंडविरुद्ध दमदार शतक

बर्मिंघम :  भारताचा कॅप्टन शुभमन गिल यानं इतिहास रचला आहे. शुभमन गिलनं पहिल्या डावात 269 धावा केल्या तर दुसऱ्या डावात शुभमन गिलनं शतक केलं आहे. शुभमन गिलनं कसोटी क्रिकेटमधील आठवं शतक केलं आहे. ला आहे.  

05/07/2025 18:49:28

रिषभ पंत 65 धावांवर बाद , भारताला 416 धावांची आघाडी

रिषभ पंत 65 धावांवर बाद झाला असून भारताला 416 धावांची आघाडी मिळाली आहे. 

05/07/2025 18:39:00

रिषभ पंतच्या 50 धावा पूर्ण, इंग्लंडच्या गोलंदाजांचा खरपूस समाचार

रिषभ पंतनं पहिल्या कसोटीप्रमाणं आक्रमक फलंदाजी सुरु केली आहे. रिषभ पंतनं 6 चौकार आणि 3 षटकार मारले आहेत. रिषभ पंतनं कसोटीमधील 16 वं अर्धशतक पूर्ण केलं आहे. याशिवाय भारताची आघाडी देखील 400 धावांच्या पुढं गेली आहे. 

05/07/2025 18:29:33

प्रिन्स शुभमन गिलचं आठवं अर्धशतकं, भारताच्या 200 धावा पूर्ण

लंचनंतर शुभमन गिलनं आक्रमक फलंदाजी सुरु केली. शुभमन गिलनं कसोटीमधील आठवं अर्धशतक पूर्ण केलं. गिल आता 51 धावांवर पोहोचला आहे. तर  भारताच्या 3 बाद 212 धावा झाल्या आहेत. तर, भारताची आघाडी 392 धावांवर पोहोचली आहे.  

05/07/2025 17:41:37

चौथ्या दिवसाचं पहिलं सत्र भारतानं गाजवलं, रिषभ पंतची फटकेबाजी सुरु

चौथ्या दिवसातील पहिलं संपलं आहे. या सत्रावर भारतानं वर्चस्व राखलं आहे. भारतानं पहिल्या सत्रात 2 विकेट गमावून 113 धावा केल्या आहेत. आता भारताकडे 357 धावांची आघाडी आहे. 

05/07/2025 17:11:59

रिषभ पंतचं मैदानावर पाऊल ठेवताच आक्रमक धोरण, इंग्लंडच्या गोलंदाजांसाठी चौकार अन् षटकारांची भाषा

रिषभ पंतनं 18 बॉलमध्ये 30 धावा केल्या आहेत. रिषभ पंतनं चार चौकार आणि 2 षटकार मारले आहेत. यामुळं भारताच्या धावांचा वेग वाढला आहे.

05/07/2025 16:51:48

भारताला तिसरा धक्का, केएल राहुल 55 धावा करुन बाद

भारताला तिसरा धक्का बसला असून केएल राहुल 55 धावा करुन बाद झाला. केएल राहुलला टंगनं बाद केलं.,  भारताकडे आता 306 धावांची आघाडी आहे.

05/07/2025 16:22:59

भारताला दुसरा धक्का करुण नायर 26 धावा करुन बाद

भारताला दुसरा धक्का बसला असून करुण नायर 26 धावा करुन बाद झाला आहे. त्यानंतर कर्णधार शुभमन गिल फलंदाजीसाठी मैदानावर आला आहे.

05/07/2025 15:39:49

भारताकडे 255 धावांची आघाडी, चौथ्या दिवसाचा खेळ सुरु

केएल राहुल आणि करुण नायर मैदानावर उतरले असून चौथ्या दिवशी भारतानं सावध सुरुवात केली आहे. भारताकडे आता 255 धावांची आघाडी आहे.

05/07/2025 15:25:53

सिराज आणि आकाशदीपनं इंग्लंडला रोखलं

मोहम्मद सिराज आणि आकाशदीपनं इंग्लंडला 407 धावांवर रोखलं. मोहम्मद सिराजनं 6 विकेट घेतल्या तर आकाशदीपनं 4 विकेट घेतल्या.  इंग्लंडकडून हॅरी ब्रुकनं 158 तर जेमी स्मिथनं 184 धावा केल्या. 

05/07/2025 15:19:49

भारताकडे 244 धावांची आघाडी

बर्मिंघममधील एजबेस्टन येथील दुसऱ्या कसोटीच्या चौथ्या दिवशी भारताचा डाव सुरु होईल. भारताकडे पहिल्या डावातील 180 धावांची आणि दुसऱ्या डावातील 64 अशी मिळून 244 धावांची आघाडी आहे.