IND Vs AUS 3rd Test Live Score Updates | विहारी-अश्विनची चिवट फलंदाजी, सिडनी कसोटी अनिर्णित

IND Vs AUS Sydney Test Live Score Updates : भारत आणि ऑस्ट्रेलिया संघ चार सामन्यांच्या मालिकेत 1-1 ने बरोबरीत आहेत. सिडनी कसोटीसाठी दोन्ही संघात प्रत्येकी दोन बदल करण्यात आहेत.

पार्श्वभूमी

IND Vs AUS Sydney Test Live Score Updates : सिडनी कसोटीचा दुसरा दिवस दोन्ही संघांसाठी चांगला ठरला असं म्हटलं तरी वावगं ठरणार नाही. दुसऱ्या दिवसाचा खेळ संपला तेव्हा भारताने दोन विकेट्सच्या मोबदल्यात 96 धावा केल्या आहे. पहिल्या डावात भारतीय संघ ऑस्ट्रेलियापासून अजूनही 242 धावांनी पिछाडीवर आहे. खेळ संपला त्यावेळी चेतेश्वर पुजारा 9 आणि अजिंक्य रहाणे 5 धावांवर खेळत आहेत.ऑस्ट्रेलियन गोलंदाजांना भारताच्या दोन्ही सलामीवीरांना माघाडी धाडण्यात यश आलं. खरंतर दोघांनी भारतीय संघाला चांगली सुरुवात करुन दिली होती. दोघांनी मिळून 70 धावांची भागीदारी रचली. त्यानंतर रोहित शर्मा 26 धावांवर असताना हेजलवूडने त्याला बाद केलं. हेजलवूड स्वत:च्या चेंडूवर रोहितचा झेल टिपला. तर दुसरीकडे शुभमन गिलने आपल्या कसोटी क्रिकेटमधील पहिलं अर्धशतक पूर्ण केलं. त्याने 100 चेंडूत 8 चौकारांच्या मदतीने 50 धावा पूर्ण केल्या. परंतु तो पॅट कमिन्सचा शिकार ठरला. कॅमरुन ग्रीनने त्याचा झेल घेतला. त्यावेळी भारताची धावसंख्या 2 बाद 85 अशी होती.रोहित शर्मा आणि शुभमन गिल बाद झाल्यानंतर भारताच्या धावसंख्येचा वेग मंदावला. दुसऱ्या दिवसाचा खेळ संपेपर्यंत पुजारा आणि अजिंक्य रहाणे या दोघांना 11 धावांचीच भर टाकता आली.दरम्यान ऑस्ट्रेलियाचा पहिला डाव 338 धावांवर आटोपला. या मालिकेत ऑस्ट्रेलियाने पहिल्यांदाच 300 धावांचा टप्पा पार केला. स्टीव स्मिथचा फॉर्म परत येणं ही ऑस्ट्रेलियासाठी दिलासादायक गोष्ट आहे. स्मिथच्या 131, लाबुशेनच्या 91 आणि पुकोवस्तीच्या 62 धावांच्या मदतीने ऑस्ट्रेलियाने पहिल्या डावात 338 धावा केल्या.तर भारतासाठी रवींद्र जडेजाने चार, जसप्रीत बुमरा आणि नवदीप सैनीने प्रत्येकी दोन तर मोहम्मद सिराजने एक विकेट घेतली. भारतीय संघ : रोहित शर्मा, शुभमन गिल, चेतेश्वर पुजारा, अजिंक्य रहाणे (कर्णधार), हनुमा विहारी, रिषभ पंत (यष्टीरक्षक), रविंद्र जडेजा, रविचंद्रन अश्विन, मोहम्मद सिराज, जसप्रीत बुमरा, नवदीप सैनी. आस्ट्रेलिया : डेव्हिड वॉर्नर, विल पुकोवस्की, मार्नस लाबुशेन, स्टीव स्मिथ, मॅथ्यू वेड, कॅमरुन ग्रीन, टिम पेन (कर्णधार आणि यष्टीरक्षक), नॅथन लिऑन, पॅट कमिन्स, मिशेल स्टार्क, जोश हेजलवूड.

