In Pics : रोनाल्डो, मेस्सी उतरले मैदानात, रंगतदार सामन्यात मेस्सीचा संघ 5-4 ने विजयी

फुटबॉल जगतातील स्टार खेळाडू ख्रिस्तियानो रोनाल्डो आणि लिओनल मेस्सी पुन्हा एकदा उतरले होते मैदानात.

19 जानेवारी रोजी झालेल्या सौदी अरेबियातील रियाध शहरात दोघे एकमेंकाविरुद्ध मैदानात उतरले.

सामना अगदी अटीतटीचा झाला होता. रोनाल्डोने अगदी दमदार खेळ दाखवला.

रोनाल्डोने सामन्यात दमदार असे दोन गोल करत संघाकडून सर्वात उत्तम खेळ केला.

पण अखेर मेस्सीच्या संघाने 5 गोल केल्याने रोनाल्डोचा संघ 5-4 च्या फरकाने पराभूत झाला.

यावेळी मेस्सी त्याचा संघ पॅरिस सेंट जर्मन (PSG) फुटबॉल क्लबकडून खेळला. तर रोनाल्डो सौदी अरेबियातील दमदार खेळाडूंना घेऊन तयार केलेल्या रियाध ऑलस्टार 11 संघाचा कर्णधार होता.

सौदी अरेबियातील रियाध शहरात खेळल्या गेलेल्या सामन्यात रोनाल्डो-मेस्सी बऱ्याच काळानंतर आमने-सामने आले होते.

अगदी अटीतटीच्या झालेल्या सामन्यात मेस्सी, रोनाल्डो आणि एमबाप्पे या स्टार्स खेळाडूंनीही गोल केले.

हा सामना पाहण्यासाठी रियाधचे स्टेडियम पूर्णपणे हाऊसफुल्ल झाले होते. मेस्सी आणि रोनाल्डोला समोरासमोर पाहण्यासाठी प्रेक्षकांचा उत्साह शिगेला पोहोचला होता.

हे दोन्ही दिग्गज स्टेडियममध्ये दाखल झाले तेव्हा तेथील वातावरण पाहण्यासारखे होते. या मोठ्या खेळाडूंनी बॅक टू बॅक गोल केल्याने चाहत्यांची मजा आणखीच वाढली होती.