Pandharpur Vitthal: पंढरीच्या विठुरायाला सोनेरी तेजाने लखलखणारी तुळशीची माळ दान, 43 पानं अन् 88 मण्यांनी मढवली

Pandharpur Vitthal: विठुरायाला तुळशी अत्यंत प्रिय असते आणि त्यामुळे भाविक सोन्याच्या तुळशी पानांचे हार देवाला अर्पण करीत असतात

Pandharpur Vitthal rukmini temple

पंढरीच्या विठुरायाला सोनेरी तेजाने लखलखणारी तुळशीची माळ दान करण्यात आली आहे. ही तुळशी माळ 43 पानं आणि 88 मण्यांनी मढवली आहे.

पंढरपूर येथील विठ्ठल भक्त श्रीमती अलका अंकुश घाडगे यांनी विठुरायाच्या चरणी सोन्याची तुळशी माळ अर्पण केली आहे.

या तुळशी माळेचे वजन 60.78 ग्रॅम असून याची अंदाजे किंमत पाच लाख 14 हजार इतकी होत आहे.

विठुरायाला तुळशी अत्यंत प्रिय असते आणि त्यामुळे भाविक सोन्याच्या तुळशी पानांचे हार देवाला अर्पण करीत असतात. या तुळशी माळेला 43 पाने व 88 व्हर्टिकल मणी आहेत.

यावेळी मंदिर समितीचे व्यवस्थापक मनोज श्रोत्री यांच्या हस्ते या देणगीदार भाविकांचे विठुरायाची प्रतिमा व उपरणे देऊन सन्मान करण्यात आला.

Continues below advertisement