11/01/2021 12:43:58

हनुमा विहारी आणि आर अश्विनच्या चिवट खेळीमुळे भारतीय संघाला ऑस्ट्रेलियाविरुद्धचा तिसरा कसोटी सामना अनिर्णित राखण्यात यश मिळवलं. आर अश्विनने 130 आणि हनुमा विहारीने 160 चेंडू खेळून काढले. त्यामुळे भारताने या सामन्यात पराभव टाळला. विशेष म्हणजे दुखापत होऊनही हनुमा विहारीने 160 चेंडू खेळला. हा सामना जिंकून मालिकेत आघाडी घेण्याच्या स्वप्नांवर विहारी आणि अश्विन यांनी विरजण टाकलं. परिणामी बॉर्डर-गावस्कर मालिकेत भारत आणि ऑस्ट्रेलिया संघ 1-1 असे बरोबरीत आहेत.

11/01/2021 09:47:19

सिडनी कसोटीच्या अखेरच्या दिवसाच्या चहापानाची वेळ झाली आहे. या सत्रात ऑस्ट्रेलियाने वर्चस्व गाजवलं. भारताने या सत्रात 74 धावा केल्या पण पंत-पुजारा हे महत्त्वाचे विकेट्स गमावले. चहापानापर्यंत भारताने 5 विकेट्सच्या मोबदल्यात 280 धावा केल्या होत्या. टीम इंडियाला विजयासाठी अजूनही 127 धावांची गरज आहे. हनुमा विहारी चार आणि अश्विन सात धावांवर खेळत आहेत.

11/01/2021 09:14:29

हेझलवुडने ऑस्ट्रेलियाला आजच्या दिवसातील सर्वात मोठा विकेट मिळवून दिला आहे. चेतेश्वर पुजारा 77 धावांवर बाद झाला आहे. टीम इंडियाने आपला पाचवा विकेट गमावला आहे. आता 44 ओव्हर्सचा खेळ बाकी आहे. ऑस्ट्रेलियाने पंत आणि पुजाराचा विकेट घेत सामन्यात वापसी केली आहे. टीम इंडियाला विजयासाठी आणखी 135 धावांची गरज आहे.

11/01/2021 06:20:37

रिषभ पंतने केवळ 64 चेंडूंमध्ये आपलं अर्धशतक पूर्ण केलं आहे. नॅथन लायनच्या षटकात पंतने सलग दोन षटकार लगावले. आपली 50 धावांची खेळी पंतने चार चौकार आणि तीन षटकारांनी सजवली. दुसरीकडे चेतेश्वर पुजारा तळ ठोकून आहे.

11/01/2021 07:13:24

पाचव्या दिवसाचं पहिल सत्र भारताच्या नावावर राहिलं. या सत्रात भारताने कर्णधार अजिंक्य रहाणेची विकेट गमावली असली तरी 108 धावाही केल्या. उपाहारापर्यंत भारताने तीन विकेट्सच्या मोबदल्यात 206 धावा केल्या आहेत. रिषभ पंत 73 धावा करुन खेळत आहे तर चेतेश्वर पुजाराने 41 धावा केल्या आहेत. दोघांनी 104 धावांची भागीदारी केली आहे.

11/01/2021 08:23:12

भारताला मोठा झटका बसला आहे. रिषभ पंत 97 धावांवर बाद झाला आहे. नॅथन लायनने पंतची विकेट घेतली.

11/01/2021 06:13:45

सिडनी कसोटीच्या पाचव्या आणि अखेरच्या दिवसाच्या सुरुवातीलाच भारतीय संघाला मोठा झटका बसला. कर्णधार अजिंक्य रहाणे शेवटच्या दिवसाच्या पहिल्या सत्रातील दुसऱ्या षटकातच बाद झालं. नॅथन लायनच्या गोलंदाजीवर वेडकडे झेल सोपवून रहाणे पॅव्हेलियनमध्ये परतला. त्यानंतर चेतेश्वर पुजाराची साथ देण्यासाठी रिषभ पंत मैदानात आला आहे. पुजारा आणि पंत यांनी भारताचा डाव सावरला आहे. परंतु भारतासमोरील आव्हान सध्यातरी कठीण दिसत आहे.

10/01/2021 13:04:40

तिसऱ्या कसोटीच्या चौथ्या दिवसाचा खेळ संपला असून भारताने दोन विकेट्सच्या बदल्यात 98 धावा केल्या आहेत. भारताला विजयासाठी अजूनही 309 धावांची गरज आहे. टीम इंडियाकडून रोहित शर्माने 52 धावा केल्या आहेत तर शुभमन गिलने 31 धावा केल्या आहेत. पुजारा 9 धावा तर अजिंक्य रहाणे 4 धावांवर खेळत आहेत. भारताने आपल्या पहिल्या डावात 244 धावा केल्या आहेत. पाचव्या आणि शेवटच्या दिवसाचा खेळ उद्या भारतीय प्रमाणवेळेनुसार पहाटे 4.30 वाजता सुरु होणार आहे.

