CSK vs GT : अहमदाबादेत रविवारी पावसाची जोरदार बॅटिंग, आज आयपीएलच्या सामन्यावरही पावसाचं सावट

पावसामुळे चेन्नई विरुद्ध गुजरात अंतिम सामना रद्द करण्यात आला. आयपीएल 2023 चा अंतिम सामना आता सोमवारी रंगणार आहे.

आयपीएल 2023 चा अंतिम सामना आज, सोमवारी राखीव दिवशी खेळवला जाणार आहे. रविवारी पावसानं प्रेक्षकांची निराशा केली.

आज 29 मे रोजी होणाऱ्या अंतिम सामन्यावरही पावसाचं सावट आहे.

आयपीएल 2023 चा अंतिम सामना सोमवारी, 29 मे रोजी राखीव दिवशीही होऊ शकला नाही, तर गुजरात टायटन्स संघाला याचा फायदा होईल.

सोमवारीही महाअंतिम सामना पावसामुळे रद्द झाल्यास साखळी सामन्यानंतर आयपीएल गुणतालिकेतील (IPL 2023 Points Table) पहिल्या क्रमांकावर असणाऱ्या संघाला महाविजेता म्हणून घोषित केलं जाईल.

आयपीएल पॉईंट्स टेबलमध्ये सध्या गुजरात टायटन्स संघ अव्वल आहे. त्यामुळे सोमवारी अंतिम सामना न झाल्यास चेन्नई सुपर किंग्स संघाला याचं नुकसान सहन करावं लागेल. यामुळे गुजरात टायटन्स आयपीएल 2023 चा विजेता ठरेल, कारण चेन्नई पॉईंट्स टेबलवर दुसऱ्या क्रमांकावर आहे.

हवामान विभागाच्या माहितीनुसार, सोमवारीही पावसाची शक्यता वर्तवण्यात आलेली आहे. accuweather संकेतस्थळानुसार, अहमदाबादमध्ये सोमवारी ढगाळ वातावरण राहणार आहे.

संध्याकाळी सहा ते दहाच्या दरम्यान अहमदाबादमध्ये ढगाळ वातावरण राहणार आहे.

संकेतस्थळानुसार, संध्याकाळी सात ते दहा वाजता पावसाची शक्यता आठ टक्के वर्तवण्यात आली आहे.