Eng vs Ind 3rd Test Day-5 : चुरशीच्या सामन्यात टीम इंडियाचा पराभव, जडेजाची मेहनत गेली पाण्यात, इंग्लंडचा 22 धावांनी विजय

Eng vs Ind 3rd Test News : एजबेस्टनवर मिळालेल्या ऐतिहासिक विजयानंतर टीम इंडिया लॉर्ड्स जिंकण्याच्या उंबरठ्यावर उभी आहे.

पार्श्वभूमी

India vs England, 3rd Test, Day 5, Live Score : एजबेस्टनवर मिळालेल्या ऐतिहासिक विजयानंतर टीम इंडिया लॉर्ड्स जिंकण्याच्या उंबरठ्यावर उभी आहे. लॉर्ड्स टेस्टचा पाचवा दिवस थरारक ठरणार आहे, कारण दोन्ही संघ शेवटच्या क्षणापर्यंत झुंजणार हे नक्की.भारत 58 धावांवर 4 बाद या स्थितीतून पाचव्या दिवशी पुढे खेळायला सुरुवात करणार आहे. इंग्लंडने भारतासमोर 193 धावांचं लक्ष्य ठेवलं आहे. लॉर्ड्सवर भारताने शेवटचा यशस्वी रनचेस 1986 साली केला होता, तेव्हा 136 धावांचं लक्ष्य होतं. यंदा लक्ष्य थोडंसं मोठं असलं, तरी भारताने विजय मिळवला तर ही लॉर्ड्सवर चौथ्या इनिंगमध्ये केलेली ऐवजी दुसरी ऐतिहासिक रेकॉर्ड जीत ठरेल.या सामन्याची सुरुवात इंग्लंडच्या पहिल्या डावाने झाली होती, त्यांनी 387 धावा केल्या. प्रत्युत्तरात भारतानेही तितक्याच, म्हणजे 387 धावा केल्या. टेस्ट क्रिकेटच्या इतिहासात ही केवळ नववी वेळ होती, जेव्हा दोन्ही संघांचे पहिल्या डावाचे स्कोअर बरोबरीत राहिले. भारतासाठी मात्र ही तिसरी वेळ होती, जेव्हा त्याचा पहिला डाव टाय झाला.पहिल्या डावात आघाडी मिळवण्यात अपयशी ठरलेला इंग्लंड दुसऱ्या डावातही लवकर कोसळला. त्यांचा दुसरा डाव 192 धावांवर आटोपला. त्यामुळे भारतासमोर 193 धावांचं आव्हान उभं राहिलं आहे. सध्या ही मालिका 1-1 अशी बरोबरीत आहे. मात्र, जो संघ लॉर्ड्समध्ये विजय मिळवेल, तो 2-1 आघाडी घेईल आणि मालिकाजिंकण्याची संधी त्याच्याकडे अधिक प्रबळ होईल.

14/07/2025 21:32:22

चुरशीच्या सामन्यात टीम इंडियाचा पराभव, जडेजाची मेहनत गेली पाण्यात, इंग्लंडचा 22 धावांनी विजय

इंग्लंडने भारताचा 22 धावांनी पराभव केला. सोमवारी लॉर्ड्स कसोटीच्या शेवटच्या दिवशी यजमान संघाने भारतीय संघाला 170 धावांवर गुंडाळले आणि सामना जिंकला. या विजयासह इंग्लंडने भारताविरुद्धच्या पाच सामन्यांच्या कसोटी मालिकेत 2-1 अशी आघाडी घेतली. त्याआधी बेन स्टोक्सच्या संघाने लीड्स कसोटीत भारताचा पाच विकेट्सने पराभव केला. त्याच वेळी, भारतीय संघाने दुसरी कसोटी (एजबॅस्टन कसोटी) 336 धावांनी जिंकली.

लॉर्ड्स कसोटीत इंग्लंडने नाणेफेक जिंकून प्रथम फलंदाजी करण्याचा निर्णय घेतला आणि पहिल्या डावात 10 विकेट्सच्या मोबदल्यात 378 धावा केल्या. त्यांच्याकडून जो रूटने 104 आणि जेमी स्मिथ आणि ब्रायडन कार्सने 51 आणि 56 धावा केल्या. त्यानंतर भारतानेही 10 विकेट्सच्या मोबदल्यात 387 धावा केल्या. त्यांच्याकडून केएल राहुलने 100, ऋषभ पंतने 74 आणि रवींद्र जडेजाने 72 धावा केल्या. दुसऱ्या डावात इंग्लंडने 10 विकेट गमावून 192 धावा केल्या आणि भारतासमोर 193 धावांचे लक्ष्य ठेवले, जे भारतीय संघ साध्य करू शकला नाही आणि 170 धावांवर ऑलआऊट झाला.

