England Ashes Series 2025 : क्रिकेट विश्वात खळबळ! मालिका पराभवानंतर दारूचा वाद पेटला, इंग्लंड खेळाडूंवर मद्यपानाचे गंभीर आरोप

England Ashes Series 2025 : ऑस्ट्रेलियाविरुद्धच्या अ‍ॅशेस मालिकेत आणखी एक पराभव पत्करल्यानंतर इंग्लंडचा संघ नव्या अडचणीत सापडताना दिसत आहे.

England Ashes Series 2025

ऑस्ट्रेलियाविरुद्धच्या अ‍ॅशेस मालिकेत आणखी एक पराभव पत्करल्यानंतर इंग्लंडचा संघ नव्या अडचणीत सापडताना दिसत आहे.

तिसऱ्या कसोटीत 82 धावांनी झालेल्या पराभवामुळे केवळ मालिका हातातून गेली नाही, तर आता संघाच्या वर्तनावरही प्रश्नचिन्ह निर्माण झाले आहे.

या पार्श्वभूमीवर इंग्लंड अँड वेल्स क्रिकेट बोर्ड (ECB) ला संघातील शिस्त आणि वागणुकीची चौकशी करावी लागणार आहे.

कर्णधार बेन स्टोक्ससह काही खेळाडूंनी मालिकेदरम्यान घेतलेल्या ब्रेकमध्ये अति प्रमाणात मद्यपान केल्याचा आरोप आहे.

तिसऱ्या कसोटीपूर्वी इंग्लंडच्या संघाने चार दिवसांचा ब्रेक घेत ऑस्ट्रेलियातील प्रसिद्ध हॉलिडे रिसॉर्ट नोसा येथे मुक्काम केला होता.

Continues below advertisement

आता माध्यमांतील अहवालांनुसार, या काळात काही खेळाडूंनी मोठ्या प्रमाणावर दारूचे सेवन केले. त्यामुळे शिस्तीवर गंभीर प्रश्न उपस्थित झाले आहेत.

या आरोपांनंतर इंग्लंडचे मॅनेजिंग डायरेक्टर रॉब की यांनी स्पष्ट केले की, या प्रकरणाची चौकशी केली जाईल. मात्र, सुरुवातीच्या माहितीनुसार खेळाडूंचे वर्तन योग्यच होते, असेही त्यांनी सांगितले.