Kapil Dev on Majha Katta : सध्या बॉक्स ऑफिसवर एकच चर्चा आहे ती म्हणजे,  '83' ची. या ऐतिहासिक विजयाची गोष्टी आपण याआधीही अनेकदा ऐकल्यात आणि पाहिल्यातही. पण मोठ्या पडद्यावर या विजयाचा थरार पाहण्याचा रोमांच काही औरच. क्रिकेटवेड्या आपल्या देशासाठी 1983 चा तो क्षण सुवर्णक्षणच. हाच क्षण इतिहासात सुवर्णक्षरांनी लिहिणारे आणि हा इतिहास घडवणारे भारतीय संघाचे माजी कर्णधार कपिल देव यांनी एबीपीच्या 'माझा कट्टा' या विशेष कार्यक्रमात विश्वचषकाचा तो थरार, त्या आठवणी पुन्हा एकदा ताज्या केल्या आहेत. यावेळी देशाचा ऐतिहासिक विजयाचा मोठ्या पडद्यापर्यंतचा प्रवासही उलगडून सांगितला. एवढंच नाहीतर कपिल देव यांनी आपल्या भावनाही व्यक्त केल्या आहेत.


मोठ्या पडद्यावर गोष्ट उलगडताना पाहुन खरंच खूप आनंद होत असल्याचं देव यांनी सांगितलं. तसेच मोठ्या पडद्यावर तुमची प्रेमकहानी कुठेतरी मिसिंग वाटतेय, असं विचारताच. क्षणाचाही विलंब न लावता, देव म्हणाले, "तुम्ही थोडा वेगळा विचार करताय. संपूर्ण चित्रपटात माझी लव्ह स्टोरी सर्वात जास्त आहे. माझी लव्हस्टोरी क्रिकेट आहे. तुम्ही थोडा वेगळा विचार करताय." याव्यतिरिक्त कपिल देव यांनी बोलताना विश्वचषक आणि त्यावेळच्या अनेक आठवणी सांगितल्या. ते क्रिकेट फक्त खेळले नाहीतर तर क्रिकेट जगले, असंही देव यांनी बोलताना सांगितले.


1983 चा विश्वचषक विजय म्हणजे भारतीय क्रिकेटमधील सुवर्णक्षण म्हटलं तर अतिशयोक्ती नक्कीच होणार नाही. या विजयाने भारतीय क्रिकेटचा चेहरा-मोहराच जणू बदलला. अंडरडॉग समजल्या जाणाऱ्या भारतीय संघाने बलाढ्य वेस्ट इंडिजला नमवून इतिहास रचला. या विजयाच्या आठवणी आजही भारतीयांच्या मनात ताज्या आहेत. दरम्यान या ऐतिहासिक विजयाचे शिल्पकार आणि भारताचे तत्कालीन कर्णधार कपिल देव यांनी एबीपीच्या माझा कट्टा या विशेष कार्यक्रमात विश्वचषकाच्या अनेक आठवणींना उजाळा दिला. 1983 विश्वचषकाच्या सुरुवातीपासून भारतीय संघाने एक वेगळी चमकदार कामगिरी करण्यास सुरुवात केली होती. पहिल्याच सामन्यात वेस्ट इंडिजला मात देत आत्मविश्वास कमालीचा वाढलेल्या भारतीय संघाने नंतर सलग दोन सामने गमावूनही पुनरागमन करत विश्वचषक जिंकला. यावेळी कर्णधार कपिल यांनी उल्लेखणीय कामगिरी केली.


दरम्यान, 1983 च्या विश्वचषक विजयावरील सिनेमा '83'  नुकताच प्रदर्शित झाला. ज्यानंतर 1983 च्या त्या ऐतिहासिक विजयाचा आनंद आणि आठवणी भारतभर पसरु लागल्या. याच निमित्ताने या ऐतिहासिक विजयाचे शिल्पकार आणि भारताचे तत्कालीन कर्णधार कपिल देव यांनी एबीपीच्या माझा कट्टा या विशेष कार्यक्रमात विश्वचषकाच्या आठवणींना उजाळा दिला. याचवेळी त्यांनी काही आठवणीतले किस्से शेअर केले. हे सारे किस्से कपिल देव यांच्यासोबतच्या माझा कट्टामध्ये तुम्ही पाहू शकता. 


महत्त्वाच्या बातम्या: