Eng vs Ind 3rd Test 1st Day : पहिल्या दिवसाचा खेळ संपला! जो रूट 99 धावांवर नाबाद, टीम इंडियाने 'बॅझबॉल'ची काढली हवा, इंग्लंडने केल्या फक्त 251 धावा

Eng vs Ind Live 3rd Test Score Update : भारत आणि इंग्लंड यांच्यातील 5 कसोटी सामन्यांच्या मालिकेतील तिसरा सामना लॉर्ड्सवर खेळला जात आहे.

पार्श्वभूमी

England vs India 3rd Test 1st Day Live Update : भारत आणि इंग्लंड यांच्यातील 5 कसोटी सामन्यांच्या मालिकेतील तिसरा सामना लॉर्ड्सवर खेळला जात आहे. याआधी खेळल्या गेलेल्या दोन कसोटी सामन्यांच्या निकालांनुसार लीड्स येथे खेळण्यात आलेला पहिला कसोटी सामना इंग्लंडने जिंकला. तर बर्मिंगहॅम येथे खेळण्यात आलेला दुसरा कसोटी सामना भारताने जिंकला. लॉर्ड्सबद्दल बोलायचे झाले तर, भारताचा येथेही रेकॉर्ड चांगला नाही. पण, टीम इंडिया ज्या पद्धतीने खेळत आहे आणि कामगिरी करत आहे, त्यामुळे अपेक्षा कायम आहेत.

10/07/2025 23:14:00

England vs India 3rd Test Day 1 Stumps : पहिल्या दिवसाचा खेळ संपला! जो रूट 99 धावांवर नाबाद, इंग्लंडने केल्या फक्त 251 धावा

भारत आणि इंग्लंड यांच्यातील तिसरा कसोटी सामना गुरुवारपासून लॉर्ड्स क्रिकेट मैदानावर खेळला जात आहे. तिसऱ्या कसोटीच्या पहिल्या दिवशी इंग्लंडने चार विकेट गमावून 251 धावा केल्या आहेत. पहिल्या दिवसाच्या खेळाच्या अखेरीस जो रूट 99 धावांसह आणि बेन स्टोक्स 39 धावांसह खेळत आहेत. भारताकडून नितीश रेड्डी यांनी दोन विकेट घेतल्या.

प्रथम फलंदाजी करताना जॅक क्रॉली आणि बेन डकेट यांनी इंग्लंडला चांगली सुरुवात करून दिली. दोघांमध्ये पहिल्या विकेटसाठी 43 धावांची भागीदारी झाली. 40 चेंडूत 23 धावा काढून बेन डकेट बाद झाला. जॅक क्रॉली 43 चेंडूत फक्त 18 धावा करू शकला. नितीशने त्याच षटकात सलामीवीरांना बाद केले. 104 चेंडूत 44 धावा काढून ऑली पोप पॅव्हेलियनमध्ये परतला. रूट आणि पोप यांच्यात तिसऱ्या विकेटसाठी 211 चेंडूत 109 धावांची भागीदारी झाली. हॅरी ब्रूकला (11) बुमराहने आऊट केले. जो रूट आणि बेन स्टोक्स आता खेळत आहेत. नितीश कुमार रेड्डीने दोन, रवींद्र जडेजा आणि जसप्रीत बुमराह यांनी प्रत्येकी एक विकेट घेतली.

10/07/2025 21:03:39

जडेजानंतर बुमराहचा घातक वार, तिसऱ्या सत्राच्या सुरुवातीला इंग्लंडला दोन मोठे धक्के, जाणून घ्या प्रत्येक क्षणाचे अपडेट

बुमराने इंग्लंडला चौथा धक्का दिला. त्याने हॅरी ब्रूकला आऊट केले. तो फक्त 11 धावा करू शकला. आता कर्णधार बेन स्टोक्स रूटला साथ देण्यासाठी आला आहे. इंग्लंडचा स्कोअर 170 च्या पुढे गेला आहे.

 

10/07/2025 21:03:14

रवींद्र जडेजाने तिसऱ्या सत्राच्या सुरुवातीला इंग्लंडला दिला मोठा धक्का!

रवींद्र जडेजाने तिसऱ्या सत्राच्या सुरुवातीला भारताला तिसरा यश मिळवून दिले. पोप आणि रूट यांच्यात 109 धावांची भागीदारी झाली. पोप अर्धशतक झळकवण्याच्या जवळ होता, परंतु 44 धावा करून तो पॅव्हेलियनमध्ये परतला.

10/07/2025 20:24:03

दुसऱ्या सत्रात टीम इंडियाला मिळाली नाही एकही विकेट

दुसऱ्या सत्रात भारताला एकही विकेट मिळाली नाही. जो रूट (54) आणि ऑली पोप (44) यांच्या 109 धावांच्या भागीदारीमुळे इंग्लंडचा धावसंख्या 150 च्या पुढे गेली आहे.