10/01/2021 12:31:09

रोहित शर्माला बाद करुन कमिन्सने ऑस्ट्रेलियाला मोठं यश मिळवून दिलंय. अर्धशतक पूर्ण झाल्यानंतर कमिन्सच्या एका चेंडूवर षटकार मारायच्या प्रयत्नात रोहित शर्मा बाद झाला. टीम इंडियाची धावसंख्या दोन विकेट्सच्या बदल्यात 92 इतकी आहे. पुजारा आणि अजिंक्य रहाणे मैदानात आहेत.

10/01/2021 11:54:01

शुभमन गिलच्या रुपात टीम इंडियाला पहिला झटका बसला आहे. हेजलवूडने त्याला 31 धावांवर बाद केलं. बाद केलं. टीम इंडियाची धावसंख्या एक विकेटच्या नुकसानीत 71 इतकी झाली आहे. रोहित शर्मा 39 धावांवर खेळत आहे.

10/01/2021 11:05:20

दुसऱ्या डावात टीम इंडियाच्या 11 षटकात 29 धावा झाल्या आहेत. रोहित शर्मा 16 तर शुभमन गिल 13 धावांवर खेळत आहेत. या दोघांनीही भारतीय डावाची सुरुवात सावधपणे केली आहे.

10/01/2021 10:03:27

चौथ्या दिवसाच्या दुसऱ्या सेशनपर्यंत ऑस्ट्रेलियाने 6 विकेट्सच्या बदल्यात 312 धावांची मजल मारली आहे आणि 406 धावांची आघाडी घेतली. ऑस्ट्रेलियाने आपला डाव घोषित केला असून टीम इंडियासमोर विजयासाठी 407 धावांचं आव्हान ठेवलं आहे. टी सेशन नंतर रोहित शर्मा आणि शुभमन गिल भारतीय डावाची सुरुवात करतील.

10/01/2021 09:50:11

ग्रीन 84 धावांवर बाद झाला आहे. ऑस्ट्रेलियाची धावसंख्या आता सहा विकेट्च्या बदल्यात 312 इतकी झाली आहे. ग्रीनच्या धडाकेबाज खेळीमुळे ऑस्ट्रेलियाला 400 धावांची आघाडी मिळाली आहे. पेन 39 धावांवर खेळत आहे. या सेशनमध्ये ऑस्ट्रेलियाच्या फलंदाजांनी वर्चस्व गाजवल्याचं दिसून येतंय.

10/01/2021 08:59:35

या सामन्यात आतापर्यंत टीम इंडियाची फिल्डिंग अत्यंत खराब राहिली आहे. रोहित शर्माने या डावात पेनला जीवनदान दिलं आहे. जसप्रीत बुमराहच्या चेंडूवर सकाळी विहारीने लाबुशेनचा कॅच सोडला. ऑस्ट्रेलियाने आतापर्यंत पाच विकेट्स गमावत 264 धावा केल्या आहेत.

10/01/2021 08:57:23

ऑस्ट्रेलियाचा स्कोअर 205 धावांच्या पार गेला आहे. तसेच ऑस्ट्रेलियाकडे एकूण 350 धावांची आघाडी आहे. ऑस्ट्रेलियाने गेल्या काही ओव्हर्समध्ये वेगाने धावा काढण्याचा प्रयत्न केला आहे. पेनने 35 धावांवर नाबाद 29 धावा केल्या आहेत. तर ग्रीन 44 धावांवर पोहोचला आहे. ग्रीनकडे टेस्ट करिअरमधील पहिलं अर्धशतक करण्याची संधी आहे.

10/01/2021 08:48:13

अश्विनने स्टीव्ह स्मिथ 81 धावांवर बाद केलं आहे. ऑस्ट्रेलियाचा स्कोअर 208 वर पाच विकेट असा आहे. ऑस्ट्रेलियाकडे 302 धावांची आघाडी आहे. ग्रीन 23 धावांवर खेळत आहे.

