Lionel Messi Vantara : कपाळावर गंध, गळ्यात रुद्राक्षांची माळ, अंबानींच्या वनतारात मेस्सी महादेवाचा भक्त झाला, पाहा शंकराच्या पिंडीवर दुग्धाभिषेक करतानाचे PHOTOS

Lionel Messi in Anant Ambani Vantara : मेस्सीने गुजरातमधील जामनगर येथे असलेल्या अंबानींच्या वनताराला भेट दिली.

Lionel Messi in Anant Ambani Vantara

जागतिक फुटबॉलमधील दिग्गज खेळाडू लिओनेल मेस्सी सध्या भारत दौऱ्यावर असून, GOAT टूर ऑफ इंडिया अंतर्गत त्याने कोलकाता, हैदराबाद, मुंबई आणि दिल्लीत विविध कार्यक्रमांना हजेरी लावली.

या दौऱ्यानंतर मेस्सीने गुजरातमधील जामनगर येथे असलेल्या अंबानींच्या वनताराला भेट दिली.

वनतारा हे रिलायन्स इंडस्ट्रीज आणि रिलायन्स फाऊंडेशन यांच्या संयुक्त विद्यमाने चालवले जाणारे वन्यजीव बचाव, देखभाल आणि पुनर्वसन केंद्र आहे.

या भेटीदरम्यान मेस्सीने कपाळावर कुंकू लावत, गळ्यात रुद्राक्ष धारण करून महादेवाच्या शिवलिंगाची पूजा व अभिषेक केला.

श्रद्धा, शांतता आणि अध्यात्म यांचा अनोखा संगम या क्षणी पाहायला मिळाला.

Continues below advertisement

यानंतर मेस्सीने वनतारातील विविध विभागांची पाहणी केली.

विशेषतः सिंहला अगदी जवळून पाहताना त्याचा आनंद लपवता आला नाही.

वन्यजीवांच्या संरक्षणासाठी उभारलेल्या या जागेतील शिस्त, संवर्धनाची दृष्टी आणि व्यवस्थापन पाहून तो विशेष प्रभावित झाला.

वनतारा पाहून मेस्सीने समाधान व्यक्त करत “मी इथे पुन्हा नक्की येईन” असे सांगितले.

image 2

फुटबॉलच्या मैदानावर जादू करणारा हा खेळाडू, वनतारात अध्यात्म आणि निसर्गाच्या सान्निध्यात पूर्णपणे वेगळ्याच रूपात दिसला आणि म्हणूनच हे क्षण चाहत्यांसाठी ठरले थक्क करणारे.

शंकराच्या पिंडीवर दुग्धाभिषेक करतानाचा फोटो.

मेस्सीनं वनतारामध्ये असलेल्या प्राण्यांसोबत खूप वेळ घालवला.

मेस्सीनं प्राण्यांच्या देखभालीच्या दिनचर्येची माहिती घेतली. प्राण्याची देखभाल करणाऱ्या पशु चिकित्सक कर्मचाऱ्यांसोबत मेस्सीनं संवाद साधला.