Ind vs Eng : आकाशदीपचे इंग्लंडला सलग दोन धक्के, डकेट आणि पोप तंबूत परतले

England vs India Test Day 2 : शतकवीर कर्णधार शुभमन गिलच्या द्विशतकाच्या जोरावर भारतानं पहिल्या डावात 587 धावा केल्या आहेत.

पार्श्वभूमी

England vs India Test Day 2 : इंग्लंडविरुद्धच्या दुसऱ्या कसोटीच्या दुसऱ्या दिवशी टीम इंडिया कुठवर मजल मारणार याकडे सर्वांचं लक्ष होतं. अँडरसन-तेंडुलकर ट्रॉफीच्या दुसऱ्या दिवशी भारताने  5 बाद 310 धावांवरुन सुरुवात केली.   कर्णधार शुभमन गिल 269 आणि रवींद्र जडेजा 89 धावा केल्या आहेत.   दोघांनी सहाव्या विकेटसाठी 203 धावांची भागीदारी केली आहे.  शुभमन गिलनं रवींद्र जडेजा बाद झाल्यानंतर वॉशिंग्टन सुंदर सोबत भागीदारी केली. वॉशिंग्टन सुंदरनं 42 धावा केल्या. 

03/07/2025 21:52:22

आकाशदीपचे इंग्लंडला सलग दोन धक्के, डकेट आणि पोप तंबूत परतले

आकाशदीपनं इंग्लंडला सलग दोन धक्के दिले आहेत. बेन डकेट आणि ओली पोप या दोघांना आकाशदीपनं बाद केलं. 

03/07/2025 21:17:38

भारताचा डाव 587 धावांवर आटोपला

भारताचा डाव 587 धावांवर आटोपला आहे. भारताकडून सर्वाधिक 269 धावा शुभमन गिलनं केल्या. तर, रवींद्र जडेजानं 89 आणि यशस्वी जयस्वालनं 87 धावा केल्या. तर, इंग्लंडकडून सर्वाधिक विकेट शोएब बशीरनं 3 विकेट घेतल्या. 

03/07/2025 20:48:13

भारताला नववा धक्का, आकाशदीप 6 धावा करुन बाद

भारताला नववा धक्का बसला आहे. आकाशदीप 6 धावा करुन बाद झाला आहे.  

03/07/2025 20:44:04

भारताला आठवा धक्का, कॅप्टन शुभमन गिल 269 धावांवर बाद

भारताला आठवा धक्का बसला आहे. कॅप्टन शुभमन गिल 269 धावा करुन बाद झाला आहे. शुभमन गिल टंगच्या गोलंदाजीवर फटका मारण्याच्या प्रयत्नात बाद झाला. 

03/07/2025 20:28:51

Ind vs Eng : दुसरं सत्र देखील भारतानं गाजवलं, भारताच्या 7 बाद 564 धावा

Ind vs Eng : बर्मिंघम कसोटीतील दुसऱ्या दिवसातील दुसरं सत्र देखील भारतानं गाजवलं आहे. भारतानं 7 बाद 564 धावा केल्या आहेत.

03/07/2025 20:03:37

भारताला सातवा धक्का, वॉशिंग्टन सुंदर 42 धावा करुन बाद

भारताला सातवा धक्का बसला असून वॉशिंग्टन सुंदर 42 धावा करुन बाद झाला आहे. जो रुटनं वॉशिंग्टन सुंदरला बाद केलं.  

03/07/2025 19:59:42

भारताच्या 550 धावा पूर्ण, गिल- सुंदर जोडीची दमदार कामगिरी

भारतानं शुभमन गिल आणि वॉशिंग्टन सुंदर यांच्या भागीदारीच्या जोरावर 550 धावांचा टप्पा ओलांडला आहे. शुभमन गिल आणि वॉशिंग्टन सुंदर यांच्यात 140 धावांची भागीदारी झाली आहे.

03/07/2025 19:45:51

शुभमन गिलच्या 250 धावा पूर्ण, इंग्लंड पूर्णपणे बॅकफूटवर

शुभमन गिलनं 250 धावा पूर्ण केल्या आहेत. भारतानं या जोरावर 6 बाद 537 धावा केल्या आहेत. यामुळं इंग्लंड पूर्णपणे बॅकफूटवर गेलं आहे.

03/07/2025 19:24:54

शुभमन गिलचा खणखणीत चौकार, टीम इंडियाच्या 500 धावा पूर्ण

शुभमन गिलनं खणखणीत चौकार मारत टीम इंडियानं 500 धावा पूर्ण केल्या आहेत. भारतानं 6 बाद 506 धावा केल्या आहेत. भारतानं 2007 मध्ये इंग्लंड विरुद्ध 500 पेक्षा जास्त धावा केल्या होत्या. 