10/01/2021 07:41:43

चौथ्या दिवसाचा लंच टाईम झाला आहे. या सेशनमध्ये टीम इंडियाने सामन्यामध्ये वापसी करण्यासाठी चांगली खेळी करण्याचा प्रयत्न केला. परंतु, ऑस्ट्रेलियाची पकड मजबूत असल्याचं पाहायला मिळालं. ऑस्ट्रेलियाने या सेशनमध्ये दोन विकेट गमावत 79 धावा केल्या आहेत. लंच सेशन झाल्यानंतर ऑस्ट्रेलियाचा स्कोअर चार विकेट्ल गमावत 182 धावांवर आहे. स्मिथ 58 धावांवर खेळत आहे. तर ग्रीनने 20 धावा केल्या आहेत. या सेशनमध्ये नवदीप सैनीने लाबुशेन आणि वेडला माघारी धाडलं. ऑस्ट्रेलियाजवळ एकूण 276 धावांची आघाडी आहे.

10/01/2021 07:34:04

दुसऱ्या डावात ऑस्ट्रेलियाचा स्कोअर 150 पार पोहोचला आहे. ऑस्ट्रेलियाची टीम चार विकेट्स गमावत 157 धावांवर पोहोचली आहे. ऑस्ट्रेलियाजवळप पहिल्या डावात 94 धावांची आघाडी आहे. स्मिथ 48 धावांवर खेळत आहे.

10/01/2021 07:22:09

टीम इंडियाला आणखी एक यश मिळालं आहे. मॅथ्यू वेड केवळ चार धावांवर बाद झाला असून तो माघारी परतला आहे. सैनीने वेडचा विकेट घेतला. ऑस्ट्रेलियाचा स्कोअर चार विकेट्स गमावत 148 धावांवर आहे. तर ऑस्ट्रेलियाकडे एकूण 242 धावांची आघाडी आहे. स्मिथ 44 धावांवर खेळत आहे.

10/01/2021 07:16:28

सिराजऐवजी नवदीप सैनीकडे गोलंदाजी सोपवण्यात आली आहे. सैनी आपला डेब्यू सामना खेळत आहे. आतापर्यंतच्या सामन्यात सैनी सर्वात महाग गोलंदाज ठरला आहे. ऑस्ट्रेलियाने दोन विकेट्स गमावत 127 धावा केल्या आहेत. लाबुशेन 64 धावा करत फलंदाजी करत आहे. तर स्मिथने 36 धावा केल्या आहेत.

10/01/2021 07:13:12

लाबुशेन चांगल्या फॉर्मात दिसत आहे. गेल्या दोन ओव्हर्समध्ये सिराज आणि अश्विन दोघांच्या गोलंदाजीवर त्याने अटॅक करण्याचा प्रयत्न केला आणि बाउंड्री स्कोअर केला आहे. लाबुशेन 63 धावांवर पोहोचला आहे. तर स्मिथ 36 धावांवर फलंदाजी करत आहे. ऑस्ट्रेलियाचा स्कोअर 220 धावांवर पोहोचला आहे.

10/01/2021 07:11:21

गोलंदाजीमध्ये पहिला बदल झाला आहे. बुमराह ऐवजी अश्विनकडे गोलंदाजीची जबाबदारी सोपवण्यात आली आहे. अश्विनच्या ओव्हरमधून तीन धावा आल्या आहेत. ऑस्ट्रेलियाचा स्कोअर 2 विकेट्स गमावत 117 धावा आहे. लाबुशेन 57 आणि स्मिथ 33 धावांवर खेळत आहे.

10/01/2021 07:09:26

टीम इंडियाच्या वतीनं आतापर्यंत बुमराह-सिराजची जोडी गोलंदाजी करत आहे. बुमराहच्या पहिल्याच चेंडूवर लाबुशेनला जीवनदान मिळलं आहे. परंतु, याव्यतिरिक्त दोन्ही फलंदाज तणावात खेळत असल्याचं दिसत आहे. ऑस्ट्रेलियाचा स्कोअर दोन विकेट गमावत 109 धावा एवढा आहे. स्मिथ 31 धावांवर खेळत आहे. ऑस्ट्रेलियाचा एकूण स्कोअर 200 धावांच्या पार गेला आहे.

10/01/2021 07:07:24

लाबुशेनने दुसऱ्या डावात आपलं अर्धशतक पूर्ण केलं आहे. 48 स्कोअरवर लाबुशेनला बुमराहने टाकलेल्या चेंडूवर जीवनदान मिळलं होतं. परंतु, पहिल्या डावात 91 धावांवर खेळणाऱ्या लाबुशेन आतापर्यंत चांगल्या फॉर्मात दिसून आला. लाबुशेन या सीरिजमध्ये सर्वाधिक धावा करणारा फलंदाज आहे. ऑस्ट्रेलियाचा स्कोअर दोन विकेट गमावत 108 धावा एवढा आहे. स्मिथ 31 धावांवर खेळत आहे.

