Fire : भिवंडीत तीन मजली इमारतीला आग

भिवंडीतील पिराणी पाडा परिसरात तीन मजली इमारतीला आग लागल्याची घटना घडली.

इमारतीमधील रहिवाशांना सुखरुप काढलं बाहेर काढण्यात आले आहे.

सुरुवातील भिवंडी शहरातील पिराणी पाडा परिसरात फळांच्या कॅरेटला अचानक भीषण आग लागली होती. त्यानंतर इमारतीला आग लागली.

आगीची घटना ही मध्यरात्रीच्या सुमारास घडली.

बघता बघता या आगीने रौद्ररुप धारण केले आणि शेजारच्या तीन मजली इमारतीला देखील आग लागली.

आग लागल्याची माहिती मिळताच अग्निशामक दलाच्या तीन गाड्या घटनास्थळी दाखल झाल्या होत्या.

यामुळं परिसरात भीतीचं वातावरण निर्माण झाले. दरम्यान, स्थानिकांच्या मदतीनं या इमारतीमधील रहिवाशांना सुखरुप बाहेर काढले आहे.

एका तासाच्या अथक प्रयत्नानंतर आगीवर पूर्णपणे नियंत्रण मिळवण्यात अग्निशामक दलाला यश आले आहे.

दरम्यान, या आगीच्या घटनेदरम्यान, एक पोलीस कर्मचारी खड्ड्यात पडल्याने जखमी झाला आहे.