14/07/2025 20:52:31

रवींद्र जडेजाने 150 चेंडूत ठोकले अर्धशतक

रवींद्र जडेजाने 150 चेंडूत त्याच्या कसोटी कारकिर्दीतील 25 वे अर्धशतक पूर्ण केले. सध्या तो ५३ धावांसह क्रीजवर उभा आहे. त्याला साथ देण्यासाठी सिराज क्रीजवर उपस्थित आहे. भारताला विजयासाठी 34 धावांची आवश्यकता आहे.

14/07/2025 20:11:41

टीम इंडियाचा पाय खोलात, संघाला नववा धक्का; जसप्रीत बुमराह OUT, जिंकण्यासाठी जडेजाला करावे लागणार 'हे' काम

जसप्रीत बुमराहच्या रूपाने भारताला नववा धक्का बसला. बेन स्टोक्सने त्याला आऊट केले. तो फक्त पाच धावा काढू शकला. बुमराह आणि जडेजाने नवव्या विकेटसाठी 35 धावांची भागीदारी केली. आता सिराज क्रीजवर जडेजाला साथ देण्यासाठी आला आहे. जिंकण्यासाठी टीम इंडियाला अजून 44 धावा करायच्या आहे.

14/07/2025 17:43:50

भारताची पराभवाच्या दिशेने वाटचाल! पाचव्या दिवशी दुपारच्या जेवणापर्यंत 112/8 धावा, विजयासाठी आणखी 81 धावांची गरज

लॉर्ड्सवर भारतीय संघ अडचणीत सापडलेला दिसत आहे. संघाने 112 धावांत आठ विकेट गमावल्या आहेत. नितीश रेड्डी आठव्या विकेट म्हणून बाद होताच पंचांनी लंच घेण्याचा निर्णय घेतला. नितीशने आठव्या विकेटसाठी जडेजासोबत 91 चेंडूत 30 धावांची भागीदारी केली. सध्या रवींद्र जडेजा 17 धावांवर नाबाद आहे. नितीश 13 धावा काढल्यानंतर ख्रिस वोक्सचा बळी ठरला. भारताला आता विजयासाठी आणखी 81 धावांची आवश्यकता आहे. जसप्रीत बुमराह आणि मोहम्मद सिराजच्या रूपात दोन फलंदाज शिल्लक आहेत.

14/07/2025 16:18:18

82 धावांच्या स्कोअरवर भारताला सातवा धक्का! वॉशिंग्टन सुंदर शुन्यावर OUT

82 धावांच्या स्कोअरवर भारताला सातवा धक्का बसला. वॉशिंग्टन सुंदरला खातेही उघडता आले नाही. त्याचा कॅच जोफ्रा आर्चरने त्याच्याच चेंडूवर घेतला. त्याआधी, केएल राहुल 58 चेंडूत सहा चौकारांसह 39 धावा काढून बाद झाला. तर ऋषभ पंत आर्चरने क्लीन बोल्ड केले, पंत नऊ धावा करू शकला. भारताला विजयासाठी अजूनही 111 धावा हव्या आहेत.

14/07/2025 16:16:11

भारताला सहावा धक्काऍ

81 धावांच्या स्कोअरवर भारताला सहावा धक्का बसला. केएल राहुल 58 चेंडूत सहा चौकारांसह 39 धावा काढून बाद झाला. भारताला अजूनही 112 धावा हव्या आहेत.  

14/07/2025 15:58:15

भारताला तगडा झटका! ऋषभ पंत OUT, विजयासाठी अजूनही 121 धावांची गरज

पाचव्या दिवशी 71 धावांवर भारताला पहिला आणि एकूण पाचवा धक्का बसला. जोफ्रा आर्चरने ऋषभ पंतला क्लीन बोल्ड केले. तो फक्त नऊ धावा करू शकला. सध्या केएल राहुल आणि रवींद्र जडेजा क्रीजवर आहेत. भारताचा स्कोअर पाच विकेटसाठी 72 धावा आहे. भारताला विजयासाठी अजूनही 121 धावांची आवश्यकता आहे.