09/01/2021 10:03:35

सिडनी कसोटीत भारताचा पहिला डाव 244 धावांवर आटोपला. मोहम्मद सिराजच्या रुपात भारताची अखेरची विकेट गेली. यामुळे पहिल्या डावात ऑस्ट्रेलियाला 94 धावांची महत्त्वपूर्ण आघाडी मिळाली आहे. पॅट कमिन्सला चार विकेट्स घेण्यात यश आलं आहे. लंचनंतर भारतीय फलंदाजांनी अतिशय निराशाजनक कामगिरी केली. ऑस्ट्रेलियाने 64 धावांच्या मोबदल्यात भारताच्या सहा फलंदाजांना माघारी पाठवलं. रवींद्र जडेजा 28 धावांवर नाबाद राहिला. भारताकडून शुभमन गिल आणि चेतेश्वर पुजारा या दोघांनाच अर्धशतकी खेळी करता आली. या दोघांव्यतिरिक्त कोणत्याही फलंदाजाला मोठी धावसंख्या उभारता आली नाही. महत्त्वाचं म्हणजे भारताने आपल्या तीन विकेट्स हा रनआऊटमध्ये गामावले आणि याची भारतीय संघाला मोठी किंमत चुकवावी लागू शकते.

09/01/2021 14:46:05

ऑस्ट्रेलियाने सिडनी कसोटीच्या तिसऱ्या दिवसाचा खेळ संपेपर्यंत आपल्या दुसऱ्या डावात दोन विकेट्सच्या मोबदल्यात 103 धावा केल्या आहे. यासह ऑस्ट्रेलियाने भारतावर 197 धावांची आघाडी मिळवली आहे. ऑस्ट्रेलियाने पहिल्या डावात 338 धावा केल्या होत्या. तर यजमानांनी भारताचा पहिला डाव 244 धावांवर गुंडाळला आणि 94 धावांची आघाडी घेऊन दुसऱ्या डावाची सुरुवात केली होती.

तिसऱ्या दिवसाचा खेळ संपला त्यावेळी स्टीव्ह स्मिथ 29 आणि मार्नस लाबुशेन 47 धावांवर खेळत होता. ऑस्ट्रेलियाने डेव्हिड वॉर्नर (13 धावा) आणि विल पुकोवस्की (10 धावा) यांच्या विकेट्स गमावल्या. भारतासाठी मोहम्मद सिराज और रविचंद्रन अश्विनने प्रत्येकी एक विकेट घेतली.

09/01/2021 08:45:32

ऑस्ट्रेलियन गोलंदाजांनी नव्या चेंडूद्वारे कमाल केली. रिषभ पंतपाठोपाठ चेतेश्वर पुजाराही माघारी परतला आहे. रिषभ पंत 36 धावा करुन बाद झाला. हेजलवूडने त्याला पॅव्हेलियनमध्ये परत पाठवलं. तर कमिन्सने उत्तम गोलंदाजी करत पुजाराला टिम पेनकरवी झेलबाद केलं. पुजाराने अर्धशतकी खेळी केली.

09/01/2021 07:30:35

तिसऱ्या दिवशी उपाहारासाठी खेळ थांबला. हे सत्र दोन्ही संघांसाठी चांगलं ठरलं असं म्हणता येईल. भारतीय संघाने या सत्रात 84 धावा केल्या. तर ऑस्ट्रेलियाला अजिंक्य रहाणेची महत्त्वाची विकेट घेण्यात यश आहे. हेजलवूड जबरदस्त चपळाई दाखवत हनुमा विहारीला रनआऊट करुन आणखी एक यश मिळवलं परंतु या संपूर्ण सत्रात चेतेश्वर पुजारा मजबुतीने उभा राहिला. उपाहाराला खेळ थांबला त्यावेळी भारतीय संघाने चार विकेट्सच्या मोबदल्यात 180 धावा केल्या होता. पुजारा 42 आणि रिषभ पंत 29 धावांवर खेळत आहे.

