PHOTO : प्रवासी आणि बस चालक शाब्दिक वाद, राष्ट्रीय महामार्गावर एक तास वाहतूक ठप्प

पुणे-बंगलोर महामार्गावर कोंडसकोप येथे कर्नाटक राज्य परिवहन मंडळाच्या बस चालकाने प्रवाशांबरोबर वाद झाल्यामुळे भर रस्त्यात बस थांबवल्याने एक तासाहून अधिक काळ वाहतुकीची कोंडी झाली होती.

प्रवासी आणि बस चालक यांच्यात काही कारणामुळे शाब्दिक चकमक झाली. यावेळी प्रवासी आणि बस चालक यांच्यात जोरदार वाद झाला.

त्यानंतर बस चालकाने राष्ट्रीय महामार्गावर रस्त्याच्या मध्ये बस थांबवली.

बस चालकाबरोबर प्रवासी वाद घालत आहेत हे पाहून कर्नाटक परिवहन मंडळाच्या तेथून जाणाऱ्या अन्य बस चालकांनी देखील आपल्या बस रस्त्यात थांबवल्या.

त्यामुळे राष्ट्रीय महामार्गावर एका बाजूची वाहतूक एक तासाहून अधिक काळ ठप्प झाली होती.

अखेर ही माहिती कळताच पोलीस तिथे दाखल झाले आणि त्यांनी वाद मिटवून महामार्ग वाहतुकीसाठी मोकळा केला.

एक तास वाहतूक ठप्प झाल्यामुळे दोन किलोमीटरहून अधिक लांब वाहनांच्या रांगा लागल्या होत्या.