IND vs ZIM : भारताकडून 24 तासात झिम्बॉब्वेचा हिशोब पूर्ण, 100 धावांनी मैदान मारले, विजयाची प्रमुख कारणं जाणून घ्या

IND vs ZIM 2nd T20 : भारतीय क्रिकेट संघानं झिम्बॉब्वेला 100 धावांनी पराभूत करत विजय मिळवला. भारतानं आता मालिकेत 1-1 अशी बरोबरी केलीय.

भारत विरुद्ध झिम्बॉब्वे

भारतानं झिम्बॉब्वेला टी 20 मालिकेतील दुसऱ्या मॅचमध्ये 100 धावांनी विराट विजय मिळवला. भारतानं मालिकेत आता 1-1 अशी बरोबरी केली आहे. या विजयामध्ये ऋतुराज गायकवाड, अभिषेक शर्मा आणि रिंकु सिंगनं फटकेबाजी करत धावांचा डोंगर उभारला.

भारतानं पहिल्यांदा फलंदाजी करताना 234 धावा केल्या होत्या. या धावसंख्येचा पाठलाग करताना झिम्बॉब्वेची टीम134 धावांपर्यंत पोहोचली.

भारताकडून आज अभिषेक शर्मा, ऋतुराज गायकवाड आणि 137 धावांची भागिदारी केली. अभिषेक शर्मानं 100 तर ऋतुराज गायकवाडनं 77 धावांची खेळी केली.

अभिषेक शर्मानं दुसऱ्याच मॅचमध्ये शतकी खेळी केली. अभिषेक शर्मा बाद झाल्यानंतर फलंदाजी करण्यासाठी रिंकू सिंगनं देखील फटकेबाजी केली. रिंकूनं 48 धावा केल्या.

भारताच्या वेगवान गोलंदाजांनी झिम्बॉब्वेच्या फलंदाजांना मोठी खेळी करुन दिली नाही. मुकेश कुमारनं 3 विकेट घेतल्या. आवेश खान यानं देखील तीन विकेट काढल्या. रवि बिश्नोईनं 2 तर वॉशिंग्टन सुंदरनं एक विकेट घेतली.

Continues below advertisement