IND vs SA, 3rd ODI, Weather Report : भारत विरुद्ध दक्षिण आफ्रिका (India vs South Africa) यांच्यात तिसरा एकदिवसीय सामना दिल्लीच्या अरुण जेटली क्रिकेट स्टेडियम (Arun Jaitley Cricket Stadium) येथे खेळवला जाणार आहे. तीन एकदिवसीय सामन्यांच्या मालिकेतील हा तिसरा सामना असून पहिला सामना दक्षिण आफ्रिकेने तर दुसरा सामना भारताने जिंकत मालिका 1-1 अशी झाली आहे. त्यामुळे आजचा सामना जिकणारा संघ मालिकाही जिंकणार आहे. त्यामुळे दोन्ही संघासाठी आणि मालिकेचा विजेता संघ ठरवण्यासाठी आजचा सामना अत्यंत महत्त्वाचा आहे. अशामध्ये आजच्या सामन्यात पावासाने व्यत्यय आणल्यास सामना संपूर्ण ओव्हर्सचा होणार नाही, त्यामुळे सामन्यापूर्वी आजचं सामना होणाऱ्या ठिकाणचं वातावरण कसं आहे ते पाहूया...
सध्या पावसामुळे दिल्लीत परिस्थिती खराब आहे. मागील काही दिवसांपासून दिल्लीच्या आसपासच्या भागात सतत पाऊस पडत आहे. त्यामुळेच तिसऱ्या वनडे सामन्यावर पावसाचा धोका निर्माण झाला आहे. पावसामुळे या महत्त्वाच्या सामन्यात व्यत्यय येऊ शकतो. या सामन्यात पाऊस येणार का याबद्दल अद्याप स्पष्टपणे काहीही सांगता येणार नाही. दरम्यान हवामान विभागाकडून मिळालेल्या माहितीनुसार दिल्लीत सामन्याच्या दिवशी म्हणजेच 10 ऑक्टोबरपर्यंत सकाळी 10 वाजेपर्यंत पाऊस पडण्याची शक्यता आहे. आता अशा स्थितीत सामन्यातही पावसाचा व्यत्यय येईल का? हे सामना सुरु झाल्यावरच कळेल. पावसाच्या व्यत्ययामुळे सामना झाला नाही तर मालिका 1-1 अशा बरोबरीत अनिर्णीत सुटू शकते.
कधी, कुठे पाहू शकता सामना?
भारत विरुद्ध दक्षिण आफ्रिका तिसरा एकदिवसीय सामना (India vs South africa 3rd ODI) भारतीय वेळेनुसार दुपारी 1.30 वाजता खेळवला जाणार आहे. सामना दिल्लीच्या अरुण जेटली क्रिकेट स्टेडियम येथे खेळवला जाणार आहे. या सामन्याचं लाईव्ह टेलिकास्ट स्टार स्पोर्ट्स नेटवर्कच्या विविध चॅनलवर होईल. तसेच डिज्नी+ हॉटस्टार अॅपद्वारे या सामन्याचं लाईव्ह स्ट्रिमिंग पाहता येऊ शकतं. याशिवाय https://marathi.abplive.com//amp येथेही तुम्हाला सामन्याचे अपडेट्स पाहता येतील.
कशी असू शकते दक्षिण आफ्रिकेविरुद्धच्या एकदिवसीय मालिकेसाठी टीम इंडिया?
शिखर धवन (कर्णधार), श्रेयस अय्यर (उपकर्णधार), ऋतुराज गायकवाड, शुभमन गिल, ईशान किशन (यष्टीरक्षक), संजू सॅमसन (यष्टीरक्षक), शाहबाज अहमद, शार्दुल ठाकूर, कुलदीप यादव, रवी बिश्नोई, वॉशिंग्टन सुंदर.
हे देखील वाचा-