In Pics : किंग कोहली दमदार फॉर्मात, सलग दुसरी एकदिवसीय सेन्चूरी ठोकत 73 शतकं केली पूर्ण

IND vs SL : भारत विरुद्ध श्रीलंका यांच्यातील पहिल्या एकदिवसीय सामन्यात विराट कोहली याने 113 धावांची दमदार खेळी करत लागोपाठ दुसरं एकदिवसीय शतक ठोकलं आहे.

Virat Kohli

भारत आणि श्रीलंका यांच्यातील पहिल्या वनडे सामन्यात भारताचा स्टार फलंदाज विराट कोहलीने शानदार शतक झळकावले.

त्याने 91 चेंडूत 113 धावांची दमदार खेळी केली.

त्याच्या खेळीत 11 चौकार आणि 2 षटकारांचा समावेश होता.

या शतकासह त्याने आपल्या आंतरराष्ट्रीय कारकिर्दीतील 73 वे शतक पूर्ण केले आहे.

याआधी त्याने बांगलादेशविरुद्ध खेळल्या गेलेल्या एकदिवसीय सामन्यातही शतक झळकावले होते.

ज्यामुळे त्याने सलग दोन सामन्यात शतक झळकावत अनेक मोठे विक्रम आपल्या नावावर केले आहेत.

एकदिवसीय क्रिकेटमध्ये 12, 500 धावांचा टप्पा पार करणारा कोहली हा दुसरा फलंदाज ठरला आहे.

याशिवाय त्याने वनडे कारकिर्दीतील 45 वे शतक त्याने झळकावले. त्याचवेळी घरच्या मैदानावर त्याचे हे 20 वे आंतरराष्ट्रीय शतक होते.

या बाबतीत त्याने सचिन तेंडुलकरची बरोबरी केली आहे. एकदिवसीय कारकिर्दीत सर्वाधिक शतके झळकावणारा कोहली हा दुसरा फलंदाज आहे.

त्याच्यासाठी 2023 वर्षाची सुरुवात चांगली झाली असून वर्षातील पहिल्याच सामन्यात त्याने शतक झळकावल्याने आता वर्षभरात आणखी शतकं ठोकेल अशी आशा आहे