10/07/2025 20:13:39

जो रूटचे अर्धशतक, भारताला विकेटची आस, जाणून घ्या प्रत्येक क्षणाचे अपडेट

रूटने त्याच्या कसोटी कारकिर्दीतील 67 वे अर्धशतक 102 चेंडूत पूर्ण केले. तो सध्या उत्तम फॉर्ममध्ये दिसत आहे. त्याने ऑली पोपसोबत तिसऱ्या विकेटसाठी 90 पेक्षा जास्त धावांची भागीदारी केली आहे. इंग्लंडचा धावसंख्या 140 च्या पुढे गेली आहे.

10/07/2025 17:37:19

पहिल्या दिवशी लंच ब्रेकपर्यंत नितीश रेड्डीचा तांडव! पहिल्या सत्रात नेमकं काय घडलं? जाणून घ्या प्रत्येक क्षणाचे अपडेट

पहिल्या सत्रात इंग्लंडने दोन विकेट गमावल्या. त्यांच्या सलामीच्या जोडीला नितीश रेड्डीने पॅव्हेलियनमध्ये परत पाठवले. सध्या ऑली पोप 12 धावा काढून क्रीजवर आहे आणि जो रूट 24 धावा काढून खेळत आहे. लंचपर्यंत इंग्लंडचा स्कोअर 83/2 आहे.

इंग्लंड प्रथम फलंदाजी करायला आले आणि जॅक क्रॉली आणि बेन डकेट यांनी त्यांना चांगली सुरुवात करून दिली. दोघांमध्ये पहिल्या विकेटसाठी 43 धावांची भागीदारी झाली. 40 चेंडूत 23 धावा काढल्यानंतर बेन डकेट बाद झाला. जॅक क्रॉली 43 चेंडूत फक्त 18 धावा काढू शकला. नितीशने त्याच षटकात सलामीवीरांना बाद केले. पहिल्या सत्रात  बुमराह, सिराज, आकाश दीपला विकेट मिळाली नाही.

 

10/07/2025 16:47:10

नितीश रेड्डीचा तांडव! एका षटकात इंग्लंडला दिले 2 मोठे धक्के

बेन डकेटनंतर नितीश रेड्डीनेही जॅक क्रॉलीला आऊट केले. 43 चेंडूत 18 धावा काढून तो पॅव्हेलियनमध्ये परतला. सध्या ऑली पोप आणि जो रूट क्रीजवर आहेत.

10/07/2025 16:40:50

बुमराह, सिराज, आकाश नाही तर नितीश रेड्डीने दिला इंग्लंडला मोठा धक्का!

इंग्लंडला 43 धावांवर पहिला धक्का बसला आहे, बेन डकेट 23 धावा करून बाद झाला; त्याला बुमराह, सिराज, आकाश नाही तर नितीश रेड्डीने आऊट केले.

10/07/2025 15:07:22

भारतीय संघाची प्लेइंग-11

शुभमन गिल (कर्णधार), ऋषभ पंत (उपकर्णधार), यशस्वी जैस्वाल, केएल राहुल, करुण नायर, नितीश रेड्डी, रवींद्र जडेजा, वॉशिंग्टन सुंदर, जसप्रीत बुमराह, मोहम्मद सिराज, आकाश दीप.

10/07/2025 15:02:26

इंग्लंडने नाणेफेक जिंकली

तिसऱ्या कसोटी सामन्यात इंग्लंडने नाणेफेक जिंकली, भारत प्रथम गोलंदाजी करणार आहे.

10/07/2025 14:34:22

टीम इंडियाने अद्याप प्लेइंग-11ची केली नाही घोषणा

लॉर्ड्स कसोटीसाठी इंग्लंडने आपला अंतिम संघ जाहीर केला आहे. पण, टीम इंडियाने अद्याप प्लेइंग-11ची कार्ड जाहीर केलेले नाहीत. भारतीय संघ टॉसनंतरच अंतिम संघ जाहीर करेल.

10/07/2025 14:33:27

इंग्लंड संघाची प्लेइंग-11

जॅक क्रॉली, बेन डकेट, ऑली पोप, जो रूट, हॅरी ब्रूक, बेन स्टोक्स (कर्णधार), जेमी स्मिथ (यष्टिरक्षक), ख्रिस वोक्स, ब्रायडन कार्स, जोफ्रा आर्चर, शोएब बशीर

 

10/07/2025 14:32:59

लॉर्ड्सवर भारत-इंग्लंडचा रेकॉर्ड कसा आहे?

आतापर्यंत लॉर्ड्सवर भारत आणि इंग्लंडमध्ये 19 कसोटी सामने खेळले गेले आहेत, ज्यामध्ये भारताने 3 कसोटी जिंकल्या आहेत तर 12 गमावल्या आहेत. त्याच वेळी, 4 कसोटी सामने अनिर्णित राहिले आहेत. चांगली गोष्ट म्हणजे लॉर्ड्सवर खेळल्या गेलेल्या शेवटच्या 3 कसोटींपैकी 2 कसोटी टीम इंडियाने जिंकल्या आहेत.