Ben Stokes : एकदिवसीय क्रिकेटमधून बेन स्टोक्सने घेतली निवृत्ती, सोशल मीडियावरुन दिली माहिती
इंग्लंडचा कसोटी संघाचा कर्णधार असणाऱ्या बेन स्टोक्सने अचानकपणे एकदिवसीय क्रिकेटमधून निवृत्तीचा निर्णय घेतला आहे.
Download ABP Live App and Watch All Latest Videos
View In Appकाही दिवसांपूर्वीच इंग्लंडचा माजी कर्णधार इयॉन मॉर्गन याने आंतरराष्ट्रीय क्रिकेटमधून निवृत्ती घेतली होती, ज्यानंतर आता बेननेही निवृत्ती जाहीर केली आहे.
स्टोक्सने सोशल मीडियावर स्वत: ही माहिती दिली आहे.त्याने त्याच्या अधिकृत ट्वीटर हँडलवरुन एक भावूक पोस्ट लिहित ही माहिती दिली आहे.
बेनने ही माहिती देताना विश्वचषकासोबतचा एक फोटोही शेअर केला आहे.
स्टोक्स त्याचा अखेरचा सामना उद्या अर्थात 19 जुलै रोजी दक्षिण आफ्रिकेविरुद्ध डरहम येथे खेळणार असून दक्षिण आफ्रिका दौऱ्यातील हा पहिला एकदिवसीय सामना आहे.
बेनने एक अत्यंत भावूक पोस्ट लिहित निवृत्ती जाहीर केली असून यावेळी त्याने इंग्लंडचा एकदिवसीय संघाचा सध्याचा कर्णधार जोस बटलरसह संपूर्ण इंग्लंड क्रिकेटचे आभार मानत त्यांना शुभेच्छा दिल्या आहेत.
स्टोक्स हा इंग्लंड क्रिकेटमधील एक सर्वात महान अष्टपैलू क्रिकेटर म्हटलं तर अतिशयोक्ती होणार नाही.
संघाला विश्वचषक जिंकवून देण्यात मोलाची कामगिरी करणाऱ्या स्टोक्सने गोलंदाजी आणि फलंदाजी दोन्हीमध्ये चमकदार कामगिरी केली आहे.
दरम्यान बेन एकदिवसीय क्रिकेटमधून निवृत्त होत असला तरी कसोटी आणि टी20 सामने तो खेळणारच आहे.
यंदा होणाऱ्या टी20 विश्वचषकातही बेन इंग्लंड संघात असण्याची दाट शक्यता आहे.