Yashasvi Jaiswal : 105 धावा केल्या, पण 165 धावा दिल्या, 4 कॅच सोडले; यशस्वी जैस्वालच सर्वात मोठा विलन ठरला!

हेडिंग्ले येथे मंगळवारी पार पडलेल्या कसोटी सामन्यात इंग्लंडने भारतावर 5 गडी राखून विजय मिळवला.

Yashasvi Jaiswal 4 catches dropped

हेडिंग्ले येथे मंगळवारी पार पडलेल्या कसोटी सामन्यात इंग्लंडने भारतावर 5 गडी राखून विजय मिळवला.

भारताने प्रथम फलंदाजी करताना समाधानकारक धावसंख्या उभारली होती, मात्र गोलंदाजी व क्षेत्ररक्षणात झालेल्या चुकांमुळे इंग्लंडला सहज विजय मिळवता आला.

या सामन्यात यशस्वी जैस्वालची कामगिरी विशेषतः क्षेत्ररक्षणात निराशाजनक ठरली.

यशस्वी जैस्वालने चार झेल सोडले, जे निर्णायक ठरू शकले असते. त्यामुळे हा सामना जैस्वालसाठी लक्षात राहण्यापेक्षा विसरण्यासारखा ठरला.

तो एका कसोटी डावात सर्वाधिक झेल सोडणारा भारतीय खेळाडू बनला आहे. यापूर्वी हा विक्रम अजिंक्य रहाणेच्या नावावर होता. 2019 मध्ये त्याने बांगलादेशविरुद्ध तीन झेल सोडले होते.

भारत आणि इंग्लंड यांच्यातील कसोटी सामन्यात यशस्वी जैस्वालने अनेक झेल सोडले. त्याने पहिल्या डावात 11 धावांवर बेन डकेटचा झेल सोडला, त्यानंतर डकेटने 62 धावा केल्या.

60 धावांवर ऑली पोपचा झेल सोडला आणि त्याने 106 धावा केल्या.

83 धावांवर हॅरी ब्रूकचा झेल सोडला आणि तो 99 धावा करू शकला.

दुसऱ्या डावातही यशस्वीने 97 धावांवर बेन डकेटचा झेल सोडला, त्यानंतर त्याने 149 धावा केल्या.

यशस्वी जैस्वालने अनेक महत्त्वाचे झेल चुकवले. त्यामुळे इंग्लंडच्या 165 धावा जास्त झाल्या.