Eng vs Ind 4th Test Day 3 : चौथ्या कसोटीत इंग्लंडचा वरचष्मा, तिसऱ्या दिवशी भारतीय गोलंदाजांनी गुडघे टेकले, इंग्लंडकडे 186 धावांची आघाडी

India Vs England 4th Test Update : तिसरा दिवस निर्णायक ठरणार आहे. भारताला जिंकायचं असेल, तर गोलंदाजांनी कंबर कसावी लागणार आहे.

पार्श्वभूमी

India Vs England 4th Test Day 3 Live Score : मँचेस्टर कसोटीमध्ये इंग्लंडने चांगली पकड निर्माण केली आहे. भारताचा पहिला डाव 358 धावांवर आटोपल्यानंतर, इंग्लंडने दुसऱ्या दिवसअखेर 2 गड्यांच्या मोबदल्यात 225 धावा केल्या आहेत. जो रूट 11 आणि ऑली पोप 20 धावांवर खेळत आहेत. इंग्लंड अजूनही भारतापेक्षा 133 धावा मागे आहे, पण त्यांच्या हाती 8 गडी बाकी आहेत. त्यामुळे तिसऱ्या दिवशी भारतीय गोलंदाजांनी जबरदस्त कामगिरी केली नाही, तर सामना हातातून निसटण्याची शक्यता आहे.इंग्लंडची दमदार सुरुवातदुसऱ्या दिवशी इंग्लंडच्या फलंदाजांनी मजबूत सुरुवात केली. ओपनर झॅक क्रॉली आणि बेन डकेट यांनी 32 षटकांत पहिल्या विकेटसाठी 166 धावांची भागीदारी रचली. बेन डकेटने 100 चेंडूत 13 चौकारांच्या मदतीने 94 धावा केल्या. फक्त 6 धावांनी त्याचा शतक हुकलं. त्याला अंशुल कंबोजने बाद केलंआणि हे कंबोजचं पहिलं टेस्ट विकेट ठरलं. दुसरा ओपनर झॅक क्रॉलीने 113 चेंडूंमध्ये 1 षटकार आणि 13 चौकार मारत 84 धावा केल्या. त्याला रविंद्र जडेजाने माघारी पाठवलं.बुमराह-सिराज निष्प्रभभारताचे प्रमुख वेगवान गोलंदाज जसप्रीत बुमराह आणि मोहम्मद सिराज अजून प्रभाव टाकू शकलेले नाहीत. सामना भारताच्या बाजूने वळवायचा असेल, तर तिसऱ्या दिवशी बुमराह-सिराजला धारदार गोलंदाजी करावी लागेल. नाहीतर इंग्लंड पहिल्या डावात आघाडी घेईल आणि भारतासाठी अडचणी वाढतील. थोडक्यात, तिसरा दिवस निर्णायक ठरणार आहे, भारताला जिंकायचं असेल, तर गोलंदाजांनी कंबर कसावी लागणार आहे.

25/07/2025 23:11:51

चौथ्या कसोटीत इंग्लंडचा वरचष्मा, घेतली 186 धावांची आघाडी

मँचेस्टर कसोटीच्या तिसऱ्या दिवसअखेर इंग्लंडने 7 विकेट गमावून 544 धावा केल्या आहेत. भारतीय संघाचा पहिला डाव 358 धावांपर्यंत मर्यादित राहिल्याने इंग्लंडची पहिल्या डावात एकूण आघाडी 186 धावांपर्यंत वाढली आहे. तिसऱ्या दिवशी खेळ संपेपर्यंत कर्णधार बेन स्टोक्स 77 धावा करून खेळत आहे, त्याच्यासोबत लियाम डॉसन देखील क्रीजवर खंबीरपणे उभा आहे.

25/07/2025 22:21:34

इंग्लंडला सहावा धक्का! जो रूटनंतर जेमी स्मिथ OUT, आघाडी 150 च्या पुढे

जसप्रीत बुमराहने इंग्लंडला सहावा धक्का दिला. त्याने जेमी स्मिथला आऊट केले. तो फक्त नऊ धावा करू शकला. इंग्लंड संघाची आघाडी 150 च्या पुढे गेली आहे.

25/07/2025 22:02:24

अखेर रवींद्र जडेजाने केली जो रूटची शिकार, 150 धावा करून OUT; बेन स्टोक्स रिटायर्ड हर्ट, जाणून घ्या अपडेट

रवींद्र जडेजाने जो रूटला आऊट करत इंग्लंडला पाचवा धक्का दिला. तो 248 चेंडूत 150 धावा काढल्यानंतर बाद झाला. त्याआधी बेन स्टोक्स रिटायर्ड हर्ट होऊन पॅव्हेलियनमध्ये परतला. त्याने 66 धावा केल्या. आता जेमी स्मिथला साथ देण्यासाठी लियाम डॉसन आला आहे.