03/07/2025 18:55:05

शुभमन गिलनं इतिहास रचला, इंग्लंडविरुद्ध द्विशतक झळकावलं

बर्मिंघम : भारतीय क्रिकेट संघाचं नेतृत्त्व शुभमन गिलकडे सोपवण्याचा निवड समितीचा निर्णय योग्य ठरला आहे. शुभमन गिलनं बर्मिंघम कसोटीमध्ये द्विशतक झळकावलं आहे.   शुभमन गिलनं या डावात 21 चौकार आणि 2 षटकार मारले आहेत.

 

03/07/2025 18:40:27

भारताच्या 450 धावा पूर्ण, शुभमन गिल द्वीशतकाच्या उंबरठ्यावर

शुभमन गिलच्या संयमी खेळीच्या जोरावर भारतानं 451 धावांपर्यंत मजल मारली आहे. शुभमन गिल 197 धावांवर पोहोचला आहे. 

03/07/2025 18:32:16

शुभमन गिलनं इतिहास रचला, इंग्लंड विरुद्ध इंग्लंडमध्ये सर्वाधिक धावा करणारा कर्णधार होण्याचा मान मिळवला

शुभमन गिलनं इतिहास रचला आहे. इंग्लंड विरुद्ध इंग्लंडमध्ये सर्वाधिक धावा करणारा भारताचा कर्णधार होण्याचा मान गिलनं मिळवला आहे. मोहम्मद अजहरुद्दीन यानं 1990 मध्ये 179 धावा केल्या होत्या. शुभमन गिलनं 180 धावा करत हा मान मिळवला आहे. 

03/07/2025 17:49:54

दुसऱ्या दिवसाचं पहिलं सत्र भारतानं गाजवलं, शुभमन गिल नव्या विक्रमाच्या दिशेनं

भारतानं दुसऱ्या कसोटीच्या दुसऱ्या दिवसातील पहिलं सत्र गाजवलं आहे. शुभमन गिल आणि रवींद्र जडेजाच्या 203 धावांच्या जोरावर भारतानं लंचपर्यंत 6 बाद 419 धावा केल्या आहेत.

03/07/2025 17:22:14

भारताला सहावा धक्का, रवींद्र जडेजा 89 धावांवर बाद

रवींद्र जडेजा 89 धावा करुन बाद झाला आहे. त्याच्या विकेटनं भारताला सहावा धक्का बसला आहे. जडेजाची विकेट टंग यानं काढली आहे.

03/07/2025 17:14:43

भारताच्या 400 धावा पूर्ण, रवींद्र जडेजा- शुभमन गिलच्या भागीदारीनं इंग्लंडला रडवलं

भारताच्या 400 धावा पूर्ण झाल्या आहेत. रवींद्र जडेजा- शुभमन गिलच्या भागीदारीनं इंग्लंडला रडवलं आहे. दोघांनी तब्बल 195 धावांची भागीदारी केली आहे. रवींद्र जडेजा देखील शतकाजवळ पोहोचला आहे.  

03/07/2025 17:01:16

Shubman Gill :शुभमन गिलचं दीडशतक पूर्ण, रवींद्र जडेजाची खंबीर साध

शुभमन गिलनं सलग दुसऱ्या कसोटीत दमदार फलंदाजी केली आहे. शुभमन गिलनं 150 धावांचा टप्पा पार केला असून सध्या तो 157 धावांवर फलंदाजी करत आहे. रवींद्र जडेजा 71 धावांसह कॅप्टनला साथ देत आहे.

03/07/2025 16:18:55

IND vs ENG : भारतानं 350 धावांचा टप्पा ओलांडला

शुभमन गिल आणि रवींद्र जडेजा यांच्या शतकी भागीदारीच्या जोरावर भारतानं 350 धावांचा टप्पा पार केला आहे. शुभमन गिलनं 130 धावा केल्या आहेत. तर रवींद्र जडेजाचं देखील अर्धशतक झालं आहे. दुसऱ्या दिवशीच्या पहिल्या सत्रात शुभमन गिल आणि रवींद्र जडेजानं संयमी खेळी केली. 

03/07/2025 15:59:36

Ravindra Jadeja : रवींद्र जाडेजाने अर्धशतक, गिल-जाडेजाची अभेद्य भागीदारी

211 धावांवर 5 फलंदाज पॅव्हेलियनमध्ये परतले होते. अशा परिस्थितीत कर्णधार शुभमन गिल आणि रवींद्र जडेजा यांनी सहाव्या विकेटसाठी 99 धावांची नाबाद भागीदारी केली. आज ही भागीदारी त्यांनी पुन्हा वाढवली. रवींद्र जाडेजाने अर्धशतक पूर्ण केलं.