Rising Viral Infections: देशभरात थंडीसोबत व्हायरल इन्फेक्शनही वाढतंय! 'अशी' घ्या काळजी

Rising Viral Infections: वातावरण बदलताच देशभरात वायरल इन्फेक्शन झपाट्याने वाढू लागतं. भारतात डेंगू, चिकनगुनिया, डायरिया, हेपेटायटीस सारखे रोग पसरू लागले आहेत.

Rising Viral Infections

देशातील नऊ जणांपैकी एका व्यक्तीला कोणत्या ना कोणत्या प्रकारच्या संसर्गाची लागण झाल्याचे आढळून आले आहे. 4.5 लाख नमुन्यांपैकी 11.1 टक्के नमुन्यांमध्ये विषाणू किंवा रोगजनक आढळले आहेत.

अनेक विषाणू आढळून आले, जसे की ARI/SARI मध्ये इन्फ्लूएंझा A, जास्त तापाच्या बाबतीत डेंगू, कावीळमध्ये हेपेटायटीस A आणि डायरियामध्ये नोरोव्हायरस.

या संसर्गांमुळे मुले, वृद्ध आणि कमकुवत प्रतिकारशक्ती असलेल्यांमध्ये गंभीर आजार निर्माण होत आहेत, ज्यामुळे रुग्णालयांवर अतिरिक्त दबाव येत आहे.

गर्दी आणि वेगाने वाढणारी लोकसंख्या हे विषाणूंच्या प्रसाराचे सर्वात मोठं कारण आहे. सार्वजनिक वाहतूक, ऑफिस आणि बाजारपेठा दररोज लाखो लोकांना एकत्र आणतात, ज्यामुळे संसर्गाचा प्रसार होतो.

प्रदूषणाचाही परिणाम होत आहे. खराब हवेच्या गुणवत्तेमुळे फुफ्फुसे आणि रोगप्रतिकारक शक्ती कमकुवत होत आहे, ज्यामुळे वारंवार खोकला, सर्दी आणि ताप येण्याचा धोका वाढतो.

Continues below advertisement

कोविड-19 नंतर रोगप्रतिकारक शक्तीमध्ये होणारे बदल, त्याशिवाय अस्वच्छता आणि दूषित पाणी हेपेटायटीस, नोरोव्हायरस आणि डायरिया यांसारख्या आजारांच्या जलद वाढण्यास कारणीभूत ठरतात.

हात धुणे, मास्क घालणे, स्वच्छ पाणी पिणे, डासांवर नियंत्रण ठेवणे, पाणी साचू न देणे, पौष्टिक अन्न खाणे आणि पुरेशी झोप घेणे यासारख्या दैनंदिन सवयी या रोगांवर सर्वोत्तम उपाय आहेत.

(टीप: वरील माहिती केवळ सर्वसाधारण माहितीपुरती असून, एबीपी माझा यामधील कोणताही दावा नाही.)