Ruturaj Gaikwad : यंदाच्या IPLमध्ये मराठमोळ्या ऋतुराजची हवा, केले 'हे' विक्रम

IPL 2021 : आयपीएलच्या यंदाच्या हंगामात भारतीय खेळाडूंनी जबरदस्त कामगिरीचं प्रदर्शन केलं आहे. सर्वाधिक धावा करणाऱ्या खेळाडूंच्या यादीत पहिल्या पाचमध्ये तीन भारतीय खेळाडू असून गोलंदाजांच्या यादीत पहिले पाच भारतीय खेळाडूच आहेत. (Photo:@ruutu.131/IG)

यंदा भारतीय खेळाडूंनी जोरदार प्रदर्शन केलं आहे. यात विशेष कामगिरी केली आहे चेन्नईकडून खेळणाऱ्या ऋतुराज गायकवाड यानं.(Photo:@ruutu.131/IG)

ऋतुराज सर्वाधिक धावा काढणाऱ्या खेळाडूंच्या यादीत दुसऱ्या क्रमांकावर आहे.(Photo:@ruutu.131/IG)

सर्वात महत्वाचं म्हणजे ऑरेंज कॅप मिळवण्यासाठी आता त्याला केवळ 23 धावांची गरज आहे. अंतिम सामन्यात तो या यशाला नक्कीच गवसणी घालेल.(Photo:@ruutu.131/IG)

आयपीएलमध्ये सर्वाधिक 626 धावा पंजाबचा कर्णधार केएल राहुलने केल्या आहेत, सध्या त्याच्याकडे ऑरेंज कॅप आहे.(Photo:@ruutu.131/IG)

तर 603 धावा बनवून ऋतुराज दुसऱ्या नंबरवर आहे. तर तिसऱ्या क्रमांकावर 551 धावा करत दिल्लीचा शिखर धवन तिसऱ्या स्थानी आहे.(Photo:@ruutu.131/IG)

ऋतुराज सर्वाधिक सिक्सर मारणाऱ्या खेळाडूंच्या यादीतही 22 षटकार लगावत दुसऱ्या स्थानी आहे.(Photo:@ruutu.131/IG)

तर सर्वाधिक चौकार ठोकण्याच्या यादीतही तो 61 चौकारांसह दुसऱ्या स्थानी आहे. (Photo:@ruutu.131/IG)

काल दुबईमध्ये खेळल्या गेलेल्या क्वालिफायर सामन्यात दिल्ली कॅपिटल्सचा पराभव करून चेन्नई सुपर किंग्सने विक्रमी 9 व्या वेळी अंतिम फेरी गाठली आहे. या सामन्यातही ऋतुराज गायकवाडने 50 चेंडूत 70 धावा केल्या. (Photo:@ruutu.131/IG)