BCCI Announces Rule Changes For IPL 2026 : इंडियन प्रीमियर लीग (IPL) 2026 चा थरार 28 मार्चपासून सुरू होणार असताना, भारतीय क्रिकेट नियामक मंडळ (BCCI) ने अखेरच्या क्षणी काही महत्त्वाचे नियम बदल लागू केले आहेत. या नव्या नियमांमुळे सर्व 10 फ्रेंचायझींमध्ये मोठी खळबळ उडाली असून, संपूर्ण हंगामात त्याचा थेट परिणाम दिसून येणार आहे. क्रिकबजच्या अहवालानुसार, सर्वात मोठा बदल म्हणजे, मॅचच्या दिवशी कोणत्याही टीमला प्रॅक्टिस करण्याची परवानगी दिली जाणार नाही. यामागचा मुख्य उद्देश म्हणजे पिच आणि विकेटची गुणवत्ता टिकवून ठेवणे.
आयपीएल 2026 साठी BCCI चे 7 मोठे नियम
1. मॅचच्या दिवशी प्रॅक्टिस बंद
कोणत्याही टीमला मॅचच्या दिवशी ट्रेनिंग किंवा प्रॅक्टिस करता येणार नाही.
2. प्रॅक्टिस मॅचवर मर्यादा
प्रत्येक टीमला जास्तीत जास्त 2 प्रॅक्टिस मॅच खेळण्याचीच परवानगी असेल. त्यासाठी बीसीसीआयची पूर्वपरवानगी आवश्यक असेल आणि सामना 3.5 तासांपेक्षा जास्त चालता कामा नये.
3. नेट्स शेअरिंगवर बंदी
कोणतीही टीम दुसऱ्या टीमचे प्रॅक्टिस नेट्स वापरू शकणार नाही. प्रत्येक टीमसाठी स्वतंत्र नेट्सची व्यवस्था केली जाईल.
4. खेळपट्टी वापरावर कडक नियम
होम टीम ज्या पिचवर पहिला सामना खेळणार आहे, त्या पिचवर 4 दिवस आधीपासून कोणतीही प्रॅक्टिस करता येणार नाही.
5. प्रत्येकवेळी नवीन खेळपट्टी
रेंज हिटिंग, रन-अप आणि इतर ड्रिल्ससाठी वेगळे विकेट्स दिले जातील. तसेच, सलग प्रॅक्टिस करणाऱ्या टीम्ससाठी प्रत्येकवेळी नवीन खेळपट्टी तयार केली जाईल.
6. कुटुंबीयांसोबत प्रवासावर बंदी
खेळाडूंना त्यांच्या कुटुंबीय किंवा मित्रांसोबत प्रवास करण्याची परवानगी नसेल. प्रॅक्टिस किंवा मॅचसाठी येऱ्या फक्त टीम बसमधूनच करावी लागेल.
7. LEB बोर्डजवळ बसण्यास मनाई
खेळाडू आणि सपोर्ट स्टाफला मैदानावरील LEB बोर्डजवळ बसण्यास बंदी घालण्यात आली आहे.
हे ही वाचा -