09/01/2021 06:56:31

सिडनी कसोटीच्या तिसऱ्या दिवसाच्या पहिल्या सत्रात भारतीय संघाने दोन फलंदाज गमावले. टीम इंडियाचा कर्णधार अजिंक्य रहाणे 22 धावा करुन माघारी परतला. पॅट कमिन्सने त्याला क्लीन बोल्ड केलं. तर त्यानंतर आलेल्या हनुमा विहारीलाही फारशी कमाल करता आली नाही. जोश हेजलवूडने त्याला धावचीत केलं. त्याने केवळ चारच धावा केल्या. सध्या चेतेश्वर पुजारा आणि रिषभ पंत मैदानात आहेत. दोघांनी मिळून आतापर्यंत 35 धावांची भागीदारी रचली आहे. दरम्यान ऑस्ट्रेलियाचा पहिला डाव 338 धावांवर आटोपला होता. भारतीय संघ अजूनही 150 जास्त धावांनी पिछाडीवर आहे.

08/01/2021 13:32:55

सिडनी टेस्टचा दुसरा दिवस दोन्ही संघांसाठी चांगला गेला. दुसऱ्या दिवसा अखेरीस भारताने दोन गडी गमावून 96 धावा केल्या. अजूनही ऑस्ट्रेलियाची भारतावर 242 धावांची आघाडी आहे. दुसऱ्या दिवसाच्या शेवटी पुजारा 9 धावा तर रहाणे 5 धावांवर खेळत आहेत. ऑस्ट्रेलियाला भारताच्या दोन्ही ओपनर्सना तंबूत धाडण्यास यश आलं आहे. स्टीव्ह स्मिथचा फॉर्म परत आल्याने ऑस्ट्रेलियासाठी ती बाब दिलासादायक आहे. तिसऱ्या दिवशीचा खेळ भारतीय प्रमाणवेळेनुसार पहाटे 4.30 ला सुरु होणार आहे.

08/01/2021 12:41:51

शुभमन गिल आणि रोहित शर्मा बाद झाल्यानंतर टीम इंडियाच्या धावांची गती मंदावली असून चार ओव्हरमध्ये केवळ एक धाव निघाली आहे. भारताची धावसंख्या ही दोन विकेट्सच्या नुकसानीनंतर 86 इतकी आहे. पुजारा तीन धावांवर तर कर्णधार अजिंक्य रहाणे एका धावेवर खेळत आहे.

08/01/2021 12:22:04

टीम इंडियाला आणखी एक धक्का. रोहित शर्मा पाठोपाठ शुभमन गिल 50 धावांवर बाद. कमिंसने घेतला शुभमन गिलचा विकेट. चांगल्या सुरुवातीनंतरही टीम इंडियाचे दोन्ही ओपनर पवेलियनमध्ये परतले. टीम इंडियाचा स्कोअर दोन विकेट्स गमावत 85 धावा.

08/01/2021 12:03:19

टीम इंडियाला पहिला धक्का. रोहित शर्मा 26 धावांवर आऊट झाला आहे. टीम इंडियाची सुरुवात चांगली झाली आहे. सध्या टीम इंडियाचा स्कोअर 70 धावांलर एक विकेट असा आहे. शुभमन गिल 38 धावांवर खेळत आहे. रोहित आऊट झाल्यानंतर पुजारा खेळण्यासाठी मैदानावर उतरला आहे.

08/01/2021 12:02:40

भारताने एक विकेटच्या बदल्यात 70 धावा केल्या आहेत. शुभमन गिल 38 धावांवर खेळत आहे तर त्याला साथ देण्यासाठी पुजारा मैदानात आला आहे.

08/01/2021 11:58:37

IND Vs AUS Sydney Test Live Score Updates: रोहित शर्मा आणि शुभमन गिल यांनी टीम इंडियाची सुरुवात चांगली केली होती. परंतु ऑस्ट्रेलियाला रोहित शर्माचा अडथळा दूर करण्यात यश आलंय. रोहित शर्मा 26 धावांवर बाद झाल्याने टीम इंडियाला पहिला झटका बसलाय

08/01/2021 11:17:59

टीम इंडियाने 50 धावा पूर्ण केल्या आहेत. शुभमन गिलने 27 धावा केल्या आहेत. तर रोहित शर्माने 22 धावा केल्या आहेत. रोहित शर्मा उत्तम खेळी करत असून लिएनवर निशाणा साधत आहे. रोहित शर्माने ऑस्ट्रेलियाच्या मैदानात आपल्या नावे एक रेकॉर्ड केला आहे. त्याने ऑस्ट्रेलियाच्या मैदानात आपले 100 षटकार पूर्ण केले आहेत. असं करणारा रोहित पहिलाच फलंदाज ठरला आहे.

