PM Modi US Visit : नमस्ते अमेरिका! पंतप्रधान मोदींचं आजपासून 'मिशन अमेरिका', वॉशिंग्टनमध्ये जंगी स्वागत

पंतप्रधान नरेंद्र मोदी तीन दिवसांच्या अमेरिका दौऱ्यावर

भारतीय वेळेनुसार, मध्यरात्री पंतप्रधान नरेंद्र मोदी अमेरिकेच्या वॉशिंग्टन डलेस आंतरराष्ट्रीय विमानतळावर दाखल झाले.

काल (बुधवारी) पंतप्रधान नरेंद्र मोदी अमेरिकेसाठी रवाना झाले होते.

पंतप्रधान मोदी पेंसिलवेनिया एवेन्यू येथील हॉटेल विलार्ड इंटरकॉन्टिनेंटलमध्ये राहणार आहेत.

23 सप्टेंबर रोजी, म्हणजेच आज अमेरिकेतील वेळेनुसार, सकाळी 9.40 वाजता (भारतीय वेळेनुसार संध्याकाळी 7:15 वाजता) पंतप्रधान मोदी आपल्या हॉटेलमध्ये वेळवेगळ्या CEO सोबत भेटीगाठी करतील.

पंतप्रधान नरेंद्र मोदींसोबत अमेरिका दौऱ्यात परराष्ट्र मंत्री, एनएसएसह एक उच्चस्तरीय शिष्टमंडळ देखील जात आहे. या दौऱ्यात पंतप्रधान मोदी अमेरिकेचे राष्ट्राध्यक्ष यांची भेट घेणार आहेत.

मोदी आणि बायडन यांच्यात 24 सप्टेंबर रोजी द्विपक्षीय बैठक होणार असून या बैठकीत पंतप्रधान मोदी आणि बायडन भारत-अमेरिकेतील संबंधांवर चर्चा करतील.

मोदी आणि बायडन यांच्या बैठकीत दोन्ही देशांमधील व्यापार आणि गुंतवणूक संबंध मजबूत करणे, सुरक्षेसंबंधी तसेच स्वच्छ ऊर्जा भागिदारीला प्रोत्साहन देण्यासंदर्भात चर्चा होऊ शकते.

पंतप्रधान मोदी अमेरिकेच्या उपराष्ट्रपती कमला हॅरिस यांचीही भेट घेतील.

सोबतच या दौऱ्यात क्वाड शिखर परिषद व्हाईट हाऊस येथे आयोजित केली जाईल. जिथे चार देशांच्या (अमेरिका , भारत, जपान आणि ऑस्ट्रेलिया) नेत्यांची प्रथमच प्रत्यक्ष बैठक होणार आहे.

अमेरिकेत मोदींचं जंगी स्वागत करण्यात आलं.