Jalna News : क्षणात होत्याचं नव्हतं झालं! शेतकऱ्याचा 45 एकर वरील ऊस जळून खाक, लाखोंचे नुकसान

जालना जिल्ह्यातील जाफराबाद तालुक्यातल्या हनुमंतखेडा या गावात ऊसाला लागलेल्या आगीत 40 ते 45 एकर ऊस जळून खाक झालाय.

ट्रांसफार्मरमध्ये शॉर्ट सर्किट झाल्याने ही आग लागल्याची घटना घडलीय.

यामध्ये जवळपास 12 शेतकऱ्यांचे मिळून जवळपास 40 ते 45 एकर क्षेत्रावरील उसाचे पीक हे पूर्णतः जळून नष्ट झालंय.

यात शेतकऱ्याचं जवळ जवळ लाखो रुपयांचं आर्थिक नुकसान झालंय.

काढणीला आलेल्या उसाचे पीक ऐनवेळीला हातातून गेल्यामुळे शेतकऱ्यांना लाखो रुपयांचा मोठा फटका आणि आर्थिक नुकसान झाल्याने शेतकरी हवालदिल झाला आहे.

तर या घटनेत 10 ते 12 शेतकर्‍यांच मिळून अंदाजे 70 ते 75 लाख रुपयांचे नुकसान झाले आहे.