08/01/2021 11:15:08

टीम इंडियाला रोहित शर्मा आणि शुभमन गिलने चांगली सुरुवात करुन दिली आहे. 15 ओव्हर्सनंतर टीम इंडियाने एकही विकेट न गमावता 34 धावा केल्या आहेत. शुभमन गिलने 22 धावा केल्या आहेत. तर रोहित शर्माने 11 धावा केल्या आहेत.

08/01/2021 09:00:18

सिडनी कसोटीत ऑस्ट्रेलियाची धावसंख्या 300 च्या पार गेली आहे. या मालिकेत ऑस्ट्रेलियाने पहिल्यांदाच 300 धावांचा टप्पा ओलांडला आहे. स्मिथचं शतक, लाबुशेन आणि पुकोवस्की यांच्या दमदार खेळीमुळे ऑस्ट्रेलिसा सध्या मजबूत स्थितीत आहे. भारताने ऑस्ट्रेलियाच्या आठ फलंदाजांना माघारी पाठवलं आहे. सध्या स्मिथ आणि लायन मैदानात आहेत. दरम्यान आजचं शतक स्मिथसाठी दिलासा देणारं आहे. अॅशेज मालिकेनंतर स्मिथ आऊट ऑफ फॉर्म होता. परंतु आता त्याने शानदार कमबॅक केलं आहे.

08/01/2021 09:29:59

सिडनी कसोटीत ऑस्ट्रेलियाचा पहिला डाव 338 धावांवर आटोपला. स्टीव्ह स्मिथचं दमदार शतक, लाबुशेनची 91 तर पुकोवस्कीची 62 धावांची खेळी यामुळे ऑस्ट्रेलियाला 338 धावांची मजल मारता आली. स्टीव्ह स्मिथ धावबाद झाला. रवींद्र जडेजाने त्याला रनआऊट केलं. भारताकडून रवींद्र जडेजाने ४, नवदीप सैनी आणि जसप्रीत बुमराने प्रत्येकी दोन तर मोहम्मद सिराजने एक विकेट घेतली.

08/01/2021 07:27:52

सिडनी कसोटीच्या दुसऱ्या दिवसाच्या पहिल्या सत्रात ऑस्ट्रेलियाने 249 धावांची मजल मारली. उपाहारासाठी खेळ थांबला, त्यावेळी ऑस्ट्रेलियाच्या पाच बाद 249 धावा झाल्या होता. कॅमरुन ग्रीनना भोपळाही फोडता आला नाही. दरम्यान स्टीव्ह स्मिथ सांभाळून फलंदाजी करत असून तो 76 धावांवर नाबाद आहे. तर दुसरी कर्णधार टिम पेन मैदानात उतरला आहे. दुसऱ्या दिवसाच्या पहिल्या सत्रात भारतीय गोलंदाजांनी तीन ऑस्ट्रेलियाच्या फलंदाजांना माघारी धाडलं. आज रवींद्र जडेजाने दोन तर जसप्रीत बुमराने एक विकेट घेतली.

08/01/2021 06:31:28

ऑस्ट्रेलियाची चौथी विकेट, मॅथ्यू वेड बाद, रवींद्र जडेजाने विकेट घेतली, ऑस्ट्रेलिया 4 बाद 232 धावा

08/01/2021 06:29:02

दरम्यान खेळाला पुन्हा सुरुवात झाली असून ऑस्ट्रेलियाने 76 षटकात 3 बाद 230 धावांपर्यंत मजल मारली आहे. स्टीव्ह स्मिथ आणि मॅथ्यू वेड मैदानात तळ ठोकून आहेत.

08/01/2021 06:23:37

सिडनी कसोटीच्या दुसऱ्या दिवसाच्या पहिल्या सत्रा पावसामुळे दोन वेळा खेळ थांबवण्याची वेळ आली. दरम्यान लाबुशेन आणि स्मिथने दमदार फलंदाजी करत ऑस्ट्रेलियाची धावसंख्या 200 च्या पार नेली. लाबुशेनचं शतक थोडक्यात हुकलं. तो नर्वस 90 चा बळी ठरला. जडेजाच्या गोलंदाजीवर अजिंक्य रहाणेकडे झेल देत लाबुशेन 91 धावा करुन पॅव्हेलियनमध्ये परतला आहे. तर दुसरीकडे स्टीव्ह स्मिथने आपलं अर्धशतक पूर्ण केलं आहे. भारताविरुद्ध या मालिकेतील त्याचं पहिलंच अर्धशतक आहे. तर कसोटी कारकीर्दीतील त्याचं हे तिसावं अर्धशतक ठरलं. यानंतर पावसामुळे पुन्हा खेळ थांबवण्यात आला, तोपर्यंत ऑस्ट्रेलियाने 3 बाद 213 धावा केल्या होत्या.