25/07/2025 21:43:29

बेन स्टोक्सने अर्धशतक झळकावले

इंग्लंडचा कर्णधार बेन स्टोक्सने त्याच्या कारकिर्दीतील 36 वे अर्धशतक झळकावले.  

25/07/2025 20:33:50

दुसऱ्या सत्राचा खेळ संपला

तिसऱ्या दिवसाचा दुसऱ्या सत्राचा खेळ संपला आहे. इंग्लंडने भारताविरुद्ध चार विकेट गमावून 433 धावा केल्या आहेत. यासह, इंग्लंडने भारतावर 75 धावांची आघाडी घेतली आहे. सध्या, रूट 121 धावांसह क्रिजवर आहे आणि स्टोक्स 36 धावांसह क्रिजवर आहे.

25/07/2025 19:44:55

भारताविरुद्ध जो रूटने ठोकले कारकिर्दीतील 38 वे शतक! इंग्लंडने घेतली 50 धावांची आघाडी

जो रूटने भारताविरुद्ध 178 चेंडूत त्याच्या कसोटी कारकिर्दीतील 38 वे शतक पूर्ण केले. त्याने बेन स्टोक्ससोबत 50 पेक्षा जास्त धावांची भागीदारी केली आहे. इंग्लंडचा धावसंख्याही 400 च्या पुढे गेला आहे आणि आघाडी 50 धावांपर्यंत वाढली आहे.

25/07/2025 18:45:47

वॉशिंग्टन सुंदरने दिला इंग्लंडला चौथा धक्का! जाणून घ्या प्रत्येक अपडेट

इंग्लंडला चौथा धक्का वॉशिंग्टन सुंदरने दिला. त्याने हॅरी ब्रूकला आऊट केले. तो फक्त तीन धावा करू शकला. आता बेन स्टोक्स बेन स्टोक्सला साथ देण्यासाठी आला आहे.

 

25/07/2025 18:44:25

अखेर विकेट मिळाली, इंग्लंडला तिसरा धक्का! ऑली पोप OUT

दुसऱ्या सत्रात भारताला दिवसाचे पहिले यश मिळाले आणि इंग्लंडच्या पहिल्या डावातील ही तिसरी विकेट आहे. वॉशिंग्टन सुंदरने ऑली पोपला आऊट केले. तो 71 धावा करून पॅव्हेलियनमध्ये परतला. त्याने तिसऱ्या विकेटसाठी जो रूटसोबत 231 चेंडूत 144 धावांची भागीदारी केली.  

25/07/2025 17:59:31

भारत बॅकफूटवर, पोप-रूटचे अर्धशतक; लंचपर्यंत इंग्लंडचा स्कोअर 332/2

पहिल्या सत्राचा खेळ संपला आहे. इंग्लंडने दोन विकेट गमावून 332 धावा केल्या आहेत. जो रूट (63) आणि ऑली पोप (70) यांच्यातील 135 धावांच्या भागीदारीच्या आधारे यजमान संघ आघाडी मिळवण्याच्या जवळ आहे. सध्या इंग्लंडचा संघ भारतापेक्षा 26 धावांनी मागे आहे.

25/07/2025 17:22:22

बुमराह-सिराज ठरले निष्प्रभ! पोप आणि रूट यांनी अर्धशतके ठोकली, टीम इंडियाच्या अडचणी वाढल्या

जो रूटनेही अर्धशतक झळकावले आहे. इंग्लंडने 300 धावा पूर्ण केल्या आहेत आणि आतापर्यंत फक्त 2 विकेट पडल्या आहेत. रूट आणि पोप यांच्यात शतकी भागीदारी झाली आहे.

25/07/2025 17:21:58

पोपचे अर्धशतक

इंग्लंडचा उपकर्णधार ऑली पोपने दमदार अर्धशतक झळकावले आहे. त्याने 93 चेंडूत हे अर्धशतक झळकावले आहे. यापूर्वी, त्याने हेडिंग्ले कसोटीच्या पहिल्या डावात ही कामगिरी केली होती.

25/07/2025 17:21:18

रूट तिसऱ्या पोहोचला क्रमांकावर...

जो रूट कसोटी क्रिकेटमध्ये सर्वाधिक धावा करणारा तिसरा फलंदाज बनला आहे. रूटने या डावात 31 धावा पूर्ण करताच त्याने राहुल द्रविड आणि जॅक कॅलिसला मागे टाकले. आता फक्त रिकी पॉन्टिंग आणि सचिन तेंडुलकर त्याच्या पुढे आहेत.