नवी दिल्ली : क्रिकेट चाहत्यांसाठी 2027 हे वर्ष पर्वणी ठरणार आहे. पुढील वर्षी एका पाठोपाठ मोठ्या स्पर्धा असल्यानं क्रिकेट चाहत्यांसाठी ते वर्ष रोमांचक ठरेल. वनडे वर्ल्ड कप, एशेज स्पर्धा, आशिया कप स्पर्धा होणार आहे. वनडे वर्ल्ड कप, आयपीएमुळं चाहत्यांचं मनोरंजन होईल. या सर्वाची सुरुवात भारत आणि ऑस्ट्रलिया यांच्यातील बॉर्डर-गावस्कर ट्रॉफीपासून होणार आहे.
बॉर्डर-गावस्कर ट्रॉफीनं सुरुवात
भारत आणि ऑस्ट्रेलिया यांच्यातील बॉर्डर-गावस्कर ट्रॉफीपासून या वर्षाची सुरुवात होईल. ऑस्ट्रेलियाचा संघ या मालिकेसाठी भारताचा दौरा करेल. दोन्ही संघांमध्ये 21 जानेवारी ते 03 मार्च दरम्यान पाच कसोटी सामने होतील.
पहिली कसोटी- 21–25 जानेवारी, नागपूर
दुसरी कसोटी- 29 जानेवारी ते 02 फेब्रुवारी, चेन्नई
तिसरी कसोटी- 11-15 फेब्रुवारी, गुवाहाटी
चौथी कसोटी- 19-23 फेब्रुवारी, रांची
पाचवी कसोटी- 27 फेब्रुवारी ते 03 मार्च, अहमदाबाद
आयपीएल 2027
आयपीएलचा 2027 चा हंगाम कधी सुरु होणार यासंदर्भात अधिकृत वेळापत्रक जारी करण्यात आलेलं नाही. मात्र, आयपीएल 14 मार्च ते 30 मे दरम्यान होईल.
वर्ल्ड टेस्ट चॅम्पियनशिप फायनल 2027
जागतिक कसोटी अजिंक्यपद स्परधा 2025-27 ची फायनल 9 ते 13 जून दरम्यान लंडनच्या केनिंग्टन ओवलमध्ये खेळवली जाईल.
आशिया कप 2027
आशिया कप 2027 चं वेळापत्रक अद्याप जाहीर करण्यात आलेलं नाही. मात्र, आगामी वनडे वर्ल्ड कपच्या तयारीच्या पार्श्वभूमीवर ही स्पर्धा वनडे फॉरमॅटमध्ये होईल. 18 जून ते 04 जुलै दरम्यान ही स्पर्धा होऊ शकते, अशी शक्यता आहे.
एशेज 2027
ऑस्ट्रेलिया आणि इंग्लंड यांच्यातील ऐतिहासिक एशेज मालिकेचं वेळापत्रक जाहीर झालं आहे. 2027 च्या एशेज मालिकेतील पाच कसोटी समाने 18 जून ते 2 ऑगस्ट दरम्यान खेळवले जातील. ही मालिका इंग्लंडमध्ये होईल.
पहिली कसोटी- 18-22 जून, नॉटिंघम
दुसरी कसोटी- 30 जून ते 04 जुलै, लॉर्ड्स
तिसरी कसोटी- 08-12 जुलै, बर्मिंघम
चौथी कसोटी- 21-25 जुलै, साउथॅम्पटन
पाचवी कसोटी- 29 जुलै ते 02 ऑगस्ट, लंडन, द ओवल
वनडे वर्ल्ड कप 2027
आंतरराष्ट्रीय क्रिकेट परिषदेनं वनडे वर्ल्ड कपचं अधिकृत वेळापत्रक जाहीर केलेलं नाही. मात्र, दक्षिण आफ्रिका, झिम्बाब्वे आणि नामीबिया यांच्याकडून वनडे वर्ल्ड कपचं आयोजन केलं जाणार आहे. मात्र, 4 ऑक्टोबर ते 21 नोव्हेंबरदरम्यान स्पर्धा होणार असल्याची अपडेट आहे.