PHOTO: घरगुती गणपती स्पर्धा 2022 ; पाहा आजच्या बाप्पा माझाचे विजेते...

कोरोना महासाथीच्या आजाराचे संकट काही प्रमाणात दूर झाल्याने यंदाचा गणेशोत्सव उत्साहाने पार पडत आहे.

राज्यभरात काल मोठ्या जल्लोषात गणपती बाप्पाचं आगमन झालं.

यंदाच्या गणेशोत्सवानिमित्त एबीपी माझाने घरगुती गणपती स्पर्धेचं आयोजन केलं आहे.

त्यानिमित्ताने अनेक गणेश भक्तांनी त्यांच्या लाडक्या बाप्पाचे फोटो एबीपीमाझाला सोशल मीडियाद्वारे टॅग केले आहेत.

त्यातल्या या काही मोजक्या सर्वोत्कृष्ट फोटोंना एबीपी माझाच्या डिजिटल प्लॅटफॉर्म्सवर झळकण्याचा बहुमान मिळालाय.

खोपोलीच्या मोरेश्वर सहस्त्रबुद्धे यांनी फुलांची आकर्षक सजावट केलेले फोटो एबीपी माझासोबत शेअर केले आहेत.

तर पुण्याच्या सायली कुलकर्णीने स्वतःच्या हाताने आकर्षक असा मखर तयार केलाय.

ढगामध्ये चंद्रात बसलेला बाप्पा सर्वांनाच भुरळ पाडत आहे.

तर गेट ऑफ इंडियामध्ये बसलेल्या या बाप्पाचं रूप अतिशय सुंदर दिसत आहे.

तुम्हीही आपल्या घरी विराजमान झालेल्या बाप्पाचे फोटो नाव,पत्त्यासह आम्हाला #बाप्पामाझा या हॅशटॅग सोबत टॅग करा...