07/01/2021 12:23:03

जम बसवलेल्या पुकोवस्की आणि लाबुशेन यांची जोडी नवदीप सैनीने फोडली. कसोटीत पदार्पण करणाऱ्या नवदीप सैनीने पुकोवस्कीला (62 धावा) माघारी धाडलं. विशेष म्हणजे पुकोवस्कीनेही याच सामन्यातून पदार्पण केलं आहे.

07/01/2021 14:38:05

भारत आणि ऑस्ट्रेलिया यांच्यात सिडनी क्रिकेट ग्राऊंडवर सुरु असलेल्या तिसऱ्या कसोटीचा पहिला दिवस सुरुवातीला पाऊस मग यजमान ऑस्ट्रेलियाने गाजवला. पहिल्या दिवसाचा खेळ संपला त्यावेळी ऑस्ट्रेलियाने दोन विकेट्सच्या मोबदल्यात 166 धावा केल्या होत्या. मार्नस लाबुशेन नाबाद 67 आणि स्टीव स्मिथ नाबाद 31 धावांवर खेळत आहेत. दरम्यान पावसामुळे पहिल्या दिवशी फक्त 55 षटकांचाच खेळ झाला. भारतासाठी नवदीप सैनी आणि मोहम्मद सिराज यांनी प्रत्येकी एक विकेट घेतली.

07/01/2021 11:26:35

सिडनी कसोटीच्या पहिल्या दिवशी चहापानासाठी खेळ थांबला. ऑस्ट्रेलियाने चहापानापर्यंत एक विकेटच्या मोबदल्यात 93 धावा केल्या आहे. पदार्पणाच्या कसोटी सामन्यात पुकोवस्कीने दमदार अर्धशतक ठोकलं. तो 54 धावांवर खेळत आहे. तर लाबुशेनने 34 धावा केल्या आहे. या सत्रात ऑस्ट्रेलियाने एकही विकेट गमावलेली नाही. दोन्ही खेळाडूंनी 87 धावांची भागीदारी रचली आहे. पाऊस थांबल्यानंतर खेळ पुन्हा सुरु झाला, मात्र भारतीय गोलंदाजांना फारशी कमाल करता आली नाही.

07/01/2021 10:49:53

पहिलं सत्र पावसाने धुवून काढल्यानंतर सिडनीमध्ये खेळाला पुन्हा एकदा सुरुवात झाली आहे. सध्या पुकोवस्कीने लाबुशेनच्या साथीने ऑस्ट्रेलियाचा डाव सांभाळला आहे. दोघांनी मिळून अर्धशतकी भागीदारी रचली आहे.

07/01/2021 08:22:12

सिडनीमध्ये पावसाचा जोर कायम आहे. पंचांनी मैदानाची पाहणी केली. मैदानावर हेवी कव्हर टाकले आहेत. खेळ कधी सुरु होणार याबाबत अजूनही स्पष्टता नाही. परंतु आजच्या दिवसाच्या खेळाची षटाकं कमी केली जाण्याची शक्यता आहे.

07/01/2021 07:01:19

पाऊस सुरुच असल्याने पंचांनी लंच ब्रेक घेतला. पाऊस थांबल्यास स्थानिक वेळेनुसार दुपारी एक वाजता खेळ पुन्हा सुरु होणार.

07/01/2021 06:45:54

सिडनीत पावसाचा जोर वाढला आहे. खेळ पुन्हा सुरु होण्याची शक्यता सध्यातरी धूसर दिसत आहे. पंच लवकरच लंच ब्रेक घेऊ शकतात. मात्र अद्याप अधिकृत माहितीची वाट पाहावी लागणा आहे.

07/01/2021 06:43:17

पावसामुळे खेळ थांबून एक तास झाला आहे. खेळ पुन्हा कधी सुरु होईल याबाबत कोणतीही माहिती समोर आलेली नाही. जर आणखी काही वेळ खेळ सुरु झाला नाही तर पंच लवकरच उपाहाराचा निर्णय घेऊ शकतात.